ក្រោយព័ត៌មានឈ្លោះគ្នា ឈិន ឡុង និងលី លានជា មិនខ្ចីមើលមុខគ្នាក្នុងកម្មវិធីរបស់មហាសេដ្ឋី Jack Ma

2018-01-23 02:22:29
ចំនួនមតិ 0 | ចំនួនចែករំលែក 0

ក្រោយមានព័ត៌មានមិនចុះសម្រុងគ្នារួចមក កំពូលតារាសម្ដែងក្បាច់គុន Jackie Chan និង Jet Li បានជៀសគ្នាក្នុងកម្មវិធីកាលពីពេលថ្មីៗនេះ។

ផ្អែកតាមកាសែតប៉េកាំងរបស់ចិន កាលពីយប់ថ្ងៃទី២១ខែមករាកន្លងទៅនេះ កំពូលមហាសេដ្ឋី Jack Ma បានប្រារព្ធកម្មវិធីប្រគល់ពានរង្វាន់អប់រំស្ដីពីជនបទដែលត្រូវបានធ្វើឡើងនៅកោះ Sanya ដោយមានការចូលរួមពីសំណាក់កំពូលសិល្បករជាច្រើនដូចជា ឈិន ឡុង និងលី លានជាជាដើម។

តាមរាយការណ៍របស់បណ្ដាញព័ត៌មាន កំពូលតារាក្បាច់គុនទាំង២មិនបានបង្ហាញមុខរួមគ្នាលើឆាកនោះឡើយ។ នៅលើកម្រាលព្រំក្រហម ស្ដេចក្បាច់គុនទាំង២ក៏គេចមុខគ្នាដែរ។ រូបភាពបានបង្ហាញថា នៅក្នុងរូបភាពណាមានឈិន ឡុងនឹងគ្មានលី លានជា ហើយរូបភាពណាមានលី លានជា គឺគ្មានឈិន ឡុង។

ហេតុការណ៍នេះកើតឡើយក្រោយមានព័ត៌មាន ឈិន ឡុងដោយសារតែឈ្លោះគ្នានឹងលី លានជាទើបមិនបានចូលសម្ដែងភាពយន្តរបស់ Jack Ma។ ក្រោយកម្មវិធីនេះ គេរឹតតែច្បាស់ទៀតថា តារាលំដាប់ A ទាំង២ពិតជាមិនត្រូវគ្នាពិតមែន៕