សញ្ញាទាំង ៦ បញ្ជាក់យ៉ាងច្បាស់ថា អ្នកមានមិត្តជាសត្វពស់

2018-03-30 01:58:17
ចំនួនមតិ 0 | ចំនួនចែករំលែក 0

នៅទីណាក៏ដោយ អ្នកតែងតែចង់បង្កើតមិត្តភាព ដោយរាប់អានមនុស្សជុំវិញខ្លួនជាមិត្ត ប៉ុន្តែអ្នកត្រូវចាំថាមនុស្សទាំងអស់ គឺមិនដូចគ្នាទេ មានល្អ មានអាក្រក់ ខ្លះមានមុខពីរ ផ្អែមតែនៅពីមុខ ខាងក្នុងជាល្វា ខ្លះទៀតចូលមករាប់អាន ដើម្បីបោកប្រាស់តែម្ដង។ ជីវិតនឹងជួបភាពអន្តរាយ បើបានជួបមនុស្សរបៀបនេះ ដូច្នោះហើយអ្នកត្រូវឈប់រាប់អានភ្លាមពេលជួបមនុស្សប្រភេទដូចខាងក្រោមនេះ៖

១.អាត្មានិយម

ជាធម្មតាគេមិនសូវជាទាក់ទងមកទេ តែបើកាលណាគេខល ឬឆាតមកហើយ ត្រៀមខ្លួនទៅ គេច្បាស់ជាត្រូវការអ្វីមួយពីអ្នកហើយ និយាយជារួមទៅគឺចង់បោកប្រើតែម្ដង។

រូបតំណាង

**២.ចូលចិត្តនិយាយដើមគេបែកផ្សែង ហើយដ្រាម៉ាទៀត**

អ្នកត្រូវចំណាំថាបើគេចូលចិត្តនិយាយតែដើមគេ ជួនកាលពន្លើសទៀត ថ្ងៃណាមួយគេនឹងអាចធ្វើដាក់អ្នកដូចគ្នា។ អ្នកក៏មិនត្រូវនិយាយរឿងសម្ងាត់របស់ខ្លួនប្រាប់ទៅគេបានដែរ ព្រោះមនុស្សបែបនេះមិនអាចទុកចិត្តបានឡើយ។

៣.ចង់ឲ្យអ្នកធ្វើអីដូចគេ

គេតម្រូវឲ្យអ្នកស្លៀកពាក់ឲ្យដូចគេ ដោយនិយាយថាធ្វើបែបនេះទើបឡូយ ទើបគេហៅថាកាលីប នោះ បញ្ជាក់ថាគេមិនមែនជាមិត្តដែលគួររាប់អានទេ។ ព្រោះបើមិត្តល្អ គេមិនចាំបាច់ដាក់សម្ពាធឲ្យភាគីម្ខាងទៀតធ្វើអ្វីដែលមិនមែនជាខ្លួនឯងនោះទេ។ មិត្តល្អតែងតែស្រលាញ់រាប់អានយើងទោះស្ថិតក្នុងកាល:ទេស:ណាក៏ដោយ។

៤.និយាយកុហក

ពេលដែលមិត្តអ្នកមិនអាចនិយាយការពិតថា គេជាមនុស្សបែបណាឲ្យប្រាកដទេនោះ គេក៏មិនមែនជាមនុស្សល្អដែរ។ គេគិតថាការអួតអាងពីនេះពីនោះ ហើយមិនហ៊ានបង្ហាញពីចំណុចខ្សោយរបស់ខ្លួនឯង ព្រោះឲ្យអ្នកគិតថាគេជាមនុស្សអស្ចារ្យ។ បើគេព្យាយាមកុហកសូម្បីតែរឿងកំប៉ិកកំប៉ុក គេក៏អាចកុហកអ្នករឿងផ្សេងៗដែរ។

៥.រិះគន់ឥតល្ហែ

បើអ្នកបានជួបមិត្តដែលចេះតែបង្អាប់រិះគន់ មិនចេះជួយស្ថាបនាឲ្យប្រសើរឡើងទេនោះ អ្នកនឹងបាក់ទឹកចិត្តជាមិនខាន មនុស្សបែបនេះក៏គួរតែជៀសឲ្យឆ្ងាយដែរ។

៦.មិនសប្បាយចិត្តពេលឃើញអ្នកជោគជ័យ

គេមិនអបអរសាទរនូវអ្វីដែលអ្នកទទួលបានឡើយ ហើយថែមទាំងអង្គុយច្រណែនទៀតផង៕