រឿងល្អ ៥ យ៉ាងកើតឡើង ក្រោយពេលអ្នកផ្ដាច់កាហ្វេបានសម្រេច
- 2018-02-07 01:30:45
- ចំនួនមតិ 0 | ចំនួនចែករំលែក 0
រឿងល្អ ៥ យ៉ាងកើតឡើង ក្រោយពេលអ្នកផ្ដាច់កាហ្វេបានសម្រេច
វាជាការពិតដែលថា ការផឹកកាហ្វេផ្ដល់អត្ថប្រយោជន៍មួយចំនួនដល់អ្នក។ ប៉ុន្តែប្រសិនអ្នកញៀនផឹកវាច្រើនហួសកម្រិតពេក វាក៏អាចបង្កផលវិបាកជាច្រើនដល់សុខភាពផងដែរ។ ដូច្នេះក្រោយពីដឹងរឿងល្អៗទាំង ៥ ខាងក្រោម កញ្ញា ជឿជាក់ថាអ្នកប្រាកដជាពិចារណាលើការផ្ដាច់កាហ្វេជាក់ជាមិនខាន៖
១.អ្នកនឹងស្រកគីឡូ
មិនត្រឹមកាហ្វេមួយមុខទេ គឺអ្នកគួរតែបន្ថយចំណីអាហារដែលមានជាតិកាហ្វេអ៊ីនទាំងឡាយផងដែរ។ កាហ្វេមួយកែវ ផ្ទុកកាឡូរីដល់ទៅ ២០០ ឯនោះ។ ដូច្នេះបើអ្នកឈប់ផឹកវាបាន អ្នកប្រាកដជាស្រកគីឡូខ្លះមិនខាន។
២.មានថាមពលជាងមុន
ទោះជាផឹកកាហ្វេ ៦ ម៉ោងមុនចូលគេង ក៏នៅតែប៉ះពាល់ដល់ដំណេករបស់អ្នកដែរ។ អ្នកគេងមិនលក់ ដូច្នេះពេលភ្ញាក់ឡើងក៏ត្រូវប្រឈមជាមួយការអស់កម្លាំងនៅពេលព្រឹកថ្ងៃបន្ទាប់។ ជាលទ្ធផលអ្នកត្រូវទៅរកកាហ្វេ ដើម្បីធ្វើឲ្យអារម្មណ៍ស្វាង ហើយវាក៏ក្លាយជាទម្លាប់ដែលគ្មានថ្ងៃបញ្ចប់រហូតទៅ។
**៣.អារម្មណ៍ស្ងប់ជាងមុន**
ជាតិកាហ្វេអ៊ីន ប៉ះពាល់ដល់ដំណើរការប្រព័ន្ធប្រសាទរបស់អ្នក។ ដូច្នេះនៅពេលឈប់ផឹក អ្នកនឹងទទួលបានអារម្មណ៍ល្អ ស្ងប់ និងមិនសូវធុញថប់ដូចមុន។
៤.សន្សំសំចៃថវិកា
បើអ្នកចូលចិត្តផឹកកាហ្វេ brand brand ជឿថាអ្នកប្រាកដជាត្រូវចំណាយប្រាក់យ៉ាងច្រើនលើវាក្នុងមួយខែៗ។ ក្រោយពីឈប់ផឹក អ្នកនឹងភ្ញាក់ផ្អើលខ្លាំង ព្រោះឃើញប្រាក់ខែសល់ច្រើននៅក្នុងកុងធនាគារ។
៥.ល្អចំពោះបេះដូង
ជាតិកាហ្វេអ៊ីនបង្កើនសម្ពាធឈាមរបស់អ្នក ដែលតម្រូវឲ្យបេះដូងរបស់អ្នកធ្វើការទ្វេដង។ វាពិតជារឿងមិនល្អសោះឡើយសម្រាប់សុខភាព ដូច្នេះប្រសិនអ្នកបញ្ឈប់វាទាន់ពេលវេលា អ្នកក៏អាចកាត់បន្ថយហានិភ័យនៃជំងឺទាក់ទងជាមួយសម្ពាធឈាម និងបេះដូងបានផងដែរ៕
ចុចអាន៖អត្ថប្រយោជន៍ដ៏អស្ចារ្យនៃការធ្វើម៉ាស្សាក្រពះ ដែលអ្នកគួរតែធ្វើរាល់ថ្ងៃ