រហ័សទាន់ចិត្ត ជាមួយវិធីកម្ចាត់ស្នាមជ្រួញលើសម្លៀកបំពាក់ដោយមិនបាច់ប្រើឆ្នាំងអ៊ុត
- 2018-04-26 06:41:04
- ចំនួនមតិ 0 | ចំនួនចែករំលែក 0
រហ័សទាន់ចិត្ត ជាមួយវិធីកម្ចាត់ស្នាមជ្រួញលើសម្លៀកបំពាក់ដោយមិនបាច់ប្រើឆ្នាំងអ៊ុត
ឆ្នាំងអ៊ុត មានសារៈសំខាន់នៅគ្រប់គេហដ្ឋានទាំងអស់ ប៉ុន្តែប្រសិនបើអ្នករវល់ពេក ហើយអាវមានស្នាមជ្រីវជ្រួញខ្លាំង ដំណោះស្រាយទាំង ៤ នេះអាចជួយបាន។
១.ទឹកលាយជាមួយទឹកខ្មេះ
ទឹកខ្មេះសក៏អាចកម្ចាត់ស្នាមជ្រួញនៅលើសម្លៀកបំពាក់របស់អ្នកបានដែរ។ អ្នកត្រូវលាយទឹកខ្មេះ ១ ភាគជាមួយទឹក ៣ ភាគ ហើយចាក់ទឹកនោះទៅក្នុងដបទឹកបាញ់មួយ រួចយកទៅបាញ់លើខោអាវដែលមានស្នាមនោះទៅ។ បន្ទាប់មកអ្នកគ្រាន់តែរង់ចាំឲ្យសម្លៀកបំពាក់ស្ងួត អាចពាក់ជាធម្មតាបាន។
២.ប្រើម៉ាស៊ីនផ្លុំសក់
អ្នកយកទឹកខ្លះមកប្រោះលើសម្លៀកបំពាក់ឲ្យសើម ហើយលាតវាចេញបន្ទាប់មកប្រើម៉ាស៊ីនសម្ងួតសក់ផ្លុំពីលើវា។ ធ្វើដូចនេះបន្ទាប់ពីពីរ-បី នាទីសម្លៀកបំពាក់របស់អ្នកស្ងួតបន្ទាប់មកស្នាមជ្រួញ នឹងរលាយបាត់ភ្លាមៗ។
៣.បន្ទប់ទឹក
ប្រសិនបើអ្នកងូតទឹកផ្កាឈូកក្ដៅ អ្នកអាចឆ្លៀតឱកាសនេះដើម្បីធ្វើឲ្យសម្លៀកបំពាក់រាបស្មើ។ យកខោអាវទៅជិតផ្កាឈូក ដូច្នេះវាអាចស្រូបយកចំហាយទឹកក្ដៅបាន ប៉ុន្តែត្រូវប្រាកដថាសម្លៀកបំពាក់របស់អ្នកមិនទទឹក។ បិទទ្វារឲ្យជិត រង់ចាំពីរ-បីនាទី ស្រូបយកកម្ដៅ។
៤.ប្រើកន្សែងសើម
និយាយសាមញ្ញអ្នកត្រូវដាក់សម្លៀកបំពាក់នៅលើផ្ទៃរាបស្មើ។ បន្ទាប់មកប្រើកន្សែងសើមនៅលើសម្លៀកបំពាក់ ហើយទុកកន្សែងនោះនៅពីលើប្រហែល ១០ នាទី សម្លៀកបំពាក់របស់អ្នកនឹងមិនបាក់ភ្លីទៀតទេ។ បន្ទាប់មកយកខោអាវផ្លុំឲ្យស្ងួតអ្នកអាចពាក់បានភ្លាមៗ៕
ចុចអាន៖២ វិធីសម្អាតស្នាមប្រឡាក់ លើស្បែកជើងប៉ាតាពណ៌សបានយ៉ាងមានប្រសិទ្ធភាព