មានរឿងល្អក់កករ Kimberly ចាប់ផ្ដើមទម្លាយថាមិនដែលចាត់ទុក Mark ជាសង្សារឡើយ

2018-03-09 10:33:27
ចំនួនមតិ 0 | ចំនួនចែករំលែក 0

បន្ទាប់ពីមានពាក្យចចាមអារ៉ាមថា គូស្នេហ៍តារាសម្ដែងថៃ Mark Prin និង Kimberly បានបែកគ្នា ប៉ុន្តែមិនព្រមនិយាយការពិត ភាគីខាងប្រុស Mark Prin ក៏បានចេញមុខនិយាយថា អ្នកទាំងពីរមានរឿងខឹងគ្នាតិចតួច ដោយសារមូលហេតុមិនមានពេលវេលាជួបគ្នា ប៉ុន្តែក៏បញ្ជាក់ថាទំនាក់ទំនងនៅដូចដើម។

យ៉ាងណាក៏ដោយ កាលពីថ្ងៃព្រហស្បតិ៍ ម្សិលមិញនេះ តារាសម្ដែង Kimberly ជាភាគីខាងស្រីក៏បានចេញមុខបកស្រាយថា ខ្លួនមិនបានង៉ក់ងរអ្វីនោះទេ ដោយឡែករឿងពេលវេលាជួបគ្នាក៏មិនមែនជាបញ្ហាធំដែរព្រោះអ្នកទាំងពីរធ្វើការច្រើនដូចគ្នាទៅហើយ ប៉ុន្តែបញ្ហានោះគឺការមិនយល់ចិត្តគ្នានៅចំណុចខ្លះ ដែលជាបញ្ហារបស់គូស្នេហ៍ទូទៅត្រូវជួប។ ទោះយ៉ាងណា Kimberly បានបញ្ជាក់ដូចគ្នាថាអ្នកទាំងពីរមិនទាន់បែកគ្នានោះទេ ហើយក៏គ្មានជនទីបីចូលមកជ្រៀតជ្រែកអ្វីដែរ។

អ្វីដែលធ្វើឲ្យក្រុមអ្នកសារព័ត៌មានភ្ញាក់ផ្អើលដែរនោះ គឺតួឯកស្រីរឿង “ហង្សបាក់ស្លាប” បានបង្ហើបថាខ្លួនមិនដែលប្រើពាក្យថាសង្សារ ឬគូស្នេហ៍ជាមួយ Mark Prin នោះឡើយ។ ពាក់ព័ន្ធនឹងការដែល Mark Prin ធ្លាប់និយាយថាអ្នកទាំងពីរជាសង្សារនឹងគ្នាលើវេទិកានោះ Kimberly បានបង្ហើបថា ខាងប្រុសនិយាយតែម្នាក់ឯងប៉ុណ្ណោះ ចំណែករូបនាងមិនដែលនិយាយនោះទេ ហើយក៏មិនខ្លាចខាងប្រុសអាក់អន់ចិត្តនោះដែរដែលនាងផ្ដល់ឋានៈឲ្យគេត្រឹមជាមនុស្សជិតស្និទ្ធ ត្បិតពេលនេះអ្នកទាំងពីរនៅស្និទ្ធស្នាលជាមួយគ្នាធម្មតា ៕

ទស្សនាវីដេអូសម្ភាសទាំងស្រុងរបស់ Kimberly៖