ក្លាយជានារីដែលគ្រប់គ្នាចង់ក្បែរ បើអ្នកមានចំណុចទាំងនេះ

2018-02-22 01:02:00
ចំនួនមតិ 0 | ចំនួនចែករំលែក 0

នៅពេលនរណាម្នាក់មករកអ្នកពេលគេលំបាក ឬត្រូវការអ្នកនៅជាមួយនោះ មិនមែនមានន័យថាគេទុកអ្នកជាមនុស្សកំដរទេ តែពួកគេគិតថាអ្នកជាមនុស្សសំខាន់ម្នាក់។ មិនមែនគ្រប់គ្នាសុទ្ធតែអាចរកបានមនុស្សនៅក្បែរពេលពួកគេត្រូវការនោះទេ ដូច្នេះដើម្បីក្លាយជាមនុស្សស្រីដែលគ្រប់គ្នាចង់ក្បែរ ត្រូវមានចំណុចទាំងនេះ ៖

១. ធ្វើជាអ្នកស្ដាប់ដ៏ល្អម្នាក់

គេនឹងនឹកឃើញដល់អ្នកភ្លាមបើគេមិនរឿងមិនសប្បាយចិត្តអីនោះ ព្រោះពេលនោះក្បែរអ្នកគេអាចប្រាប់អ្នកនូវរឿងដែលគេបានជួបប្រទះ។ ដោយឡែកបើអ្នកជាអ្នកដណ្ដើមគេនិយាយវិញនោះ គ្មានអ្នកណានឹកឃើញឈ្មោះអ្នកឡើយព្រោះគេគ្រាន់ចង់ឲ្យអ្នកស្ដាប់គេ មិនមែនឲ្យអ្នកនិយាយពីរឿងខ្លួនឯងឡើយ។

រូបតំណាង

**២. មានការឆ្លើយឆ្លងបានយ៉ាងត្រឹមត្រូវ**

រឿងខ្លះត្រូវនិយាយអ្នកគួរតែនិយាយព្រោះពេលខ្លះពួកគេត្រូវការយោបល់ពីអ្នកណាស់ តែបើមិនគួរនិយាយនោះកុំទាន់និយាយអី។ ត្រូវចាំថាពេលដែលអ្នកជាមនុស្សដែលគ្រប់គ្នាមានអារម្មណ៍ល្អហើយ ពួកគេតែងតែចង់នៅជាមួយអ្នកដោយគ្មានលក្ខខណ្ឌ។

៣. ចេះបង្កើនបរិយាកាសឲ្យរីករាយ

បើអ្នកចេះធ្វើឲ្យមនុស្សជុំវិញអ្នកសើច សប្បាយបាននោះ វាពិតជាចំណុចពិសេសមួយ ព្រោះគ្មានអ្នកណាចង់នៅក្បែរមនុស្សដែលគួរឲ្យធុញ ស្មុគស្មាញ និងកើតទុក្ខច្រើននោះទេ។ ត្រូវធ្វើជាថ្នាំរីករាយមួយដែលមនុស្សចង់ញ៉ាំពេលគេកើតទុក្ខ។

៤. មានភាពទន់ភ្លន់ និងផ្អែមល្ហែម

នេះគឺជាធម្មជាតិដែលមនុស្សគ្រប់គ្នាត្រូវការ បើអ្នកមានភាពទន់ភ្លន់ ផ្អែមល្ហែមដោយចេញពីចិត្តនោះគ្រប់គ្នានឹងប្រញាយចង់ក្បែរអ្នក ព្រោះពួកគេនឹងមានអារម្មណ៍កក់ក្ដៅ ធូរស្រាលបន្ទាប់ពីបាននៅជាមួយអ្នក។

៥. លើកទឹកចិត្ត មិនមែនស្ដីបន្ទោស

ពេលមនុស្សមានបញ្ហាអ្វីដែលពួកគេចង់បានមិនមែនការស្ដី ការបន្ទោសឡើយ ពួកគេចង់បានការលើកទឹកចិត្ត និងការគាំទ្រ។ ពួកគេនឹងមានអារម្មណ៍ប្រសើរឡើងវិញនៅពេលពួកគេមានអ្នកលើកទឹកចិត្ត ជំរុញពួកគេបន្ទាប់បីពួកគេធ្លាក់ខ្លួន។