៦ហេតុផលធំៗដែលនាំឲ្យមនុស្សប្រុសមានស្រីខាងក្រៅ ក្បត់ចិត្តប្រពន្ធ

2018-01-07 04:59:35
ចំនួនមតិ 0 | ចំនួនចែករំលែក 0

អ្នកទាំងអស់គ្នាប្រហែលជាទទួលស្គាល់ហើយថា ភាគរយនៃការផិតក្បត់របស់មនុស្សប្រុសគឺ ច្រើនជាងមនុស្សស្រីខ្លាំងណាស់។ ហើយអ្នកក៏ប្រហែលនៅតែមានចម្ងល់ ថាតើហេតុអ្វីមនុស្សប្រុសចូលចិត្តរឿងផិតក្បត់នេះម្ល៉េះ? ពេលខ្លះពួកគាត់ប្រហែលជាមានហេតុផលផ្ទាល់ខ្លួន ដែលយើងជាមនុស្សស្រីពិបាកនឹងយល់។ ខាងក្រោមនេះជាបណ្ដុំហេតុផលធំៗចំនួន៦ ដែលអ្នកគួរតែស្វែងយល់ ចំពោះបញ្ហាផិតក្បត់នេះ៖

រូបតំណាង

**១. គាត់ចាប់ផ្ដើមធុញ**

ធ្វើរឿងដដែលៗជាមួយអ្នករាល់ថ្ងៃ ធ្វើឲ្យគាត់ធុញថប់។ នៅជាមួយគ្នាកាន់តែយូរ ទំនាក់ទំនងក៏បាត់អស់ភាពរំភើបបន្តិចម្ដងៗ ហើយគាត់ក៏គ្មានឆន្ទៈនឹងស្វែងរកដំណោះស្រាយដែរ។ ដូច្នេះហើយទើបគាត់ស្វែងរកភាពប្លែកអារម្មណ៍ជាមួយអ្នកថ្មី។

២. ស្នេហាមានបញ្ហាច្រើនពេក

ជម្លោះ ភាពរកាំរកូស ការខ្វែងគំនិតគ្នាច្រើនពេក ធ្វើឲ្យអ្នកទាំងពីររកសុភមង្គលមិនឃើញ។ ដូច្នេះគាត់ប្រាកដជាត្រូវស្វែងរកសេចក្ដីសុខពីកន្លែងផ្សេង ហើយនោះក៏ជាស្រីផ្សេង ដែលអាចឲ្យគាត់ភ្លេចរឿងអាក្រក់ៗ គ្រប់យ៉ាងបាន។

៣. ត្រូវបានអ្នកព្រងើយកន្តើយដាក់

បើគាត់មានអារម្មណ៍ថាអ្នកមិនសូវផ្ដល់តម្លៃចំពោះភាពសំខាន់ ឬវត្តមានរបស់គាត់ គាត់ប្រាកដជាស្វែងរកវាពីមនុស្សស្រីផ្សេង។ ថ្វីត្បិតតែវាជារឿងបណ្ដោះអាសន្ន តែមនុស្សប្រុសមិនស្ទាក់ស្ទើរនឹងបំពេញតម្រូវការផ្លូវចិត្តរបស់ខ្លួនមួយពេលឡើយ។

៤. ចង់បែកផ្លូវជាមួយអ្នក

បើគាត់ចង់បែកផ្លូវជាមួយអ្នក គាត់ប្រាកដជាធ្វើរឿងនេះ ព្រោះគាត់ដឹងច្បាស់ថា មនុស្សស្រីភាគច្រើនមិនអាចទ្រាំ ឬអត់ឱនឲ្យចំពោះកំហុសមួយនេះឡើយ។ ចុងក្រោយអ្នកនឹងដោះលែងគាត់ដូចអ្វីដែលគាត់រំពឹងទុក។

រូបតំណាង

៥. រកភាពសប្បាយបន្ថែមជាមួយរឿងលើគ្រែ

មនុស្សប្រុសដែលមានតម្រូវការរឿងបែបនេះខ្លាំង ប្រាកដជាទាមទារច្រើនពីដៃគូ។ ដូច្នេះបើអ្នកមិនអាចបំពេញតម្រូវការគាត់បាន គាត់ប្រាកដជាស្វែងរកវាបន្ថែមពីមនុស្សស្រីផ្សេង ដើម្បីបំពេញចំណង់ពីធម្មជាតិរបស់គាត់។

៦. ប្រវត្តិគ្រួសារ

ប្រសិនគាត់ធ្លាប់រស់នៅ និងមើលឃើញទង្វើបែបនេះ តាំងពីគាត់នៅក្មេង វាមិនមែនជារឿងចម្លែកទេសម្រាប់គាត់។ ប្រវត្តិគ្រួសារក៏ជាកត្តាដែលជះឥទ្ធិពលខ្លាំងចំពោះបុគ្គលិកលក្ខណៈរបស់មនុស្សគ្រប់គ្នាដែរ។

បញ្ហាផិតក្បត់គឺជារឿងដ៏ពិបាកលើកលែង ប៉ុន្តែទន្ទឹមនឹងនេះអ្នកក៏គួរដឹងពីឫសគល់មូលហេតុដែលនាំឲ្យរឿងនេះកើតឡើង ហើយបើរកឃើញថាយើងក៏មានចន្លោះប្រហោងមួយផ្នែកក្នុងរឿងនេះដែរ គួរព្យាយាមពិភាក្សាកែប្រែកំហុសរៀងៗខ្លួន ប៉ុន្តែបើអ្នកប្រឹងប្រែងអស់ពីលទ្ធភាពហើយ គាត់នៅតែមិនកែប្រែ នោះគឺជារឿងផ្សេងមួយទៀត ៕

ប្រភព៖ Likelovequotes ប្រែសម្រួល៖ អូន បញ្ញា