នៅពេលមនុស្សប្រុសអស់ចិត្ត គេនឹងបញ្ចេញសញ្ញាទាំងនេះ

2017-12-29 04:22:06
ចំនួនមតិ 0 | ចំនួនចែករំលែក 0

សញ្ញាខ្លះគឺអាចឲ្យយើងដឹងខ្លួនមុនទៅហើយថាគេកំពុងអស់ចិត្តបន្តិចម្ដងៗ រហូតដល់ពេលមួយគឺនឹងហាមាត់ប្រាប់យើងដោយខ្លួនឯង។ ដូច្នេះយើងគួរតែដឹងមុនថាគេបានអស់ចិត្តពីអ្នកតាមសញ្ញាទាំងនេះ ៖

១. លែងផ្ដល់ពេលវេលាឲ្យអ្នក

គេលែងសូវមានពេលសម្រាប់អ្នក រឹតតែមិនចង់នៅក្បែរអ្នកដូចមុនទៀតហើយ។ គេចាប់ផ្ដើមលែងមានការបារម្ភ ការយកចិត្តទុកដាក់ ហើយតែងតែទុកអ្នកចោលជាច្រើនសា។

រូបតំណាង

**២. លែងប្រចណ្ឌ លែងដេញដោល**

អ្នកធ្វើអីក៏ធ្វើទៅ អ្នកនៅជាមួយអ្នកណាក៏នៅទៅ គេលែងចង់ដឹងចង់ឮទៀតហើយ រឹតតែមិនខ្វល់ថាអ្នកទៅទាក់ទងមនុស្សប្រុសផ្សេងទៀត។ គេលែងចេះសួរច្រើន លេងចេះប្រចណ្ឌ រឹតតែលែងចេះរករឿង។

៣. មិនចង់និយាយ មិនចង់ឆ្លើយឆ្លង

មួយថ្ងៃមិននិយាយជាមួយអ្នកក៏បាន ឆ្លើយកាន់តែតិចគេកាន់តែសប្បាយចិត្ត។ គេនិយាយបែបខ្លីៗ មិនសូវមានពាក្យពីរោះៗ ហើយលេងសារកំបុតៗថែមទៀត។

រូបតំណាង

៤. ចាប់ផ្ដើមមិនពេញចិត្តនូវទម្លាប់មួយចំនួនរបស់អ្នក

គេកាន់តែទើសភ្នែកនូវទម្លាប់មួយចំនួនរបស់អ្នក ទោះបីពីមុនគេធ្លាប់តែចូលចិត្តក៏ដោយ។ គេចាប់ផ្ដើមលែងចាប់អារម្មណ៍លើអ្នក ហើយកាន់តែមើលឃើញពីចំណុចអាក្រក់របស់អ្នកច្រើនទៅៗ។

៥. លែងសប្បាយចិត្តពេលដែលនៅជាមួយគ្នា

ទោះទៅណាមកណា ក៏គេលែងមានអារម្មណ៍សប្បាយចិត្ត ក៏គេលែងរំភើប។ ពេលខ្លះថែមទាំងមិនចង់ទៅណាជាមួយអ្នកទៀតផង ព្រោះអារម្មណ៍ពីមុនបានបាត់បង់អស់ទៅហើយ។

៦. គេពេញចិត្តជីវិតពេលដែលគ្មានអ្នក

គេចាប់ផ្ដើមពេញចិត្តនៅពេលដែលគ្មានអ្នក ឬក៏សប្បាយនៅពេលគេនៅជាមួយមិត្តភក្តិគេ ឬក៏អ្នកផ្សេង។ គេរីករាយជាមួយបរិយាកាសថ្មីៗ មនុស្សថ្មីៗដែលធ្វើឲ្យគេមានសេរីភាពជាងពេលនៅជាមួយអ្នក។