ទង្វើ ៥យ៉ាងអាចសម្លាប់ចិត្តមនុស្សស្រីឲ្យលង់ស្រឡាញ់អ្នកបានយ៉ាងរហ័ស

2018-01-15 03:02:55
ចំនួនមតិ 0 | ចំនួនចែករំលែក 0

មានទង្វើមួយចំនួនដែលមនុស្សប្រុសអាចឆាបយកបេះដូងមនុស្សស្រីបានងាយឆាប់បំផុត។ បើអ្នកកំពុងដែលចាប់ចិត្តស្រឡាញ់លើនារីណាម្នាក់ហើយ ទង្វើ ៥យ៉ាងនេះអាចសម្លាប់ចិត្តនាងឲ្យលង់ស្រឡាញ់អ្នកវិញបានយ៉ាងរហ័ស ៖

១. និយាយថា Good Night រាល់យប់

រាល់យប់ទោះមិននិយាយអីក៏ដោយក៏អ្នកគួរតែ Chat ពាក្យ«Good Night» ទៅនាងរាល់យប់ ឬអាចប្រាប់ថា «កុំនៅយប់ពេក ឆាប់ចូលគេង» ជាដើម។ ពាក្យបែបនេះបើឃើញរាល់យប់នឹងអាចឲ្យមនុស្សស្រីឆាប់ទទួលបានអារម្មណ៍ថាខ្លួនឯងសំខាន់ ឬពិសេសសម្រាប់អ្នកណាស់។

រូបតំណាង

**២. ជូននាងទៅផ្ទះរាល់ថ្ងៃ**

ពេលចេញពីរៀន ឬធ្វើការអ្នកតែងតែមកទទួល និងចាំជូននាងទៅផ្ទះរាល់ថ្ងៃ។ សកម្មភាពបែបនេះគឺពិតជាមានឥទ្ធិពលខ្លាំងណាស់លើចិត្តមនុស្សស្រី ព្រោះនាងនឹងមានអារម្មណ៍ថាកក់ក្ដៅ និងមិនភ័យខ្លាចពេលត្រឡប់ទៅផ្ទះវិញ។

៣. លួចថតពេលនាងមិនដឹងខ្លួន

អ្នកចូលចិត្តថតរូបនាងពេលដែលនាងធ្វើអីមួយដោយមិនដឹងខ្លួនដែលអ្នកគិតថាគួរឲ្យស្រឡាញ់បំផុត ដូចជានៅពេលញ៉ាំអី ពេលនាងគេងលក់ ឬពេលនាងសើចសប្បាយចិត្តជាដើម។ វាជាភាពផ្អែមល្ហែមមួយដែលធ្វើឲ្យបេះដូងមនុស្សស្រីរង្គោះរង្គើដែលធ្វើឲ្យនាងចាប់ផ្ដើមមានចិត្តខ្លាំងទៅៗ។

៤. ឲ្យអំណោយពិសេសទៅនាង

តែងរៀបចំកាដូនៅពេលមានថ្ងៃពិសេសមកដល់ ហើយកាដូនោះគឺជាកាដូដែលពិសេសមួយដែលអ្នកមានសម្រាប់តែនាងម្នាក់គត់។ ទង្វើបែបនេះគឺបង្ហាញឲ្យនាងឃើញថា អ្នកយកចិត្តទុកដាក់ និងគិតពីនាងមុនគេ។

៥. បារម្ភពីនាង ហើយតែងកំដរនាងពេលពិបាកចិត្ត

ជាចំណុចដ៏ពិសេសមួយដែលមនុស្សស្រីជាច្រើនឆាប់បាក់ចិត្តស្រឡាញលើអ្នក ព្រោះពេលដែលនាងពិបាកចិត្ត ឯកា និងមានបញ្ហានោះ អ្នកជាមនុស្សទី១ដែលក្បែរនាង។ ហេតុបែបនេះហើយបេះដូងនាងនឹងចាប់ផ្ដើមស្គាល់អ្នក ហើយត្រូវការអ្នកខ្លាំងទៅៗ។