អត្ថប្រយោជន៍ច្រើនរាប់មិនអស់ពេលស្រលាញ់មនុស្សមានអាយុច្រើនជាង
- 2018-01-09 00:00:00
- ចំនួនមតិ 0 | ចំនួនចែករំលែក 0
អត្ថប្រយោជន៍ច្រើនរាប់មិនអស់ពេលស្រលាញ់មនុស្សមានអាយុច្រើនជាង
ការពិតទៅ ស្រលាញ់អ្នកមានអាយុច្រើន ឬតិចជាងសុទ្ធតែមានគុណប្រយោជន៍ និងគុណវិបត្តិខុសៗគ្នាទាំងអស់។ យ៉ាងណាក្ដី ថ្ងៃនេះអ្នកទាំងអស់គ្នានឹងបានដឹងពីអត្ថប្រយោជន៍នៅពេលមានមនោសញ្ចេតនាជាមួយអ្នកដែលមានអាយុបងយើង។
១. មានបទពិសោធន៍ជីវិតច្រើន
អ្នកនឹងតែងមានអារម្មណ៍សុវត្ថិភាព ត្រូវបានការពារនៅពេលនៅក្នុងរង្វង់ដៃគេ។ រាល់ពេលជួបឧបសគ្គ ពិបាកសម្រេចចិត្ត បាត់បង់ទិសតំបន់ យើងអាចជឿជាក់លើគាត់ដោយមិនចាំបាច់គិតច្រើន។
២. មានទិសដៅច្បាស់លាស់
នៅពេលបុរសម្នាក់មិនទាន់យកគ្រួសារ ប្រហែលជាគេកំពុងព្យាយាមសម្រេចគោលដៅរបស់ខ្លួនឲ្យបានសិន ដូចនេះកុំទាន់វាយតម្លៃគេព្រោះតែគេយកគ្រួសារយឺតជាងខ្លួននោះ។ ចំពោះមនុស្សប្រភេទនេះ គឺគេដឹងច្បាស់ខ្លាំងណាស់ថារយៈពេលណាសម្រាប់ធ្វើអ្វី។
៣. ឯករាជ្យខាងសេដ្ឋកិច្ច
ដោយសារតែផ្ដោតសំខាន់លើការងារ ដូចនេះសម្រាប់អ្នកមានអាយុច្រើន លុយកាក់មិនមែនជាបញ្ហាចោទសម្រាប់គេទេ។ រយៈពេលខំប្រឹងពីក្មេង ធ្វើឲ្យគេបានធូរស្រាលរឿងហិរញ្ញវត្ថុនៅពេលមានអាយុជ្រេបន្តិច។
៤. យកចិត្តទុកដាក់ និងថ្នាក់ថ្នម
មនុស្សប្រុសមានអាយុជ្រេតែងមានទំនោររ៉ូមេនទិកជាមួយមិត្តស្រីរបស់ខ្លួន។ អារម្មណ៍មនោសញ្ចេតនារបស់ពួកគេក៏ខ្លាំងក្លាជាងអ្នកដែលមានអាយុតិចព្រោះគេខ្វះខាតវាជាយូរមកហើយ។ ដោយសារតែមានអាយុច្រើនជាងសង្សារ ដូចនេះភាគច្រើនពួកតែងតាមចិត្តមនុស្សដែលខ្លួនស្រលាញ់។
៥. គិតផ្លូវវែងឆ្ងាយ
ដោយសារតែមិននៅក្មេងទៀត ដូចនេះពួកគេគ្មានអារម្មណ៍សម្រាប់មនោសញ្ចេតនាលេងសើចនោះឡើយ។ នៅពេលគេរកបានមនុស្សដែលខ្លួនស្រលាញ់ហើយ គេតែងគិតផ្លូវវែងឆ្ងាយជាមួយអ្នកនោះ ព្រោះបើដល់អាយុនេះហើយ បើនៅខកទៀតនឹងរឹតតែពិបាកនៅពេលក្រោយទៀត៕