ព្រោះតែពាក្យថា «ស្អាត» ធ្វើឲ្យស្ត្រីវ័យកណ្ដាលមួយចំនួន ប្រព្រឹត្តកំហុសទាំងនេះ

2018-01-15 09:16:22
ចំនួនមតិ 0 | ចំនួនចែករំលែក 0

មនុស្សស្រីស្រលាញ់សម្រស់ ទោះជាវ័យខ្លួនដល់កម្រិតណា ក៏មិនបណ្ដោយឲ្យបាក់តាមអាយុដែរ តែអ្នកខ្លះខំប្រឹងតែងខ្លួនជ្រុលពេកទៅ បណ្ដាលឲ្យកើតជាកំហុសវិញ។ ខាងក្រោមនេះ កញ្ញា សូមបង្ហាញជូនកំហុសមួយចំនួនដែលស្ត្រីវ័យកណ្ដាលភាគច្រើនតែងប្រព្រឹត្ត ដោយមិនគិតឲ្យតែឮថាស្អាត៖

១.ផាត់ម្សៅក្រែមហួសហេតុខ្លាំងពេក ធ្វើឲ្យអ្នកមើលទៅមិនចូលចំណោមនឹងគេ។ ស្ត្រីវ័យកណ្ដាលមួយចំនួនដែលចូលចិត្តភាពស៊ីវិល័យ ពួកគេមិនបណ្ដោយឲ្យសម្រស់បាត់បង់ដោយងាយៗទេ ដូចនេះហើយកុំឲ្យឮថាម្សៅណាលាបទៅស្អាត គឺទិញលាបទាំងអស់ ដោយមិនគិតពីអាយុខ្លួន។

រូបតំណាង

**២**.ផាត់ភ្នែកខ្លាំងហួសហេតុ។ សម្រាប់ស្ទីលភ្នែកបែបនេះសមជាមួយយុវវ័យច្រើនជាង តែសម្រាប់អ្នកចូលដល់វ័យកណ្ដាលហើយ គឺគេមើលទៅក្នុងផ្លូវរិះគន់។

៣.លាបម៉ាស្ការ៉ាឡើងក្រាស់ឃ្មឹក ធ្វើឲ្យភ្នែកមើលទៅខ្មៅ និងស្លក់ នេះហើយជាកំហុសធំបំផុត ព្រោះវាមិនសមនឹងអាយុខ្លួន។

៤.មិនបានគេងគ្រប់គ្រាន់ ព្រោះរវល់តែជក់លេងនឹងបណ្ដាញសង្គមដូចយុវវ័យ។ មនុស្សស្រីចូលដល់វ័យកណ្ដាល ទាមទារឲ្យសម្រាកបានគ្រប់គ្រាន់ ទើបមុខមិនបាក់ ហើយនឹងនៅតែស្រស់ថ្លា។

៥.មនុស្សស្រីវ័យកណ្ដាលមួយចំនួនបែរជា ឈប់ហាត់ប្រាណ ហើយងាកទៅរកផលិតផលគ្រឿងសម្អាង ឬថ្នាំជំនួសផ្សេងៗ ដើម្បីមើលទៅស្អាត។ បើមិនបានហាត់ប្រាណច្រើនទេ គួរតែឆ្លៀតពេលទៅស្ប៉ា ឬសូណា ដើម្បីបញ្ចេញជាតិពុលពីក្នុងខ្លួន។

៦.មិនទទួលវីតាមីនគ្រប់គ្រាន់ពីការញ៉ាំផ្លែឈើ និងបន្លែ ឬប្រើថ្នាំវីតាមីនគ្រប់ប្រភេទ បែរជានាំគ្នាផឹកគ្រឿងស្រវឹង។

៧.ជីវិតស្ត្រីនៅវ័យប៉ុណ្ណេះ មិនមែនគិតតែពីកូន និងគ្រួសាររបស់ខ្លួនប៉ុណ្ណោះទេ គួរចែកពេលខ្លះទុកពេលឲ្យខ្លួនឯង បានសប្បាយរីករាយតាមអ្វីខ្លួនចង់បាន។ កូនៗគេអាចមើលថែជីវិតពួកគេបានហើយ មិនបាច់មានអ្នកគ្រប់ពេលពេកឡើយ៕