កុំស្ដាយក្រោយនៅពេលដែលអ្នកបាត់បង់មនុស្សដែលស្រឡាញ់អ្នកខ្លាំង

2018-02-14 07:18:43
ចំនួនមតិ 0 | ចំនួនចែករំលែក 0

ថ្ងៃមួយអ្នកដែលអ្នកភ្ញាក់ឡើង អ្នកនឹងដឹងថាគ្មានវត្តមានមនុស្សម្នាក់នោះទៀតទេ ហើយពេលនេះប្រហែលជានាងនៅកន្លែងដ៏ឆ្ងាយពីអ្នក។

កំឡុងពេលដែលនៅជាមួយគ្នាតើអ្នកបានចំណាយទៅលើអីខ្លះ? ១ឆ្នាំ ២ឆ្នាំ ដែលអ្នកស្រឡាញ់គ្នាតើអ្នក និងនាងបានលះបង់អ្វីខ្លះសម្រាប់គ្នា? អាចចំណាយពេលគិតបន្តិចបានទេ? តើអ្នកព្យាយាមថែរក្សានាងបានដល់កម្រិតណាដែរ? ឬគ្រាន់តែចេះធ្វើឲ្យមនុស្សស្រីម្នាក់យំ ឈឺចាប់ ដោយសារតែអ្នកទេ?

ពេលឈ្លោះគ្នាអ្នកតស៊ូប៉ុណ្ណាដើម្បីយកនាងមកវិញ ហើយនាងតស៊ូប៉ុណ្ណាដើម្បីរក្សាទំនាក់ទំនងនេះឲ្យទៅមុខទៀត? ឬអ្នកគ្រាន់តែចេះធ្វើឲ្យនាងយំហើយ រួចដើរចេញទុកនាងចោល ឬរហូតដល់នាងទៅតាមនិយាយជាមួយអ្នកឲ្យល្អនឹងគ្នាវិញ? សាកគិតបន្តិចបានទេថានាងលះបង់អីខ្លះសម្រាប់អ្នក?

ប៉ុន្តែប្រហែលវាយឺតពេលទៅហើយទោះបីអ្នកគិតឃើញរឿងល្អៗរបស់នាងក៏ដោយ ព្រោះពេលនេះនាងមិននៅទីនេះទៀតឡើយ។ នាងមិនបានឮអ្នកស្រែកហៅ និងមិនបានដឹងថាអ្នកស្ដាយក្រោយឡើយ។ កុំចាំរហូតដល់នាងឆ្អែតចិត្តទើបអ្នកដឹងខ្លួនថាបានធ្វើខុសនោះ។ ធម្មជាតិមនុស្សស្រីនៅតែទន់ភ្លន់ ចិត្តទន់ ចូលចិត្តភាពផ្អែមល្ហែម ការយកចិត្តទុកដាក់ ការលួងលោម តែទាំងនេះប្រហែលអ្នកគិតថានាងរំខាន នាងគួរឲ្យធុញ ទើបអ្នកបានច្រាននាងចោលរហូតដល់នាងឆ្អែតចិត្តដើរចេញពីអ្នក។

ពេលបាត់បង់នាងទៅ កុំនឹកនាងអី កុំយំដោយសារចង់បាននាងត្រឡប់មកវិញអី ព្រោះថ្ងៃនោះប្រហែលជាគ្មានទេ។ មនុស្សស្រីម្នាក់ដែលធ្លាប់មើលថែអ្នក ទាំងឈឺទាំងជា បារម្ភពីអ្នក មិនដែលភ្លេចអ្នក និងតស៊ូមករហូតទោះពេលខ្លះនាងអន់ចិត្ត នាងឈឺចាប់ នាងឯកាយ៉ាងណាក៏ដោយ តែបែរជាអ្នកមើលមិនឃើញ ហើយបំភ្លេចចោល។

កុំស្ដាយក្រោយនៅពេលដែលអ្នកបាត់បង់មនុស្សស្រីម្នាក់ដែលស្រឡាញ់អ្នកខ្លាំង ព្រោះអ្នកមិនបានថែនាងឡើយ ដូច្នេះវាជាការតបស្នងមួយដ៏សក្ដិសមបំផុតដែលអ្នកគួរតែទទួលយក៕

ចុចអាន៖សម្រង់ឃ្លា Caption សោកសៅត្រូវអារម្មណ៍អ្នកឯកោខ្លាំងដល់កំពូល

អត្ថបទ៖ ផេង ផលធិតា