ឆ្នាំទាំង៣ដែលមានរាសីខ្ពស់ ទោះធ្វើយ៉ាងម៉េចក៏មួយជីវិតមិនក្របាន

2018-02-17 04:30:07
ចំនួនមតិ 0 | ចំនួនចែករំលែក 0

ឆ្នាំទាំង៣នេះគឺសុទ្ធតែមានសំណាងតាំងពីពេលទើបចាប់កំណើត ទោះបីជាទុក្ខលំបាកយ៉ាងម៉េចក៏តែងមានអ្នកចេញមុខជួយជាដរាប ហើយនឹងតែងតែក្លាយជាអ្នកមានមុនអាយុ៤០ឆ្នាំ។

ឆ្នាំរោង

តាំងពីចាប់កំណើតពីផ្ទៃម្ដាយមក ពួកគេមានលាភមានជ័យរួចទៅហើយ។ បើការរស់នៅរបស់អ្នកមានការសណ្ដោសប្រណីដល់សត្វលោក នោះលាភជ័យនឹងកើនតាមនោះដែរ។ មិនត្រឹមតែមានស្ដុកស្ដម្ភនោះទេ ភាគច្រើនគឺពួកគេឆ្លាតវៃទៀត។ ដល់វ័យកណ្ដាល ឲ្យតែដើរចេញក្រៅ គឺតែងមានអ្នកជួយទំនុកបំរុងតទៅ។

ឆ្នាំមមី

អ្នកកើតឆ្នាំមមីក៏មានសំណាងមិនធម្មតាដែរ គ្រាន់តែបើធៀបនឹងគេ គឺមករៀងយឺតបន្តិច។ យ៉ាងណាក៏ដោយ ពេលមកហើយ គឺច្រើនតែម្ដង។ មុនអាយុ៤០ឆ្នាំពួកគេជោគជ័យដែរ តែមិនសល់អ្វីជាដុំកំភួន ព្រោះត្រូវរែកអំរែកគ្រួសារ អាចលះបង់គ្រប់យ៉ាងដើម្បីគ្រួសារ។ ក្រោយអាយុ៤០ឆ្នាំ ទើបជីវិតពួកគេហក់លោតតែម្ដង។ និយាយរួមទៅ អ្នកកើតឆ្នាំមមីគឺភាគច្រើនស្រណុក។

ឆ្នាំវក

អ្នកកើតឆ្នាំវកជាអ្នកមានអំណាច និងមហិច្ឆតាខ្ពស់។ ជីវិតពួកគេមានន័យ និងតែងជួយអ្នកដទៃ។ ទោះរឿងមនោសញ្ចេតនាមិនសូវរលូនមែនពិត តែអ្វីៗផ្សេងៗទៀតគឺសំណាង។ ក្នុងវ័យកណ្ដាលខំប្រឹងធ្វើការ ទោះមិនសល់ទ្រព្យហូរហៀរក៏មែនពិត តែក៏មានតម្លៃសម្រាប់ខ្លួនឯង ក៏ដូចជាសង្គម។ ដល់អាយុ៣៥ឆ្នាំ ជើងលេខនឹងផ្លាស់ប្ដូរ។ ដោយសារតែធ្លាប់ជួយអ្នកដទៃ ដូចនេះនៅពេលដល់អាយុនេះ នឹងត្រូវបានគេជួយយកអសារវិញ ធ្វើឲ្យបញ្ហាលុយកាក់លែងមានទៀត បានរស់នៅដោយសុខស្រួល៕

ប្រភព៖ 2sao ប្រែសម្រួល៖ Caramel