បើអាច នារីគួរ​តែរកឲ្យឃើញបុរសមាន ៩ចំណុច​នេះសិន សឹមរៀប​ការ​ជាមួយ

  • 2018-01-11 08:01:39
  • ចំនួនមតិ 6 | ចំនួនចែករំលែក 76

ចន្លោះមិនឃើញ

តើមាន​នារី​ប៉ុន្មាន​នាក់​ដែល​អាច​រៀប​ការ​នឹង​បុរស​ដ៏​ល្អ​ម្នាក់​ទៅ? ពេល​ខ្លះ​គេ​អាច​ល្អ​តែ​ដំបូង​ ហើយ​ចុង​ក្រោយ​ក៏​ប្រែ​ប្រួល។ បើ​អាច​អ្នក​គួរ​តែ​ចាំ​ជួប​បុរស​ដែល​មាន​ចំណុច​ទាំង​នេះ​សិន​ទៅ​ ចាំ​រៀប​ការ​ ព្រោះ​យ៉ាង​ហោច​ណាស់​ក៏​អ្នក​បាន​មើល​ពី​គាត់​រួច​ហើយ​ដែរ៖

១. គាត់​ឲ្យ​តម្លៃ​ថា​អ្នក​ជា​អ្នក​ណា

អ្នក​នៅ​តែ​​មាន​តម្លៃ​សម្រាប់​គាត់​ទោះ​បី​អ្នក​ជា​អ្នក​ណា​? មក​ពី​ណា? ហើយ​គ្រួសារ​អ្នក​បែប​ណា​ក៏​ដោយ​ ក៏​គាត់​នៅ​តែ​អាណិត​ស្រឡាញ់​អ្នក​ មិន​ចោល​អ្នក​នោះ​ទេ។

រូបតំណាង

២. គាត់​រក្សា​ពាក្យ​សន្យា

អ្វី​ដែល​គាត់​សន្យា​ជាមួយ​អ្នក​ គាត់​តែង​តែ​ធ្វើ​ ទោះ​ពេល​ខ្លះ​ឲ្យ​អ្នក​រង់ចាំ​យូរ​បន្តិច​ក៏​ដោយ​ ក៏​គាត់​នៅ​តែ​ព្យាយាម​ធ្វើ​វា​ដើម្បី​អ្នក។ គាត់​មិន​ដែល​និយាយ​ឲ្យ​តែ​រួច​ពី​មាត់​ ហើយ​បំភ្លេច​ចោល​នោះ​ទេ។

៣. គាត់​តែងតែ​ឈរ​នៅ​ពី​ក្រោយ​អ្នក

ទោះ​អ្នក​មាន​រឿង​អ្វី​ ជួប​រឿង​អ្វី​ក៏​គាត់​នៅ​តែ​ឈរ​ពី​ក្រោយ​អ្នក​ ចាំ​គាំទ្រ​អ្នក ចាំ​ជួយ​អ្នក ចាំ​ផ្ដល់​កម្លាំង​ចិត្ត​ឲ្យ​អ្នក។ គាត់​មិន​ដែល​ទុក​ឲ្យ​អ្នក​ប្រឈម​មុខ​ម្នាក់​ឯង​នោះ​ទេ​ ហើយ​គាត់​នៅ​តែ​ចាំ​មើល​ថែ​អ្នក​រហូត។

៤. គាត់​ឲ្យ​ពេល​វេលា​អ្នក

គាត់​មិន​ដែល​ទាមទារ​ពេល​វេលា​ពី​អ្នក​ច្រើន​ហួស​ហេតុ​នោះ​ទេ គាត់​តែង​ទុក​ពេល​ឲ្យ​អ្នក​សម្រាប់​រឿង​ផ្ទាល់​ខ្លួន ហើយ​គាត់​មិន​ដែល​បង្ខំ​អ្នក​ឲ្យ​គិត​ពី​គាត់​ពេល​ដែល​អ្នក​កំពុង​ជួប​បញ្ហា​នោះ​ទេ គឺ​គាត់​ទុក​ពេល​ឲ្យ​អ្នក​តាម​តែ​អ្នក​ត្រូវ​ការ។

