អ្នកចូលចិត្តផុសរូប ចេះស្ទីលទាំងនេះ ដឹងតែបានរូបទាក់ទាញ ផុសភ្លាមគេ Like ព្រាត

2018-01-06 09:27:39
ចំនួនមតិ 0 | ចំនួនចែករំលែក 0

ប្រិយមិត្តនារីៗមួយចំនួនអាចនឹងមិនទាន់មានភាពជឿជាក់លើខ្លួនឯងនៅពេលថតរូប។ បើសិន Selfie ខ្លួនឯងប្រហែលជាគ្មានបញ្ហា ប៉ុន្តែបើសិនឲ្យអ្នកផ្សេងថតឲ្យវិញ នឹងកើតអាការអៀនកាមេរ៉ា ឬអៀនអ្នកថតភ្លាម គឺមិនដឹងថាត្រូវធ្វើកាយវិការយ៉ាងម៉េច ដាក់ដៃដាក់អីយ៉ាងម៉េច ឈរយ៉ាងម៉េចស្អាត។ល។ ថ្ងៃនេះ កញ្ញា មានវិធីក្នុងការបញ្ចេញស្ទីលថតមួយចំនួនសម្រាប់ប្រិយមិត្តទាំងអស់គ្នា ដែលជាស្ទីលងាយៗ ស្រួលធ្វើតាមដើម្បីឲ្យប្រិយមិត្តថតបានរូបស្អាតៗ៖

៩. ស្ទីលកាន់អាវ

ស្រីៗដែលមានអាវធំ ឬអាវក្រៅចាប់ខ្លួន អាចប្រើវាឲ្យមានប្រយោជន៍ ដោយអាចយកមកកាន់ដាក់ខាងក្រោយស្មា ឬកាន់ធម្មតាៗក៏បាន ដើម្បីឲ្យរូបយើងកាន់តែស្អាត។

៨. ស្ទីលជ្រែងហោប៉ៅ

សម្រាប់ស្រីៗដែលពាក់អាវ ឬស្លៀកខោដែលមានហោប៉ៅ ការជ្រែងហោប៉ៅគឺជាស្ទីលថតរូបមួយដែលធ្វើឲ្យយើងមើលទៅកាន់តែមានភាពជឿជាក់។

៧. ស្ទីលវែកសក់ ឬដាក់ដៃក្រោមត្រចៀក

សម្រាប់អ្នកដែលដល់ពេលថតរូបហើយមិនដឹងធ្វើកាយវិការយ៉ាងម៉េច គឺគ្រាន់តែឈរធម្មតាៗ ហើយលើកដៃវែកសក់បន្តិចក៏ធ្វើឲ្យរូបភាពស្អាតបាត់ទៅហើយ។

៦. ស្ទីលកាន់កាបូប ឬយួរកាបូប

កាបូបស្អាតៗរបស់យើងនេះហើយជារបស់ជំនួយដ៏ល្អសម្រាប់ការថតរូប។ កាន់កាបូបពីមុខ ឬស្ពាយចំហៀងក៏បាន នឹងធ្វើឲ្យរូបភាពមើលទៅមិនសូវទទេ ហើយទាក់ទាញទៀត។

៥. ស្ទីលមើលខាងលើ មើលឆ្វេង មើលស្ដាំ តែមិនមើលកាមេរ៉ា

បើមិនដឹងថាគួរលេងទឹកមុខយ៉ាងណានៅពេលថតរូប សូមសាកល្បងមើលទៅទិសផ្សេងៗ នោះនឹងបានរូបភាពបែបមិនដឹងខ្លួនដ៏គួរឲ្យស្រឡាញ់។

៤. ស្ទីលឱនមុខ

ស្ទីលមួយនេះគឺសម្រាប់អ្នកដែលមានអារម្មណ៍អៀនៗ នៅពេលថតរូប បើសម្លឹងឡើងលើក៏មិនដឹងលេងទឹកមុខបែបណា ឬខ្សែភ្នែកបែបណា ដូច្នេះមានតែឱនមុខធ្វើដូចរកមើលរបស់អីជ្រុះតែម្ដងទៅ។