២ វិធីសម្អាតស្នាមប្រឡាក់ លើស្បែកជើងប៉ាតាពណ៌សបានយ៉ាងមានប្រសិទ្ធភាព
- 2018-04-15 03:00:00
- ចំនួនមតិ 0 | ចំនួនចែករំលែក 0
២ វិធីសម្អាតស្នាមប្រឡាក់ លើស្បែកជើងប៉ាតាពណ៌សបានយ៉ាងមានប្រសិទ្ធភាព
ស្បែកជើងប៉ាត់តាពណ៌ស គឺជាស្បែកជើងពេញនិយមសម្រាប់យុវវ័យ។ ដោយសារវាងាយស្រួលពាក់ ពេលធ្វើដំណើរ មានម៉ូដទាន់សម័យ ត្រូវចិត្តយុវវ័យខ្លាំង។ ម៉្យាងទៀតពណ៌ដែលពួកគេពេញចិត្តខ្លាំងជាងគេនោះគឺពណ៌ស ព្រោះវាមិនរើសពណ៌ខោអាវ ហើយថែមទាំងស្រស់ស្អាតជាងពណ៌ដទៃ។
ប៉ុន្តែគុណវិបត្តិស្បែកជើងពណ៌សគឺ ឆាប់ប្រឡាក់ និងពិបាកក្នុងការសម្អាត។ ប៉ុន្តែ ២ វិធីងាយៗនេះនឹងសម្អាតស្បែកជើងពណ៌សបានយ៉ាងស្រស់ស្អាត និងងាយស្រួលធ្វើដោយគ្រាន់តែត្រូវការ៖
វិធីទី១ ៖ ថ្នាំដុសធ្មេញ
របៀបសម្អាត៖
១. យកថ្នាំដុសធ្មេញពណ៌ស ហើយមិនមែនជាប្រភេទជេល ទៅលាបលើស្នាមប្រឡាក់ដែលមានលើស្បែកជើង
២. ទុក ១៥ នាទី សឹមយកច្រាសដុះធ្មេញដុះសម្អាតចេញ
៣. លាងដោយប្រើទឹកត្រជាក់
វីធីទីពីរ៖ ប្រើថ្នាំលាងក្រចក
របៀបសម្អាត៖
១. យកសំឡីផ្ដិតទឹកលាងក្រចក ហើយយកជូតទៅលើស្នាមប្រឡាក់លើស្បែកជើង
២. យកសំឡីដដែលជូតត្រដុសនឹងស្នាមប្រឡាក់
៣. ដុះលាងសម្អាតស្បែកជើងដោយប្រើម្សៅសាប៊ូរួចលាងចេញ
៤. យកទៅហាលឲ្យស្ងួតជាការស្រេច
ចុចអាន៖មកមើលវិធីតុបតែងនំប៊ីស្គីត Cute សម្រាប់ខួបកំណើតដែលកំពុងអង្រួនចិត្តនារីៗ