ញ៉ាំចេកលឿងមួយថ្ងៃមួយផ្លែ ត្រឹម ៤ ថ្ងៃអាចសម្រកទម្ងន់បាន ៣ គីឡូ

2018-01-16 01:00:00
ចំនួនមតិ 0 | ចំនួនចែករំលែក 0

អ្នកមានគីឡូធ្ងន់ទាំងប៉ុន្មាន បើព្យាយាមញ៉ាំចេកនេះរួច ក្នុងរយៈពេលមួយ ៤ ថ្ងៃ ឬសប្ដាហ៍អាចជួយសម្រកបាន ២ ទៅ ៤ គីឡូក្រាមដែរ។ ដូចនេះបើចង់ឲ្យបានរាងស្លីមឆាប់ គួរតែអនុវត្តតាម កញ្ញា ណែនាំខាងក្រោម៖

ផែនការរបបអាហារចេកសម្រាប់ត្រឹមតែ ៤ ថ្ងៃ

នេះគឺជារបបអាហារដែលពិបាកបំផុត តែអាចស្រកបាន ៣ គីឡូក្រាមក្នុងរយៈពេលខ្លីប៉ុណ្ណោះ។ អ្នកនឹងមិនអាចបរិភោគអ្វីក្រៅពីចេកនិងទឹកដោះគោមានជាតិខ្លាញ់ទាប។ អាហារពេលព្រឹក អាហារថ្ងៃត្រង់ និងអាហារពេលល្ងាចបីពេល អ្នកត្រូវបរិភោគចេកពីរ ហើយផឹកទឹកដោះគោ ដែលគ្មានជាតិស្ករ។ ទឹកដោះគោត្រូវតែយកទៅកម្ដៅជាមុនសិន ហើយ អ្នកអាចផឹកទឹកឲ្យបានច្រើន។ តែក្នុងអំឡុងពេលនេះអ្នកមិនអាចញ៉ាំបន្លែ ឬផ្លែឈើអ្វីបន្ថែមឡើយ។ អនុវត្តបែបនេះខ្ជាប់ខ្ជួន ក្នុងរយៈពេល ៤ ថ្ងៃអ្នកនឹងឃើញប្រសិទ្ធភាព។

ផែនការរបបអាហារចេកសម្រាប់ត្រឹមតែ ៧ ថ្ងៃ

ដើម្បីសម្រកទម្ងន់បានឆាប់រហ័ស ចេកត្រូវបានគេចាត់ទុកថាជាឱសថមានប្រសិទ្ធភាពខ្ពស់ និងមានធ្វើឲ្យសុខភាពល្អ។ គ្រាន់តែបរិភោគចេកស្រស់មួយទៅពីរផ្លែនៅពេលព្រឹករួមជាមួយទឹកក្ដៅ អ្នកអាចស្រក ២ គីឡូក្រាមក្នុងសប្ដាហ៍ដំបូង។ ទទួលទានចេកជាអាហារពេលព្រឹកជំនួសឲ្យការញ៉ាំអាហារម្សៅដូចជាមី គុយទាវ បាយ នំប៉័ង ទើបគីឡូអាចថយចុះបាន ព្រោះចេកធ្វើឲ្យអ្នកឆ្អែតពេញមួយកំណាត់ថ្ងៃ។

ប្រសិនបើអ្នកគិតថាអាហារប៉ុណ្ណេះមិនគ្រប់ អ្នកអាចញ៉ាំចេកពីរ និងតែបៃតង ១ ពែង និងបន្ថែមស៊ុតឆ្អិន១ជារៀងរាល់ថ្ងៃ ព្រោះរាងកាយអ្នកខ្លះអាចត្រូវប្រើថាមពលអស់ច្រើន។ សម្រាប់អាហារថ្ងៃត្រង់ និងពេលល្ងាចសូមញ៉ាំតែបន្លែ និងចេក ដោយមិនមែនជាតិខ្លាញ់ ប្រូតេអ៊ីន ម្សៅ ឬជាតិផ្អែម។ អ្នកអាចញ៉ាំចេកបាននៅពេលណាអត់ឃ្លាន ដោយមិនប្រកាន់ឡើយ ហើយញ៉ាំទឹកប្រាំបីកែវក្នុងមួយថ្ងៃ ដើម្បីបញ្ចុះទម្ងន់ប្រកបដោយប្រសិទ្ធភាព ខណៈស្បែកនៅតែភ្លឺរលោង៕