ការសិក្សា៖ តមប្រៃអាចជួយជីវិតយើងបានច្រើនហួសពីការស្មាន
- 2018-01-27 08:53:06
- ចំនួនមតិ 0 | ចំនួនចែករំលែក 0
ការសិក្សា៖ តមប្រៃអាចជួយជីវិតយើងបានច្រើនហួសពីការស្មាន
យោងទៅតាមទំព័រមុខរបស់សារព័ត៌មាន Daily Mail បានឲ្យដឹងនូវដំណឹងល្អមួយថា ការកាត់បន្ថយការញ៉ាំប្រៃអាចជួយសង្គ្រោះជីវិតមនុស្សយើងបាន។ រឿងនេះគឺផ្អែកទៅលើការសិក្សាមួយដែលពិនិត្យទៅលើទិន្នន័យបានពីការសង្កេតសុខភាពសម្រាប់ប្រទេសអង់គ្លេស របបអាហារថ្នាក់ជាតិ និងជីវជាតិ ព្រមទាំងការិយាល័យសម្រាប់ស្រង់ស្ថិតិថ្នាក់ជាតិរវាងឆ្នាំ ២០០៣ និង ២០១១ (Health Survey for England, The National Diet and Nutrition Survey, and the Office for National Statistics)។
អ្នកស្រាវជ្រាវបានជ្រើសរើសឆ្នាំ២០០៣ សម្រាប់ការចាប់ផ្តើម ដោយសារតែនេះគឺជាពេលវេលាដែលនាយកដ្ឋានសុខាភិបាលចុះយុទ្ធនាការកម្មវិធីកាត់បន្ថយជាតិប្រៃ។ ការញ៉ាំជាតិប្រៃអាចធ្វើឲ្យសម្ពាធឈាមឡើងខ្ពស់ ហើយកាលណាសម្ពាធឈាមខ្ពស់ នឹងធ្វើឲ្យប្រឈមកាន់តែខ្លាំងនឹងជំងឺដាច់សរសៃឈាមខួរក្បាល និងគាំងបេះដូងដែរ។ ការសិក្សានេះបានពិនិត្យទៅលើការប្រែប្រួលទៅលើមធ្យមភាគនៃការញ៉ាំប្រៃ សម្ពាធឈាម និងការស្លាប់ដោយសារតែជំងឺដាច់សរសៃឈាមខួរក្បាល និងជំងឺបេះដូងក្នុងពេលវេលានេះ។ ជាមួយគ្នានេះដែរ មធ្យមភាគនៃសម្ពាធឈាម និងការញ៉ាំប្រៃមានការថយចុះយ៉ាងគួរឲ្យកត់សម្គាល់ ដូច្នេះវាក៏បន្ថយចំនួននៃការស្លាប់ដោយសារតែដាច់សរសៃឈាមខួរក្បាល និងជំងឺបេះដូងដែរ។
យ៉ាងណាមិញ ការសិក្សានេះមាននិន្នាការគាំទ្រដល់ការណែនាំសុខភាពដែលតម្រូវឲ្យមនុស្សយើងញ៉ាំជាតិប្រៃកុំឲ្យច្រើនជាង ៦ក្រាមក្នុងមួយថ្ងៃ ឬស្មើនឹងមួយស្លាបព្រាកាហ្វេ ដើម្បីបន្ថយការលើសសម្ពាធឈាម៕
ចុចអាន៖
នៅពេលមនុស្សស្ត្រេសខ្លាំងដល់កំពូល រាងកាយនឹងចេញរោគសញ្ញា ១០នេះ
រឿងសំខាន់ៗដែលត្រូវចាំ បើអ្នកទើបរួមភេទលើកដំបូង