សម្រាល​កូន​មិន​ទាន់​បាន​២​សប្ដាហ៍​ស្រួលបួល​ផង កំពូល​តារា​សម្ដែង​ស្រី​កូរ៉េ Jun Jihyun បាន​ដើរ​លេង​ជាមួយ​ប្ដី​រួច​ទៅ​ហើយ។

ខណៈ​ចាស់​ៗ​តែង​ទូន្មាន​ថា ក្រោយ​សម្រាល​កូន​ត្រូវ​សម្រាក​នៅ​ផ្ទះ​ឲ្យ​បាន​៣​ខែ​ដើម្បី​ឲ្យ​សរសៃ​បាន​ចាស់​នោះ តារា​សម្ដែង​ល្បី​ឈ្មោះ​កូរ៉េ Jun Jihyun បែរ​ជា​ចេញ​ក្រៅ​ដើរ​លេង​យ៉ាង​រំភើយ​ក្រោយ​ពេល​សម្រាល​កូន​រួច​តែ​កន្លះ​ខែ។

តាម​នោះ​ដែរ កាល​ពី​ថ្ងៃ​ទី​១១​ខែ​កុម្ភៈ​មុន​នេះ រូបភាព​ដើរ​ទិញ​ទំនិញ​នៅ​ផ្សារ​ទំនើប​របស់​តួ​រឿង "សង្សារ​ខ្ញុំ​មក​ពី​ភព​ផ្កាយ" ជាមួយ​ប្ដី​ត្រូវ​បាន​គេ​ប្រទះ​ឃើញ​ហើយ បង្ហោះ​នៅ​លើ​បណ្ដាញ​សង្គម។ តាម​ការ​រៀបរាប់ នៅ​ពេល​បង្ហាញ​ខ្លួន​នៅ​ទី​នេះ ស្រី​ស្អាត​វ័យ​៣៦​ឆ្នាំ អត់​បាន​ផាត់​មុខ ហើយ​ស្លៀកពាក់​សាមញ្ញ។ នៅ​ពេល​សភាព​បែបនេះ អ្នក​គាំទ្រ​ជា​ច្រើន​បាន​បង្ហាញ​ការ​ព្រួយ​បារម្ភ​ចំពោះ​តារា​កើត​ឆ្នាំ​១៩៨១ ដោយ​សារ​តែ​នាង​​នៅ​កូន​ខ្វី​ពេក តែ​បាន​ដើរ​ចេញ​ក្រៅ​ទៅ​ហើយ គួរ​តែ​សម្រាក​ឲ្យ​បាន​យូរ​ជាង​នេះ​៕

​ចុចអាន៖អតីត​សង្សារ​ G-Dragon​ ប៉ះ​តួ​ប្រុស​ចាស់​អាយុ​ ៤៥​ ឆ្នាំ​ក្នុង​រឿង​ជប៉ុនថ្មី​