អនុវត្តតែប៉ុន្មានវិធីនេះ រឿងធ្លាក់ភ្នែក ដក់ខ្មៅក្រោមភ្នែកលែងជាបញ្ហាហើយ

2018-03-23 03:54:19
ចំនួនមតិ 0 | ចំនួនចែករំលែក 0

ការដក់ខ្មៅ និងហើមក្រោមភ្នែកជាបញ្ហាមួយដែលនារីកំពុងជួបប្រទះច្រើន ហើយក៏ពិបាកក្នុងការដោះស្រាយដែរ ព្រោះពេលខ្លះគេងមិនគ្រប់ ញ៉ាំមិនឆ្ងាញ់ ភ្នែកសម្លឹងមើលអេក្រង់កុំព្យូទ័រជាប់។ ចំពោះអ្នកដែលមានបញ្ហាបែបនេះកញ្ញា សូមណែនាំវិធីព្យាបាល ៥យ៉ាងដែលអាចជួយឲ្យភ្នែកដ័ស្រស់ស្អាតអ្នកត្រឡប់មកវិញ ៖

១. ប្រើស្លាបព្រាម៉ាស្សា

យកស្លាបព្រា ក្លាសេឲ្យត្រជាក់ពី១០ ដល់ ១៥នាទីមកសង្កត់នៅក្រោមភ្នែកដែលធ្លាក់ហើយម៉ាស្សាថ្នមៗ រហូតដល់អ្នកមានអារម្មណ៍ថាក្ដៅសឹមឈប់។ វាជួយភ្នែកត្រជាក់ បន្ធូរសសៃឈាម និងជួយបំបាត់ការហើមភ្នែក និងស្នាមដក់យ៉ាងមានប្រសិទ្ធភាព។

២.ប្រើកញ្ចប់តែ

យកកញ្ចប់តែដែលត្រាំហើយដាក់ក្នុងទូរទឹកកកឲ្យត្រជាក់ បន្ទាប់មកយកមកដាក់ស្អំក្រោមភ្នែកដែលធ្លាក់នោះ។ វិធីនេះក៏ទទួលបានលទ្ធផលឆាប់រហ័សដែរ ព្រោះវាជួយទប់ស្កាត់ការធ្លាក់ភ្នែកដែលបណ្ដាលមកពីគេងមិនគ្រប់ជាដើម។

៣. ប៉េងប៉ោះ ត្រសក់ ស៊ុតស

អ្នកអាចយកប៉េងប៉ោះ ឬត្រសក់ចិត្តជាចំណិតស្ដើងៗ ដាក់ក្លាសេឲ្យត្រជាក់រួចបិតនៅក្រោមភ្នែកបាន។ វិធីម្យ៉ាងទៀតអ្នកអាចយកស៊ុតផ្នែកស មកលាបក្រោមភ្នែកដែលធ្លាក់ ជាំខ្មៅនោះ។ វិធីទាំងនេះអាចជួយឲ្យក្រោមភ្នែករបស់អ្នកត្រឡប់មកភ្លឺរាបស្មើស្អាតឡើងវិញ។

៤. ញ៉ាំទឹកឲ្យបានច្រើន

ការផឹកទឹកឲ្យបានគ្រប់គ្រាន់ជួយសម្រួលដល់ការដក់ភ្នែកដោយសារការចូលគេងយឺតបានមួយភ្នែកធំ ដូច្នេះបើអ្នកសង្កេតឃើញថាភ្នែកអ្នកហើយ ដក់ខ្មៅត្រូវព្យាយាមផឹកទឹកឲ្យបានច្រើនតាមដែលអាចធ្វើបាន។

៥. ប្រទាលកន្ទុយក្រពើ

លាបប្រទាលកន្ទុយក្រពើ រឺផលិតផលថែរក្សាស្បែកណាមួយដែលមានសារជាតិ ប្រទាលកន្ទុយក្រពើលើកន្លែងដែលដក់ខ្មៅនោះ ។ ប្រុងប្រយ័ត្នកុំឲ្យវាចូលទៅក្នុងភ្នែករបស់អ្នកព្រោះវានឹងធ្វើមានប្រតិកម្មបាន។ ប្រទាលកន្ទុយក្រពើ មានប្រសិទ្ធភាពប្រឆាំងអុកស៊ីតនិងសម្បូរទៅដោយវីតាមីន E ដែលជាសារជាតិចិញ្ចឹមសម្រាប់ស្បែករបស់អ្នក។ នៅពេលដែលត្រូវបានដាក់លើស្បែកនៅក្រោមភ្នែក សារធាតុប្រទាលកន្ទុយក្រពើ នឹងជួយធ្វើឱ្យឈាមរត់ឈាមប្រសើរឡើងហើយជួយបំបាត់ភាពខ្មៅដក់ ហើយនៅជុំវិញភ្នែករបស់អ្នកបាន៕