រក្សាគេឲ្យល្អ! ៩សញ្ញាបញ្ជាក់ថាម្នាក់ហ្នឹងហើយជាស្នេហាពិតរបស់យើង

2018-05-02 02:21:48
ចំនួនមតិ 0 | ចំនួនចែករំលែក 0

អ្នកអាចនឹងមានសង្សារច្រើន តែការដែលបានជួបមនុស្សម្នាក់ដែលជាស្នេហាពិតរបស់អ្នកនោះគឺមិនងាយទេ។ នៅពេលដែលអ្នកជួបមនុស្សដូចខាងក្រោមនេះ អ្នកគួរណាស់តែថែរក្សាគាត់ឱ្យបានល្អ៖

១. គាត់គាំទ្រអ្នកក្តីស្រមៃរបស់អ្នក

គាត់នឹងគាំទ្រអ្នកទោះនៅក្នុងកាលៈទេសៈណាក៏ដោយ ពេលខ្លះគាត់ជឿជាក់លើក្តីស្រមៃរបស់អ្នក ជាងអ្នកជឿលើខ្លួនឯងទៅទៀត។ គាត់នឹងជំរុញអ្នកឱ្យទៅដល់ក្តីស្រមៃនោះ។

២. គាត់យកចិត្តទុកដាក់ពេលអ្នកនិយាយ

នៅពេលដែលគាត់យកចិត្តទុកដាក់ពេលអ្នកនិយាយ នោះបានន័យថាគ្រប់ពាក្យដែលអ្នកនិយាយគឺសំខាន់សម្រាប់គាត់។ គាត់មិនទុកសម្តីអ្នកអត់ប្រយោជន៍នោះទេ។

៣. អ្នកមានការសម្រេចចិត្តដូចគ្នា

កំហុសធំបំផុតដែលស្តែងចេញនៅពេលអ្នកជួបមនុស្សខុសគឺចិត្ត និងការសម្រេចចិត្តមិនដូចគ្នា។ នៅពេលដែលគិតតែពីការសម្រេចចិត្តរៀងៗខ្លួន នោះស្នេហាកាន់តែមានឧបសគ្គ។ នៅពេលដែលអ្នកមានចិត្តដូចគ្នា គាត់គោរពតាមការសម្រេចចិត្តរបស់អ្នក នោះបានន័យថាអ្នករើសមនុស្សត្រូវហើយ។

៤. អ្នកជឿទុកចិត្តគ្នា

មិនចាំបាច់តាមដានគ្នា ឬឆែកទូរស័ព្ទគ្នារាល់ថ្ងៃទើបទុកចិត្តគ្នានោះទេ។ នៅពេលដែលអ្នកជឿជាក់លើគ្នា អ្នកនឹងមិនសូវឈ្លោះគ្នានោះទេ។

៥. គាត់មិនដែលធ្វើឱ្យអ្នកអន់នៅចំពោះមុខគេគ្រប់គ្នា

នៅពេលដែលស្រលាញ់អ្នកពិតប្រាកដ នោះគេនឹងគោរពអ្នក ឱ្យតម្លៃអ្នក អ្នកការពារអ្នកនៅចំពោះមុខអ្នកដទៃ មិនមែនធ្វើឱ្យអ្នកអន់ឡើយ។

៦. អ្នកគិតដល់គាត់គ្រប់ពេល

អ្នកចាប់ផ្តើមចាប់អារម្មណ៍ពីរបស់មនុស្សប្រុសដូចជា អ្នកទៅផ្សារឃើញអាវគេតាំងស្អាតភ្លាមអ្នកនឹកឃើញដល់គាត់ភ្លាម។ ពេលខ្លះអ្នកជួបប្រទះនឹងអ្វីមួយអ្នកតែងតែនឹកឃើញគាត់មុនគេ។