៧ វិធីជួយឲ្យនារីៗមានថ្ពាល់ក្រហមព្រឿងៗតាមបែបធម្មជាតិ គួរឲ្យចង់ថើប

2018-02-23 10:00:00
ចំនួនមតិ 0 | ចំនួនចែករំលែក 0

តើមនុស្សស្រីមួយណាដែលថាមិនចង់បានស្បែកមុខទន់រលោង ហើយថ្ពាល់មានពណ៌ក្រហមព្រឿងៗ ទៀតនោះ? តែអ្នកខ្លះមិនដឹងធ្វើយ៉ាងម៉េចមានតែពឹងលើគ្រឿងសម្អាង។ អស់បារម្ភ កញ្ញា សូមណែនាំពីវិធីសាស្ត្រងាយៗ ដើម្បីធ្វើឲ្យថ្ពាល់ក្រហមរលោងគួរឲ្យថើប៖

១.របបអាហារមានតុល្យភាព

អាហារផ្ដល់នូវសុខភាព គឺអាចធ្វើឲ្យស្បែកស្អាត និងមានពន្លឺ។ ប្រសិនបើអ្នកមានអាហារដែលជួយសុខភាពល្អវានឹងបញ្ចេញពន្លឺដោយស្វ័យប្រវត្តិ តាមរយៈស្បែក ហើយមុខនឹងពេញស្អាត ព្រមជាមួយពណ៌ផ្កាឈូក។ មនុស្សដែលតមអាហារ ឬបរិភោគមិនបានត្រឹមត្រូវក៏មិនអាចទទួលបានស្បែកបែបនេះដែរ ព្រោះគ្មានសារជាតិចិញ្ចឹមគ្រប់គ្រាន់។ ចូរកុំភ្លេចបញ្ចូលជាតិប្រូតេអ៊ីនទៅក្នុងអាហាររបស់អ្នកជារៀងរាល់ថ្ងៃ សាច់ក្រហម សាច់មាន់ ត្រី សណ្ដែកដី ជាពិសេសទឹកដោះគោដែលមានជាតិខ្លាញ់ទាប។

២.វីតាមីន E និង C

វីតាមីនទាំងពីរមុខនេះ ជាទឹកដមនៃជីវិតស្បែករបស់មនុស្សស្រី។ ការទទួលទានអាហារប្រចាំថ្ងៃត្រូវមានលាយវីតាមីន E និង C ទើបធ្វើឲ្យអ្នកមានស្បែកតឹងណែន និងភ្លឺរលោង។ ដើម្បីធានាថាអ្នកទទួលបានវីតាមីន C ហើយ E គ្រប់គ្រាន់គួរតែញ៉ាំផ្លែឈើ និងបន្លែស្រស់ៗ។

៣.គ្រប់គ្រងកំហឹង និងភាពតានតឹង

កំហឹង និងភាពតានតឹងគឺមូលហេតុធ្វើឲ្យស្បែកមុខជ្រួញ និងស្រអាប់។ ចូរហាត់យូហ្គា និងតាំងសមាធិ ព្រោះវាអាចជួយអ្នកដោះស្រាយពេលវេលាអាក្រក់បាន។ ទទួលបានការគេងស្កប់ស្កល់៨ ម៉ោងជារៀងរាល់យប់ ក៏ជួយឲ្យស្បែកស្រស់ថ្លាដែរ។

៤.ខាត់ស្បែកមុខ

ការលាងសម្អាតជាតិពុលដោយខាត់ គឺជាវិធីដ៏ល្អមួយក្នុងការទទួលបានស្បែកមុខក្រហមព្រឿងៗ ព្រោះអាចជម្រុះកោសិកាដែលងាប់ ហើយធ្វើឲ្យស្បែកមានសំណើម។ ពេលស្រទាប់ថ្មីនៃស្បែកដុះមកនឹងមានសភាពស្អាតភ្លឺម៉ត់ម៉ងតែម្ដង។ ប៉ុន្តែអ្នកមិនអាចលាងខាត់ស្បែករៀងរាល់ថ្ងៃទេ ផ្ទុយទៅវិញត្រូវធ្វើវាម្ដងក្នុងមួយសប្ដាហ៍។

៥.ផ្ដល់សំណើមដល់ស្បែក

ចង់បានថ្ពាល់ពណ៌ក្រហមទុំ គួរតែចេះផ្ដល់សំណើមឲ្យបានគ្រប់គ្រាន់។ ការលាងសម្អាតដើរតួនាទីយ៉ាងសំខាន់ក្នុងការថែរក្សាស្បែក ប៉ុន្តែមិនអាចបដិសេធនូវក្រែម ឬឡេមួយចំនួនឡើយ។ ប្រសិនបើអ្នកមានស្បែកស្ងួតខ្លាំង ត្រូវញ៉ាំទឹកប្រទាលកន្ទុយក្រពើ ឬផ្លែបឺរ ឬកិនមកធ្វើម៉ាស់បិតមុខក៏បាន។

៦.ផឹកទឹកឲ្យបានច្រើន

ទឹកសស្អាតគឺជាគឺមានសារៈសំខាន់ណាស់ចំពោះស្បែក មិនមែនតែ កាហ្វេ ឬភេសជ្ជ៖មានជាតិផ្អែមៗឡើយ។ ទឹកធម្មតាបំពេញតម្រូវនៃសរីរាង្គមនុស្ស ដោយមិនថ្ងៃយ៉ាងហោចណាស់ ៨ កែវ ឬពីរលីត្រ។ ប៉ុន្តែប្រសិនបើអ្នកធុញទ្រាន់ផឹកទឹកដូង ឬទឹកផ្លែឈើស្រស់ៗក៏បាន។ ទាំងនេះនឹងធ្វើឲ្យមានប្រតិកម្មប្រឆាំងនឹងប្រតិកម្មអុកស៊ីតដ៏អស្ចារ្យ និងជួយបញ្ចេញជាតិពុលទាំងអស់ចេញពីរាងកាយ។

៧.ម៉ាស្សាមុខ

មុខរបស់អ្នកនឹងបញ្ចេញពន្លឺធម្មជាតិ ប្រសិនបើចរន្តឈាមមានសុខភាពល្អនៅក្រោមស្រទាប់ស្បែក។ ដើម្បីបង្កើនឈាមរត់រត់ស្រួល អ្នកចាំបាច់ម៉ាស្សា ដើម្បីឲ្យសរសៃឈាមដើរល្អ និងមិនរអាក់រអួល។ គ្រាន់តែយកចុងម្រាមដៃដាក់លើមុខរបស់អ្នកក្នុងចលនារង្វង់តូចៗដូចទ្រនិចនាឡិកាបញ្ច្រាសយ៉ាងហោចណាស់ ១៥ នាទី។ ប្រើក្រែម ឬលាយប្រេងសម្រាប់ការម៉ាស្សានេះ រឹតតែទទួលបានលទ្ធផលល្អ។ ចរន្តឈាមដែលបានជំរុញនឹងផ្ដល់នូវស្បែកពណ៌ក្រហមនៅលើមុខ៕

ចុចអាន៖អាហារ ៦មុខ ជួយការពារស្បែកអ្នកមិនឲ្យចាស់ជ្រីវជ្រួញបានដូចបំណង

ប្រភព៖ Fashionlady ប្រែសម្រួល៖ ទ្រី រ៉ាវី