រឿងភាគថ្មីរបស់ Fan Bingbing មិនអាចចាក់ផ្សាយ ព្រោះតួប្រុសជាប់បទចាប់រំលោភ

2018-04-01 04:03:40
ចំនួនមតិ 0 | ចំនួនចែករំលែក 0

ដោយសារតារាសម្ដែងប្រុសចិន Gao Yunxiang ត្រូវចាប់ខ្លួននៅប្រទេសអូស្ត្រាលីពីបទចាប់រំលោភ រឿងភាគដែលថតហើយរបស់លោក វិនិយោគដោយតារាសម្ដែងស្រី Fan Bingbing អាចនឹងមិនត្រូវបានចាក់ផ្សាយជារៀងរហូត។

កាលពីពេលថ្មីៗនេះ នៅសណ្ឋាគារ Shangri-La ប្រទេសអូស្ត្រាលី តារាសម្ដែងល្បីឈ្មោះចិន Gao Yunxiang ត្រូវបានប៉ូលិសចាប់ខ្លួនពីបទចាប់រំលោភនារីវ័យ៣៦ឆ្នាំម្នាក់។ ហេតុការណ៍ប្រុសស្អាតរូបនេះត្រូវចាប់ខ្លួន មិនត្រឹមតែនាំរឿងដល់ខ្លួនឯងនោះទេ ថែមទាំងពាក់ព័ន្ធដល់តារាស្រីជួរមុខ Fan Bingbing ទៀតផង។

មូលហេតុនោះគឺ រឿងភាគ "Win The World” ដែលត្រូវបានបោះទុនដោយ Fan Bingbing ដែលមាន Yunxiang ដើរតួឯកប្រុសនោះ កំពុងត្រូវបានផ្អាកចាក់ផ្សាយដោយសារបញ្ហាមួយចំនួន។ យ៉ាងណាក៏ដោយ ជាមួយនឹងហេតុការណ៍បែបនេះ នាពេលបច្ចុប្បន្ន រឿងភាគមួយនេះអាចគ្មានថ្ងៃត្រូវបានចាក់បញ្ចាំងឡើយ ដោយសារតែមហាជនមិនអាចទទួលបានទេ ជនចាប់រំលោភគេបានដើរតួជាព្រះមហាក្សត្រនោះ។

គួរបញ្ជាក់ផងដែរថា "Win The World” គ្រោងត្រូវចាក់ផ្សាយតាំងពីដើមខែមករាមកម៉្លេះ តែមកទល់ពេលនេះ គឺនៅឆ្កឹងនៅឡើយ៕