តួតាជី រឿង "ទេវបុត្រណាចា" ត្រូវគ្នាជាមួយប្ដីវិញក្រោយលែងលះ៤ខែ
- 2018-01-04 04:30:00
- ចំនួនមតិ 0 | ចំនួនចែករំលែក 0
តួតាជី រឿង "ទេវបុត្រណាចា" ត្រូវគ្នាជាមួយប្ដីវិញក្រោយលែងលះ៤ខែ
តារាសម្ដែងចាស់វស្សា Irene Wan រួមនឹងស្វាមីបានផ្សះផ្សាគ្នាឡើងវិញ ក្រោយរយៈពេលលែងលះ។
បណ្ដាញព័ត៌មាន Ifeng បានឲ្យដឹងថា តារាសម្ដែងជើងចាស់ហុងកុង Irene Wan និងស្វាមីមហាសេដ្ឋី Kenneth Ho បានជានាគ្នាវិញហើយក្រោយលែងលះបានរយៈពេល៤ខែ។ កាលពីថ្ងៃទី២៣ខែធ្នូកន្លងទៅនេះ គូស្វាមីភរិយាចាស់ត្រូវបានគេប្រទះឃើញក្នុងការប្រគំតន្ត្រីមួយ។ តួតាជី បានឲ្យដឹងថាអ្នកទាំង២បានចាប់ផ្ដើមសាជាថ្មីក្រោយរឿងមិនសប្បាយចិត្តទាំងឡាយ។
“ការបែកបាក់ ធ្វើឲ្យពួកខ្ញុំកាន់តែយល់ពីគ្នាជាងមុន។ ពេលខ្លះ ការឃ្លាតឆ្ងាយគឺដើម្បីផ្សារភ្ជាប់ឡើងវិញ។ ខ្ញុំមានអារម្មណ៍ថាពិបាករកបាននរណាម្នាក់ដែលស្រលាញ់ និងជឿជាក់លើខ្ញុំដូចរូបគាត់ណាស់" ស្រីស្អាតវ័យ៥១ឆ្នាំឲ្យដឹង។
គួរបញ្ជាក់ផងដែរថា កាលពីខែកក្កដាកន្លងទៅនេះ Irene Wan និងស្វាមីបានប្រកាសបែកគ្នាដោយ គំនិតមិនចុះសម្រុងគ្នា។ ក្រោយរៀបការ១៧ឆ្នាំ ប្ដីប្រពន្ធមួយគូនេះមិនបានយកកូននោះទេ ដោយតារាស្រីល្បីឈ្មោះខ្លាចពេលមានកូនធ្វើឲ្យសម្រស់ខ្លួនមិនស្អាតដូចមុន ដូចនេះបានត្រឹមតែសុំកូនចិញ្ចឹម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
