របៀប​ធ្វើផាត់​ថៃ​ងាយ​ៗ ទុក​ញ៉ាំ​​​លេង​

  • 2018-03-14 01:40:03
  • ចំនួនមតិ

ចន្លោះមិនឃើញ

​ផាត់​ថៃ​ (Pad Thai ) ជា​​​​គុយទាវ​ឆា​​​​​​មួយ​ប្រភេទ ​​​​​ពេញ​និយម​នៅ​ប្រទេស​ថៃ ដែល​គេ​ល្បី​ថា មាន​រសជាតិ​ឆ្ងាញ់​ និង​ជា​មុខ​ម្ហូប​​ពិសេស​ប្រចាំ​ត្រកូល​​មួយ​នៅ​​​តាម​​បណ្ដា​ហាង​អាហារ​ឬ​ភោជនីយដ្ឋាន​បែប​ថៃ​​នានា​។ ជា​មួយ​គ្រឿង​ផ្សំ​​​ ងាយ​ស្រួល​រក​ អ្នក​អាច​ធ្វើ​មុខ​ម្ហូប​នោះ​ញ៉ាំ​បាន​តាម​វិធី​ខាង​ក្រោម៖

គ្រឿង​ផ្សំ​៖

-គុយទាវ ១៥០ក្រាម

-បង្គា ចំនួន​៦

-តៅហ៊ូ​ចំណិត កន្លះ​ពែង

-ស៊ុត ២​គ្រាប់

-សណ្ដែក​បណ្ដុះ​ ១​ពែង

-ស្លឹក​គូឆាយ​ (ហាន់) កន្លះ​ពែង

-សណ្ដែក​ដី​លីង ១​ស្លាប​ព្រា​បាយ

-ម្ទេស​ម៉ដ្ឋ ១​ស្លាប​ព្រា​បាយ​​

-ឆៃប៉ូវ​ចិញ្ច្រាំ ២​ស្លាប​ព្រា​បាយ

-ទឹក​ កន្លះ​ពែង

-ប្រេង​​ឆា

-ក្រូច​ឆ្មារ​​

ចុចអាន៖ មក​រៀន​វិធី​ចម្អិន​​​បង្គារ​បំពង​ខ្ទឹម​ស​សម្រាប់​មុខ​ម្ហូប​ថ្ងៃ​នេះ

គ្រឿង​ផ្សំ​សម្រាប់​ធ្វើ​ទឹក​ជ្រលក់៖

-ខ្ទឹម​ក្រហម ៣​កំពឹស

-ស្ករ​ត្នោត ៤​ស្លាប​ព្រា​បាយ

-ទឹក​ត្រី ៣​ស្លាប​ព្រា​បាយ

-ទឹក​អម្ពិល​ ២​ស្លាប​ព្រា​បាយ

វិធី​ធ្វើ៖

-ហាន់​​​គ្រឿង​ផ្សំ​ មាន​ដូច​ជា​ តៅហ៊ូ ស្លឹក​គូ​ឆាយ ខ្ទឹម​ក្រហម ជា​ចំណិត​ៗ និង​រៀប​ចំ​ធ្វើ​បង្គា​ឲ្យ​ស្អាត ។

-(វិធី​ធ្វើ​ទឹក​ជ្រលក់​) ដាក់​ខ្ទះ​កម្ដៅ​ប្រេង​ឲ្យ​ក្ដៅ និង​​បំពង​ខ្ទឹម​ក្រហម​​​ រួច​ដាក់​ស្ករ​ត្នោត​​កូរ​ឲ្យ​សព្វ រួច​ចាក់​ទឹក ទឹក​ត្រី ទឹក​អម្ពិល កូរ​ឲ្យ​សព្វ។

-កម្ដៅ​​ខ្ទះ រួច​ដាក់​ប្រេង​ចៀន​ស៊ុត​ កូរ​​ឲ្យ​បែក រួច​ដាក់​បង្គា​ចូល ដាក់​តៅហ៊ូ ឆៃប៉ូវ កូរ​​ចូក​ត្រលប់​ឲ្យ​សព្វ​​​​រួច​ដាក់​សរសៃ​គុយទាវ​ចូល ថែម​ទឹក​បន្តិច​ រួច​ចាក់​ទឹក​ជ្រលក់​ចូល កូរ​ឲ្យ​សព្វ។

-ដាក់​ស្លឹក​គូឆាយ​ និង​សណ្ដែក​បណ្ដុះ​ចូល កូរ​ឲ្យ​សព្វ​ម្ដង​ទៀត រួច​ដាក់​ម្ទេស​(បើ​ចូល​ចិត្ត) ដាក់​​សណ្ដែក​ដី កូរ​ឲ្យ​សព្វ​ ដួស​ដាក់​ចាន តុប​តែង​តាម​ការ​ចូល​ចិត្ត ច្របាច់​ក្រូច​ឆ្មារ​បន្តិច​​​ជា​ការ​ស្រេច៕​


អត្ថបទ៖ មាន រតនា

អត្ថបទថ្មី