អ្នកកើតឆ្នាំទាំង ៤ វិនិយោគអាជីវកម្មអី ក្នុងខែមេសានេះ ក៏ទទួលបានជោគជ័យដែរ!

2018-04-04 11:00:00
ចំនួនមតិ 0 | ចំនួនចែករំលែក 0

មើលអត្ថបទហោរាសាស្ត្រខាងក្រោម ដើម្បីដឹងថាតើឆ្នាំណាខ្លះដែលអាចធ្វើការវិនិយោគកាប់កបនៅក្នុងខែ មេសា នេះ។

១.ឆ្នាំមមី

អ្នកកើតឆ្នាំនេះ មានមន្តស្នេហ៍ក្នុងការនិយាយ មានសំណាងល្អក្នុងអាជីវកម្ម។ នៅក្នុងខែ មេសា ឆ្នាំនេះ អាជីវកម្មរបស់អ្នកមានការលូតលាស់ច្រើន។ ការខិតខំប្រឹងប្រែង ការប្ដេជ្ញាចិត្ត និងគុណភាពផលិតផល ព្រមជាមួយសេវាកម្មត្រូវបានទទួលស្គាល់ ហើយណែនាំដល់គ្នាទៅវិញទៅមករវាងអ្នកប្រើប្រាស់។ អ្វីដែលត្រូវការពេលនេះ គឺធ្វើការខ្លាំងជាងមុន ក៏ដូចជាលាក់អាថ៌កំបាំងពីអាជីវកម្មជាមួយអ្នកដទៃ។ បើអ្នកអាចចាប់យកឱកាសអាជីវកម្មដ៏ល្អនៅខែនេះ អ្នកនឹងរកប្រាក់បានច្រើន ហើយមានទំនាក់ទំនងក៏កាន់តែល្អ ដើម្បីអភិវឌ្ឍអាជីវកម្មនៅពេលក្រោយ។

រូបតំណាង

**២.ឆ្នាំរោង**

មនុស្សកើតឆ្នាំរោងនៅក្នុងខែមេសានេះនឹងមានអាជីវកម្មមួយដែលទទួលបានជោគជ័យយ៉ាងត្រចះត្រចង់។ នៅខែនេះនឹងមានឱកាសច្រើន សម្រាប់ពង្រីកបណ្ដាញអតិថិជនរបស់អ្នកឲ្យទទួលបានកិច្ចព្រមព្រៀងដ៏អស្ចារ្យ និងយីហោរីកដុះដាល។ ចំណែកអ្នកធ្វើការវិញ ការប្ដេជ្ញាចិត្ត វិជ្ជាជីវៈ និងការខិតខំប្រឹងប្រែងរបស់អ្នកនឹងទទួលបានការកោតសរសើរពីសំណាក់ចៅហ្វាយ ឬមិត្តរួមការងារ។

រូបតំណាង

៣.ឆ្នាំជូត

មនុស្សកើតឆ្នាំនេះ ត្រូវបានគេស្គាល់ថាមានបញ្ញាឆ្លាតវៃល្អក្នុងការគណនា និងបង្វែរស្ថានភាពឲ្យមកប្រសើរ។ ក្នុងអាជីវកម្មពួកគេមានឆន្ទៈ និងអាចដោះស្រាយបញ្ហាទាំងអស់។ ដូចនេះអ្នកមានអាជីវកម្មអាចរីកចម្រើនយ៉ាងខ្លាំងប្រាក់ចំណូលនឹងកើនឡើងជាលំដាប់។ ប្រសិនបើអ្នកមានគំនិតអាជីវកម្មថ្មី អ្នកអាចព្យាយាមដាក់ទុនដោយទំនុកចិត្ត ព្រោះវាជាពេលសមស្រប។

រូបតំណាង

៤.ឆ្នាំខាល

មនុស្សកើតឆ្នាំនេះមានភាពរឹងមាំពីកំណើត។ ម្យ៉ាងទៀតអ្នកកើតឆ្នាំនេះជួបការលំបាកច្រើន តែបន្ទាប់ឆ្លងកាត់រឿងទាំងឡាយអាចជួយឲ្យពួកគេទទួលបទពិសោធន៍ជាច្រើន ដើម្បីបណ្ដុះឆន្ទៈ និងស្មារតីតស៊ូទៅមុខ។ ជាលទ្ធផលក្នុងខែនេះមនុស្សវ័យកណ្ដាលមានកម្លាំងគ្រប់គ្រាន់ ដើម្បីធ្វើជាម្ចាស់ជីវិតនៃរបរខ្លួនឯង និងទទួលបានផ្លែផ្កាគួរជាទីពេញចិត្ត៕