កុំឱ្យសោះ! វិធីផាត់មុខខុសបច្ចេកទេស ស្រីៗតែហ៊ានធ្វើ ប្រុសៗឃើញរត់បាត់

2018-02-19 01:40:09
ចំនួនមតិ 0 | ចំនួនចែករំលែក 0

ការផាត់មុខជាវិធីមួយដែលជួយសម្រស់ឲ្យកាន់តែស្រស់ស្អាតមួយកម្រិតទៀត តែបើផាត់មុខមិនបានត្រឹមត្រូវខុសក្បូននឹងធ្វើឲ្យសម្រស់អ្នកកាន់តែយ៉ាប់យ៉ឺនជាងពេលមិនទាន់ផាត់ទ្វេដង។ ប៉ុន្តែកុំបារម្ភអី កញ្ញាសូមលើកយកការផាត់មុខដែលខុសបច្ចេកទេស និងវិធីកែតម្រូវដោយយកគន្លឹះខ្លះៗនៃការផាត់មុខត្រឹមត្រូវមកចែករំលែកដល់អ្នកទាំងអស់គ្នា៖

១. ម្សៅទ្រនាប់ច្រើនស្រទាប់ហើយក្រាស់

អ្នកខ្លះចូលចិត្តផាត់ដាក់ម្សៅទ្រនាប់ច្រើនស្រទាប់ណាស់ ដោយយល់ថាវានិឹងជួយបិទបាំងស្នាមនិងមុន។ តែការយល់ឃើញនេះគឺខុសទាំងស្រុង។ ដាក់ម្សៅទ្រនាប់ច្រើនស្រទាប់ធ្វើឲ្យឃើញមុខឡើងក្រាស់ ហើយបើម្សៅនោះគុណភាពអន់ អាចកក ឬប្រេះទៀតផងដែលមើលអាក្រក់មើលខ្លាំងណាស់។ ដូច្នេះហើយគួរប្រើទ្រនាប់មុខសមល្មម ហើយបើចង់លុបស្លាកស្នាម ប្រើ Concealer តែនៅត្រង់ស្នាមនោះមួយល្មមសមរម្យទៅបានហើយ។

២. មុខស-កខ្មៅ

ឃើញគេស ចង់បានមុខសដែរ ដោយប្រើម្សៅផាត់ពណ៌សពេកផាត់លើមុខ។ ធ្វើដូចច្នេះពុំត្រឹមត្រូវទេ ផ្ទុយទៅវិញមុខអ្នកនឹងទៅជាចម្លែកគួរឲ្យខ្លាច ដោយផ្ទៃមុខឡើងប្រផេះ និងពពាលមិនម៉ត់ល្អ។ ដូច្នេះជ្រើសរើសសាច់ម្សៅឲ្យស្រដៀងនឹងសម្បុរស្បែកគឺសំខាន់ខ្លាំងណាស់។ មុនពេលជ្រើសរើសទិញ គួរតែទៅសាកផ្ទាល់ដល់កន្លែងដើម្បីឲ្យបានដឹងថាយ៉ាងណា។

៣. ប្រើពណ៌ភ្នែកភ្លឺផ្លេកជ្រុល

ប្រើពណ៌ផាត់ភ្នែកមានភ្លឺផ្លេក ធ្វើឲ្យភ្នែកទាក់ទាញមានមន្តស្នេហ៍ ប៉ុន្តែបើអ្នកប្រើពណ៌ភ្លឺផ្លេកចម្រុះពណ៌ច្រើនធ្វើឲ្យមើលទៅពិបាកមើល អាក្រក់ ហើយអត់ថ្លៃថ្នូរទៀតផង។ ប្រើពណ៌ភ្នែកភ្លឺៗបែបនេះតែ១ពណ៌បានហើយ និងតាមឱកាស ដូចជាចូលរួមពិធីមង្គលការ ជប់លៀង ខួបកំណើតជាដើម។

៤. គូរចិញ្ចើមក្រាស់ឬស្ដើងពេក

គូរចិញ្ចើមក្រាស់ពេកឬស្ដើងពេក សុទ្ធតែធ្វើឲ្យយើងមើលទៅមិនស្អាត។ ម៉្យាងទៀតពណ៌ចិញ្ចើមក៏ត្រូវតែរើសដោយប្រុងប្រយ័ត្នដែរ ធ្វើយ៉ាងណាកុំឲ្យលើសពណ៌សក់ ដោយយកពណ៌ស្រដៀងនិងពណ៌សក់តែម្ដង។ ចៀសវាងគូរចិញ្ចើមធ្ងន់ដៃពេក ដែលធ្វើឲ្យមើលទៅដិតពេកអាក្រក់មើលខុសធម្មជាតិ។ គួរគូរថើរៗដើម្បីឲ្យរោមចិញ្ចើមស្អាតដូចធម្មជាតិ។

ចុចអាន៖មករៀនផាត់មុខសម្រាប់ Valentine អ្នកអត់គូក៏អាចផាត់ទៅជួបមិត្តភ័ក្ដិបាន (វីដេអូ)

ប្រភព៖ bestie ប្រែសម្រួល៖ Pencharm