វិធីសាស្ត្រទាំង ៩សម្រាប់អ្នកខ្ជិលច្រអួសក្លាយជាអ្នកមានឆាប់រហ័ស

2018-03-06 03:16:20
ចំនួនមតិ 0 | ចំនួនចែករំលែក 0

ដើម្បីក្លាយជាអ្នកមាន អ្នកណាក៏ត្រូវចំណាយញើសឈាមដែរទម្រាំរកបានលុយច្រើន។ យ៉ាងណាក្ដី ក៏មិនមែនន័យថាអ្នកខ្ជិលគ្មានផ្លូវក្លាយជាអ្នកមានទេ។ ខាងក្រោមនេះគឺជាវិធីនានាដែលអាចឲ្យអ្នកខ្ជិលរកលុយបានច្រើនដូចគេឯងដែរ។

១. ពឹងអ៊ីនធឺណិតជួយរកលុយឲ្យ

ដោយការបង្ហោះថា យើងអាចធ្វើអ្វីខ្លះនៅក្នុងតម្លៃណាមួយ អាចនឹងមានមនុស្សជាច្រើននឹងជួលយើងឲ្យទៅធ្វើការងារនោះ។ ប្រសិនបើមានអ្នកជួលយើងធ្វើច្រើននោះ លុយនឹងចូលមកដោយងាយៗ។

២. ធ្វើជាអ្នកស្នងមរតក

ដើម្បីក្លាយជាមនុស្សខាងលើ អ្នកត្រូវកើតក្នុងវង្សត្រកូលដែលជាអ្នកមានស្រាប់។ ប្រសិនបើគ្រួសាររបស់អ្នកជាអ្នកមាន មានអត្រាខ្ពស់ដែលអ្នកក៏នឹងជាអ្នកមានដូចគ្នា។ ទោះបីមិនធ្វើអ្វីក៏ដោយ នៅពេលឪពុកម្ដាយចាស់ទៅ អ្នកជាអ្នកស្នងទ្រព្យទាំងអស់នោះ។

៣. ទិញអ្វីមួយប្លែកៗហើយសង្ឃឹមថាវានឹងមានតម្លៃទៅថ្ងៃក្រោយ

អ្នកអាចទិញផើង ឬថូចាស់ៗអីក៏បាននៅផ្សារលក់ទំនិញមួយទឹក។ ប្រសិនជាអ្នកសំណាង របស់ដែលអ្នកទិញនោះ អាចជាវត្ថុបុរាណដែលបាត់បង់យូរឆ្នាំហើយមិនទាន់រកឃើញ ដែលមានតម្លៃរាប់លានដុល្លារ។

៤. បង្កើតគណនី Youtube

សម្រាប់អ្នកខ្ជិលខ្លាំង វិធីនេះអាចពិបាកបន្តិច ព្រោះវាទាមទារការច្នៃប្រឌិត។ តែបើអ្នកសំណាងល្អ អ្នកអាចបង្ហោះវីដេអូប្លែកៗ លើគេហទំព័រនេះ ហើយរកលុយបានក្រាស់ក្រែលប្រសិនជាមានអ្នកចូលមើលវីដេអូរបស់អ្នកច្រើន។

៥. លក់ទំនិញអនឡាញ

រឿងនេះគឺអាស្រ័យលើទំនិញអ្នកលក់គឺជាអ្វី ហើយមានតម្លៃយ៉ាងណា។ បើទំនិញរបស់អ្នកប្លែក មិនមានគេលក់ច្រើន នោះអ្នកអាចនឹងរកចំណូលបានមិនតិចឡើយ។

៦. ទិញភាគហ៊ុន

ទិញភាគហ៊ុនគឺជាការបោះទុនយូរអង្វែង។ ទោះទីផ្សារឡើងចុះយ៉ាងណាក្ដី ក៏ចុងបញ្ចប់ ធៀបនឹងតម្លៃកាលយើងទិញចូលដំបូង ក៏ភាគហ៊ុននៅតែឡើងដែរ។ ដូចនេះសម្រាប់អ្នកខ្ជិល ហើយមានលុយច្រើន អាចទិញភាគហ៊ុនទុកចោលបាន។

៧. ទិញម៉ាស៊ីនរាវរកលោហធាតុ

បើសិនជាអ្នកមានពេលច្រើន ហើយចូលចិត្តនៅខាងក្រៅនោះ អ្នកអាចចំណាយលុយទិញម៉ាស៊ីនរាវរកលោហធាតុមួយគ្រឿងហើយដើររាវនៅជុំវិញផ្ទះរបស់ខ្លួន។ អ្នកណាទៅដឹងថានៅក្បែរផ្ទះអ្នក មានកំណប់មាសប្រាក់នោះ។

៨. រៀបការជាមួយអ្នកមាន

ទោះមិនដឹងថាយូរអង្វែងទៅយើងមានសុភមង្គលឬអត់នោះទេ តែបើចំពោះមុខនោះអ្នកអាចនឹងក្លាយជាជំទាវក៏ថាបានបើសិនជារៀបការនឹងអ្នកមាន។

៩. ត្រូវឆ្នោត

នេះគឺជាវិធីក្លាយជាមានលឿនបំផុត សម្រាប់អ្នកខ្ជិលខ្លាំងបំផុត។ តួនាទីរបស់អ្នកគឺគ្រាន់តែទៅចាក់ឆ្នោតនៅទីណាក៏បាន ហើយចាំសំណាងល្អមកដល់។ បើសំណាងមកមែនពិត អ្នកនឹងក្លាយជាអ្នកមានក្នុង១ប៉ប្រិចភ្នែក៕