រូបតំណាង

៥. គាត់​ទុក​ចិត្ត​លើ​អ្នក

គាត់​មិន​ដែល​សង្ស័យ​អ្នក ឬ តាម​ដាន​រឿង​ផ្ទាល់​ខ្លួន​របស់​អ្នក​នោះ​ទេ​​ និយាយ​ទៅ​គឺ​ស្រឡាញ់​អ្នក​ ទុក​ចិត្ត​អ្នក​ ហើយ​គោរព​តាម​ការ​សម្រេច​ចិត្ត​របស់​អ្នក។

៦. គាត់​ចុះ​សម្រុង​ជាមួយ​គ្រួសារ​អ្នក

គាត់​ចេះ​សម្រប​ខ្លួន ហើយ​មាន​ទំនាក់​ទំនង​ល្អ​ជាមួយ​គ្រួសារ​អ្នក ហើយ​ចាត់​ទុក​ពួក​គាត់​ដូច​ជា​គ្រួសារ​តែ​មួយ​ មាន​រឿង​អី​ក៏​គាត់​ជួយ​​ ហើយ​គោរព​គ្រួសារ​អ្នក​ដូច​គ្រួសារ​គាត់។

៧. គាត់​បង្ហាញ​ក្ដី​ស្រឡាញ់​ចំពោះ​អ្នក

គ្រប់​ពេល​គឺ​គាត់​ចាត់​ទុក​អ្នក​សំខាន់​ជាង​គេ​ គាត់​តែង​តែ​ព្យាយាម​ធ្វើ​យ៉ាង​ណា​ឲ្យ​អ្នក​មាន​ស្នាម​ញញឹម​ ហើយ​មាន​សេចក្ដី​សុខ​ ទោះ​ពេល​ខ្លះ​គាត់​ហត់​នឿយ​ខ្លួន​ឯង​ក៏​ដោយ។

៨. សម្រាប់​គាត់​គឺ​អ្នក​ជា​មនុស្ស​ដ៏​ស្អាត​បំផុត

ក្នុង​កែវ​ភ្នែក​គាត់​អ្នក​គឺ​ស្រស់​ស្អាត​ជានិច្ច​ ហើយ​ក៏​គ្មាន​មនុស្ស​ស្រី​ណា​ជំនួស​អ្នក​បាន​ដែរ។ ទោះ​អ្នក​ធ្លាក់​ខ្លួន អ្នក​ឈឺ​ អ្នក​មាន​របួស​ ក៏​ក្នុង​ចិត្ត​គាត់​អ្នក​នៅ​តែ​ស្អាត។

៩. គាត់​តស៊ូ​ដើម្បី​អនាគត​គ្រួសារ

មិន​មែន​សម្រាប់​គាត់​ ឬ សម្រាប់​អ្នក​ណា​ម្នាក់​នោះ​ទេ​ គឺ​គាត់​ប្រឹងប្រែង​សម្រាប់​អនាគត​គ្រួសារ​ទាំង​មូល គាត់​គិត​គូរ​គ្រប់​សព្វ​​ មិន​មែន​យក​តែ​ខ្លួន​ឯង​បាន​សប្បាយ​នោះ​ទេ។

រូបតំណាង

ជួប​មនុស្ស​ប្រុស​បែប​នេះ​ឬ​នៅ? បើ​នៅ​គួរ​តែ​កុំ​សម្រេច​ចិត្ត​រៀប​ការ​លឿន​ពេក ព្រោះ​ពេល​ខ្លះ​អាច​ឲ្យ​អ្នក​ខក​ចិត្ត​ក៏​ថា​បាន៕

ចុចអាន៖នារីបើ​មាន​លក្ខណៈសម្បត្តិ ៦យ៉ាង​នេះ នោះងាយឲ្យ​មនុស្ស​ប្រុស​លង់​ស្នេហ៍​ណាស់


ប្រភព៖ lifehack ប្រែ​សម្រួល៖ ផេង ផលធិតា