ប្រយ័ត្នកែលែងឡើង! ពេលចូលឆ្នាំខ្មែរ ស្រីៗចង់ដើរលេងឆ្ងាយគួរតែត្រៀមរបស់ទាំង ១០នេះកុំខាន

2018-04-09 05:44:55
ចំនួនមតិ 0 | ចំនួនចែករំលែក 0

ថ្ងៃចូលឆ្នាំប្រពៃណីខ្មែរ ក៏ខិតជិតមកដល់ហើយប្រជាជនទាំងក្មេងចាស់ ប្រុសស្រីតែងតែរីករាយក្នុងការជួបជុំគ្រួសារ ហើយខ្លះទៀតក៏មានដំណើរកម្សាន្តទៅតាមទីកន្លែងផ្សេងៗ។ ដោយឡែកក្នុងឱកាសចូលឆ្នាំថ្មីនេះ កញ្ញា ក៏មានអត្ថបទសម្រាប់នារីៗក្នុងការត្រៀមខ្លួនពេលទៅដើរលេងឆ្ងាយដែរ ហើយអ្នកក៏គួរតែត្រៀមនូវរបស់ទាំងនេះកុំឲ្យខានដែរ ៖

១. Camera

វាសំខាន់ណាស់ពេលដែលអ្នកដើរលេងម្ដងៗ ព្រោះវាអាចផ្ដិតយកការចងចាំ និងអនុស្សាវរីយ៍ជាច្រើនរបស់អ្នក។ មិនបាច់ដល់តែកាម៉ារ៉ាថ្លៃ Cannon អីទេ តែកាម៉ារ៉ាទូរស័ព្ទក៏បានដែរឲ្យតែអាចថតបានច្បាស់ និងស្អាត ព្រោះដឹងស្រាប់ហើយថាមនុស្សស្រីក៏ចូលចិត្តថតរូបណាស់ ដូច្នេះត្រូវតែមានជាចាំបាច់។

២. គ្រឿង Make up

ប្រហែលជាស្រីៗមិនភ្លេចទេ ព្រោះទៅដើរលេងម្ដងត្រូវតែតែងខ្លួនឲ្យស្អាតៗ។ មិនសូវមានពេលដើរលេងច្រើននោះទេ ដូច្នេះត្រូវតែងខ្លួនឲ្យឆ្វង់ៗ កុំឲ្យចាញ់គេ។

៣. ប្រដាប់កៀបសក់

បើអ្នកទៅគេង អ្នកគួរតែមានវាព្រោះវាក៏សំខាន់ដែរក្នុងការដែលអ្នកចង់លេងម៉ូតសក់ស្អាតៗ។

៤. ឆត្រ

ដឹងហើយថាខែនេះជាខែក្ដៅ ដូច្នេះអ្នកគួរតែមានឆត្រមួយក្នុងដៃ ទុកបាំងកម្ដៅថ្ងៃកុំឲ្យខ្មៅស្បែក។ ម្យ៉ាងទៀតវាក៏អាចប្រើក្នុងការធ្វើជា Style ថតរួបបានយ៉ាងពិសេសផងដែរ។

៥. ស្បែកជើង

ពេលដើរឆ្ងាយ ពេលថ្ងៃអ្នកគួរតែពាក់ ប៉ាត់តា ហើយបើដើរពេលយប់ ឬ ដើរតាមឆ្នេរអ្នកគួរតែមានស្បែកជើងផ្ទាត់ ឬក៏ស្បែកជើងណាដែលស្រួលពាក់ ស្រួលដើរ។

៦. កង្ហារតូច

វាពិតជាជួយច្រើនណាស់បើអ្នកទៅកន្លែងដែលមានមនុស្សច្រើន ព្រោះពេលដែលក្ដៅ ពេលដែលហប់អ្នកអាចប្រើវាក្នុងការបន្ថយការក្ដៅស្អុះស្អាប់។

៧. Power Bank

ពេលទៅណាឆ្ងាយវាពិបាកណាស់ក្នុងការរកកន្លែងបញ្ចូលថ្ម ដូច្នេះបើមានវាមួយអ្នកអាចសាកថ្មតាមខ្លួនបានគ្រប់កន្លែង។

៨. កន្សែង ឬ ក្រម៉ា

ពេលដែលអ្នកដើរឆ្ងាយ មនុស្សច្រើន ក្ដៅ ហើយហុយ នោះស្បែករបស់អ្នកនឹងមានដី ស្អិត អីចឹងហើយអ្នកអាចយកវាមកផ្សើមទឹក ជូតមុខ ជូតដៃ ជូតក ឲ្យស្រួលខ្លួនបន្តិចក៏ល្អដែរ។