មនុស្សស្រីវាយតម្លៃទៅលើបុរស ៦ ចំណុច ដើម្បីជ្រើសរើសជាគូអនាគត

2018-01-26 09:00:00
ចំនួនមតិ 0 | ចំនួនចែករំលែក 0

បុរសៗចង់ដឹងអត់ថា តើនារីវាយតម្លៃយ៉ាងម៉េច ទើបសម្រេចចិត្តជ្រើសរើសជាគូអនាគត។ កញ្ញា នឹងបង្ហាញពីលក្ខណៈដែលនារីៗមើលទៅលើបុរសៗ៖

១.ភាពពេញវ័យ៖ គុណសម្បត្តិមួយក្នុងចំណោមគុណសម្បត្តិសំខាន់ៗដែលក្មេងនារីម្នាក់សម្លឹងមើលទៅលើបុរសនោះ គឺភាពចាស់ទុំ។ នេះគឺដោយសារតែស្ត្រីគ្រប់រូបចង់បានបុរសម្នាក់ដែលអាចធ្វើឲ្យពួកគេមានអារម្មណ៍ថា មានសុវត្ថិភាពពេលនៅក្បែរ។

២.ចេះអត់ធន់៖ មនុស្សស្រីមានបំណងចង់បានបុរសម្នាក់ដែលពូកែអត់ធ្មត់នឹងនាង។ ស្រីៗមានអារម្មណ៍ផ្លាស់ប្ដូរច្រើនដែលនាំឲ្យដៃគូទាល់តែជាមនុស្សយល់ និងដឹងស្ថានភាពទាំងនេះ ទើបអាចរស់នៅចុះសម្រុងគ្នាបាន។

៣.សប្បុរស៖ ប្រសិនបើបុរសម្នាក់មានចិត្តសប្បុរស និងចិត្តល្អ គាត់គឺជាគោលដៅដែលនារីចង់បាន។ គុណសម្បត្តិទាំងពីរនេះធ្វើឲ្យបុរសម្នាក់ខុសពីអ្នកឯទៀត និងជួយពួកគេឲ្យឈ្នះចិត្ដមនុស្សស្រី។

៤.មិនមែនត្រចៀកស្រាល៖ បុរសដែលមិនចេះតែស្ដាប់អ្នកដទៃ គឺជាប្រភេទដែលមនុស្សស្រីចង់បាន។ ពិបាកបំផុតក្នុងការស្វែងរកបុរសម្នាក់ដែលមិនខ្វល់ពីសម្ដីអ្នកដទៃ និងដឹងតែស្ដាប់ដៃគូខ្លួន។

៥.បុរសគិតពីគ្រួសារជាធំ៖ មនុស្សស្រីចង់បានបុរសដែលចេះគិតគូរពីគ្រួសារខ្លួនឯងមុន និងទុកអ្នកផ្ទះមានសារៈសំខាន់បំផុត។

៦.ប្រាក់ចំណូល៖ នេះជារឿងសំខាន់ តែមិនមែនបានន័យថាមនុស្សស្រីចង់បានបុរសមានលុយច្រើនឡើយ។ មនុស្សស្រីចង់បានបុរសម្នាក់ដែលមានការងារត្រឹមត្រូវ ឬមុខរបរពិតប្រាកដ ដោយមិនខ្វល់ថាធំដុំ ឬតូចតាច។ អ្វីដែលខ្វល់គឺអាចផ្ដល់ចំណូលជាប្រចាំ និងទៅមុខយូរអង្វែង៕

ចុចអាន៖

ប្រភព៖ Likelovequotes ប្រែសម្រួល៖ ទ្រី រ៉ាវី