ធ្វើម៉េចបានដឹងថា Ex នៅតែនឹក? សង្កេតមើលចំណុចទាំងនេះ ទើបប្រាប់អ្នកឲ្យដឹងបាន

2018-03-22 07:30:00
ចំនួនមតិ 0 | ចំនួនចែករំលែក 0

មនុស្សស្រីដែលបែកគ្នាជាមួយសង្សារយូរមកហើយ ប្រាកដជាចង់ដឹងថា អតីតដៃគូមាននឹករលឹកខ្លួនដែរ ឬអត់ តែមិនអាចសួរបានប៉ុណ្ណោះ។ បើចង់ដឹងថាខាងគេនោះនឹកនាអ្នកឬអត់សង្កេត ១២ ចំណុចខាងក្រោមនេះ អាចប្រាប់បាន៖

១.គាត់មិនអាចរកនរណាម្នាក់មកជំនួសអ្នកបាន

បើសិនជាភ្លេចអ្នកមែន នោះគាត់នឹងរកនរណាម្នាក់ផ្សេងមកជំនួស ហើយបើរកមិនបានទេនោះមានន័យថាគាត់គិតចង់ត្រលប់មកផ្សារភ្ជាប់ទំនាក់ទំនងជាមួយអ្នកវិញ។

រូបតំណាង

**២.គាត់ខលឬមួយក៏ផ្ញើសារមកអ្នក ពិសេសពេលយប់ជ្រៅ**

ការខល ឬក៏ផ្ញើសារពេលយប់ជ្រៅតែងតែមានបង្កប់នូវអត្ថន័យ គឺគាត់ចង់និយាយជាមួយអ្នកម្ដងទៀត។ បើសិនជាមិនគិតពីអ្នកទាល់តែសោះ ច្បាស់ណាស់ថាគាត់មិនចំណាយពេលវេលាដើម្បីខល ឬក៏ឆាតមកលេងនោះទេ នេះគឺដោយសារតែមានអ្នកនៅក្នុងចិត្តដែរ។

៣.បង្ហោះរូបជាច្រើននៅក្នុងបណ្ដាញសង្គមចង់បង្ហាញពីជីវិតថ្មីព្រោះគេគិតថាអ្នកនឹងបានឃើញ

នេះជាវិធីមួយដែលគាត់ចង់ទាមទារចំណាប់អារម្មណ៍ពីអ្នក ព្រោះអ្នកទាំងពីរនៅតែជា Friend នឹងគ្នាលើបណ្ដាញសង្គម។ មួយវិញទៀតបើបង្ហាញពីរូបភាពគាត់សប្បាយជាមួយមិត្តភ័ក្ដិថ្មីៗ ដែលអ្នកមិនធ្លាប់ឃើញពីមុន បានន័យថាគេមានចេតនាធ្វើឲ្យអ្នកប្រចណ្ឌហើយ។

៤.ធ្វើដូចជាមិនដឹងមិនឮពេលឃើញអ្នកនៅជាមួយដៃគូថ្មី

បើសិនជាអ្នកចាស់ចូលមកខមិនធ្វើដូចជាដៀមដាមទាំងដែលអ្នកបង្ហោះរូបជាមួយអ្នកថ្មីឡើងច្រងោៗ គឺមកពីគាត់នៅមានអារម្មណ៍ថាឈឺ ហើយនៅតែនឹកអ្នកដដែល។ គាត់ធ្វើដើម្បីឲ្យអ្នកមានអារម្មណ៍មិនល្អក្រែងលោបានយល់ពីចិត្តគេខ្លះ ដោយមិនខ្វល់អ្នកថ្មីអ្នកឃើញ ឬមិនឃើញ។

៥.ខំរំលឹករឿងចាស់

តើគាត់ធ្លាប់គិតពីរឿងល្អៗដែលបានកើតឡើងពីមុនទេ? ឬក៏ធ្លាប់ព្យាយាមចង់ឲ្យអ្នកចងចាំវាដែរទេ? បើចឹងមែននោះមានន័យថាគេនឹកឃើញរឿងទាំងអស់ដែលធ្លាប់បានសាងអនុស្សាវរីយ៍ជាមួយគ្នា។

៦.បង្ហោះរូបគាត់ជាមួយអ្វីដែលអ្នកចូលចិត្ត

ការធ្វើបែបនេះ ដោយសារតែគេធ្លាប់មានរឿងសប្បាយៗជាមួយអ្នកពីមុនមក ហើយគេក៏ចង់ឲ្យអ្នកចងចាំវាដូចគ្នាដែរ។

៧.ព្យាយាមបានចូលទៅក្បែរ

បើគាត់ព្យាយាមចង់នៅក្បែរអ្នក ដោយព្យាយាមរកនឹកគ្រប់វិធី ថែមទាំងដឹងពីកន្លែងដែលអ្នកត្រូវទៅ ដើម្បីបានជួបមុខអ្នកទៀតផង។

រូបតំណាង

៨.អត់ឲ្យរបស់មកអ្នកវិញទេ

តើអ្នកធ្លាប់លេងដូរកាដូគ្នារៀងរាល់ឆ្នាំ ឬមួយក៏ធ្លាប់ភ្លេចអាវដែលអ្នកចូលចិត្តពាក់នៅផ្ទះគាត់ដែរអត់? បើមានមែនប៉ុន្តែគេមិនចង់ឲ្យអ្នកវិញទេនោះ មានន័យថាគាត់ទុកគេងឱបរាល់យប់ហើយមើលទៅ។

៩.អ្នកឃើញគាត់ពាក់អាវ ឬខ្សែកដែលអ្នកធ្លាប់ឲ្យ

ច្បាស់ណាស់គឺបញ្ជាក់ថាគាត់ក៏នៅតែគិតពីយើងដែរ ហើយបើគេនៅតែពាក់របស់ដែលអ្នកឲ្យពេលចេញទៅជួបគេម្ដងៗ បង្ហាញថាគាត់នៅតែនឹកអ្នកមែនហើយ។

១០.មិត្តភ័ក្ដិ ឬសាច់ញាតិនៅតែល្អជាមួយអ្នក

គាត់នឹងប្រាប់មនុស្សដែលគេស្និទ្ធជាមួយថា នៅតែនឹកអ្នក ដូច្នោះហើយបានជាពួកគេខំធ្វើល្អដាក់អ្នកក្រែងបានឈ្នះចិត្តអ្នកហើយងាកទៅនៅក្បែរគាត់វិញ។

១១.រូបភាពអ្នកគឺនៅតែមាននៅលើបណ្ដាញសង្គមគាត់

បើសិនជាអ្នកនៅតែឃើញមុខខ្លួនឯងនៅលើបណ្ដាញសង្គមរបស់គាត់ ឬមួយគេបានបង្ហោះរូបភាពរំលឹកពីអតីតកាលមានន័យថា Ex នឹកឃើញរឿងចាស់ហើយក៏ចង់ជួបអ្នកម្ដងទៀត។

១២.ព្យាយាមសួរមិត្តភ័ក្ដិអ្នកដើម្បីដឹងពីអ្នក

សង្សារចាស់អ្នកអាចនឹងសួរមិត្តភ័ក្ដិអ្នក ព្រោះចង់ដឹងថាអ្នកបានធ្វើអីខ្លះ ឬចេញទៅខាងក្រៅជាមួយនរណាខ្លះ ហើយអ្នកអាចនឹងនឹកគេវិញអត់?