មនុស្សប្រុស ៧ ប្រភេទនេះ ធ្វើឲ្យស្រីៗគ្រប់រូបប្រាថ្នាចង់បានជា boyfriend

2018-03-20 03:07:09
ចំនួនមតិ 0 | ចំនួនចែករំលែក 0

តើបុរស ៧ ប្រភេទនោះមានចំណុចពិសេសបែបណាទៅ បានជាស្រីៗប្រាថ្នាចង់បានជាគូស្នេហ៍គ្រប់រូបនោះ? កញ្ញា សូមបង្ហាញពីចំណុចអស្ចារ្យនៅខាងក្រោមនេះ៖

១.ទៀងត្រង់ ប៉ុន្តែមិនមែនត្រង់ដូចបន្ទាត់នោះទេ

ស្ត្រីមិនចង់ឲ្យបុរសនិយាយកុហកអំពីរឿងសំខាន់ៗទេ។ នាងចង់ក្លាយជាផ្នែកមួយនៃជីវិតបុរស នាងចង់ដឹងពីរឿងដែលកំពុងកើតឡើងក្នុងជីវិត ហើយក៏ចង់ឲ្យគាត់ទុកចិត្តលើនាងវិញដែរ។ ប៉ុន្តែមិនចាំបាច់និយាយរឿងទាំងអស់ឡើយ ដោយរឿងណាត្រូវនិយាយប្រាប់ចាំប្រាប់ រឿងណាអាចលាក់បាំងបាន គួរតែលាក់ដើម្បីធ្វើឲ្យនាងសប្បាយចិត្តដូចជារឿងអតីតសង្សារ ឬសង្សារចាស់ល្អជាង ជាដើម។

២.មានភាពរ៉ូមែនទិក

បុរសដែលដឹងពីវិធីលួងចិត្ត និងតាមសុំស្នេហ៍ពីមនុស្សស្រីដោយបង្ហាញភាពរ៉ូមែនទិក ពិតជាធ្វើឲ្យនាងភ្ញាក់ផ្អើល និងស្រលាញ់ងប់។ និយាយរួមដឹងពីស្នេហា ច្បាស់ថានារីត្រូវការអ្វី និងមិនត្រូវការអ្វី។

រូបតំណាង

**៣.រូបរាងសមសួន**

ប្រាកដណាស់ថាស្រីៗពិតជាលង់ស្នេហ៍ បុរសៗមានសាច់ដុំ six packs។ ប៉ុន្តែពេលជាក់ស្ដែងទៅមិនចាំបាច់ដូចនោះពេកទេ មនុស្សស្រីត្រូវការដៃគូដែលមានរូបរាងសមសួនពេញលក្ខណៈ ដែលមើលទៅរឹងមាំល្អ កុំឲ្យតែធាត់ក្បាលពោះកំប៉េងកំប៉ោងទៅបានហើយ។

៤.បុរសពេញលក្ខណៈ

បុរសពេញលក្ខណៈគឺសំដៅលើបុរសដែលមានរាងកាយមាំទាំ សុខភាពល្អ មានការងារសមរម្យ អាចធ្វើការងារធ្ងន់ៗបាន មិនញ៉ិកញ៉ក់ ឬអាចហៅម្យ៉ាងទៀតថា បុរសស្រលាញ់ស្ត្រីជាដៃគូ មិនមែនប្រុសដូចគ្នា។

៥.ចេះជួយយកអាសា

បានជាមនុស្សស្រីស្រលាញ់បុរសប្រភេទនេះ ព្រោះស្រ្តីជាភេទទន់ខ្សោយជាង ដូចនេះតែងតែពឹងផ្អែកលើបុរសឲ្យជួយ។

៦.រួសរាយ

មនុស្សស្រីមិនចង់បានបុរសដែលសោះកក្រោះ មុខគ្មានជាតិជៅនោះទេ។ នាងត្រូវការសង្សារដែលរួសរាយ និងចេះញញឹមញញែមដាក់អ្នកដទៃ តែក៏មិនគួរជាបុរសលេងសើចជ្រុលពេកដែរ។

៧.ស្គាល់ពីសង្គមច្បាស់

ជាបុរសដែលស្គាល់អ្វីៗដែលកើតឡើងក្នុងសង្គមបានច្រើន ស្គាល់ពីបរិបថនៃសង្គម ទើបអាចចូលគេចុះបាន៕