ហេតុផល ៤ យ៉ាងអ្នកម្ដាយគួរឲ្យកូនតូចញ៉ាំយ៉ាអួររៀងរាល់ថ្ងៃ ដើម្បីលូតកម្ពស់បានល្អ

2017-12-26 09:00:00
ចំនួនមតិ 0 | ចំនួនចែករំលែក 0

យ៉ាអួរ ជាអាហារដ៏ល្អសម្រាប់ក្មេងតូច ព្រោះពួកគេអាចជំនួសច្រើនយ៉ាងដល់ពួកគេ។ ជាម្ដាយមួយរូបគួរដឹងហេតុផលទាំង ៤ ដែលតម្រូវឲ្យកូនតូចញ៉ាំយ៉ាអួរជាប្រចាំ៖

១.សម្បូរកាល់ស្យូម

យ៉ាអួរផ្ទុកនូវប្រូតេអ៊ីន probiotics មានប្រយោជន៍ជាច្រើនដែលគាំទ្រដល់ការរំលាយអាហាររបស់ lactose និងជួយឲ្យស្រូបយកចំណីអាហារល្អប្រសើរជាងមុន។ យ៉ាអួ គឺជាអាហារល្អប្រណិតបំផុត ដែលអាចផ្សំជាមួយផ្លែឈើ បន្លែ ឬការ៉េមសម្រាប់កុមារ។ មិនតែប៉ុណ្ណោះវាមានជាតិកាល់ស្យូមប្រហែល ៤០០ មីលីក្រាមក្នុងចំណុះ ៧,៩ មីលីលីត្រដើម្បីជួយដល់ឆ្អឹងឲ្យមានការលូតលាស់ប្រកបដោយសុខភាពល្អ ក្នុងដំណើរការអភិវឌ្ឍប្រចាំថ្ងៃ ហើយវាក៏មានប្រូតេអ៊ីនខ្ពស់ ព្រោះក្នុងយ៉ាអួរ ៧,៩ មីលីលីត្រ គឺស្មើនឹងបរិមាណប្រូតេអ៊ីននៅក្នុងស៊ុត និងសាច់។

២.កុមារអាចញ៉ាំបានចាប់ពី ៦ ខែទៅ

ទារកដែលមានអាយុចាប់ពី ៦ ខែទៅ គឺអាចញ៉ាំយ៉ាអួរបានហើយ។ ម្ដាយគួរជ្រើសរើសយកយ៉ាអួរធម្មជាតិ ព្រោះកុមារត្រូវការជាតិខ្លាញ់ច្រើន ដើម្បីអភិវឌ្ឍរាងកាយឲ្យបានពេញលេញ។ បរិមាណយ៉ាអួរដែលកុមារអាចញ៉ាំរាល់ថ្ងៃអាស្រ័យលើអាយុរបស់ពួកគេដូចខាងក្រោម៖

ក្មេងអាយុពី ៦-១០ ខែ ញ៉ាំបានរហូតដល់ ៥០ ក្រាមក្នុងមួយថ្ងៃ។
ក្មេងអាយុ ១ ទៅ ២ ឆ្នាំ ញ៉ាំបានដល់ ៨០ ក្រាមក្នុងមួយថ្ងៃ។
កុមារដែលមានអាយុលើសពី ២ ឆ្នាំអាចទទួលទាន ១០០ ក្រាមក្នុងមួយថ្ងៃ។

៣.អាចញ៉ាំបានក្រោយអាហាររួច

បន្ទាប់ពីបរិភោគអាហារមួយទៅពីរម៉ោងរួច អ្នកម្ដាយគួរតែឲ្យកូនញ៉ាំយ៉ាអួរបន្ថែមទៀត។ ព្រោះយ៉ាអួមានសមត្ថភាពល្អប្រសើរនៅក្នុងស្រទាប់ក្រពះដែល pH កើនឡើងពី ៣ ទៅ ៥ បន្ទាប់ពីទទួលទានរួច។ ក្នុងយ៉ាងអួរក៏សម្បូរទៅដោយវីតាមីន B ដែលជួយធ្វើឲ្យកុមារកាន់តែរឹងមាំ និងទប់ទល់ការខូចខាតដែលមើលមិនឃើញពីវិទ្យុសកម្មនៃឧបករណ៍អេឡិចត្រូនិកផ្សេងៗ។ លើសពីនេះ tyrosine ក្នុងយ៉ាអួអាចកាត់បន្ថយភាពតានតឹងអស់កម្លាំង។ ដូច្នេះម្ដាយគួរឲ្យកូនញ៉ាំមួយ ឬ២ ម៉ោងមុនពេលគេង ដើម្បីរួមចំណែកដល់ការផ្ទុកជាតិកាល់ស្យូម ធ្វើឲ្យឆ្អឹងរឹងមាំ ហើយជួយដល់ការលូតកម្ពស់។

៤.កុំឲ្យកូនញ៉ាំថ្នាំដទៃ

កុំញ៉ាំកូនញ៉ាំថ្នាំដទៃទៀតដែលផ្ទុកសារជាតិស៊ុលហ្វារអាមីន ព្រោះថ្នាំប្រភេទនេះអាចសម្លាប់បាក់តេរីមានអត្ថប្រយោជន៍នៅក្នុងយ៉ាអួរ។ មួយវិញទៀតកុំឲ្យកូនញ៉ាំច្រើនពេក ព្រោះការបញ្ចេញជាតិអាស៊ីដរបស់ក្រពះមានឥទ្ធិពលមិនល្អ និងធ្វើឲ្យបាត់បង់ចំណង់អាហាររបស់កុមារ។ ញ៉ាំយ៉ាអួរ ច្រើនពេកក៏អាចបណ្ដាលឲ្យរាគផងដែរ។ម្យ៉ាងទៀតកុំឲ្យកូនតូចញ៉ាំនៅពេលឃ្លាន ដោយសារបាក់តេរីនៅក្នុងយ៉ាអួរមិនអាចរស់នៅក្នុងក្រពះជាមួយនឹង pH ២ បានឡើយ ។

មិនគួរទុកឲ្យយ៉ាអួរក្ដៅឡើយ ព្រោះពេលវារលាយដោយសារកម្ដៅអាចបណ្ដាលឲ្យបាត់បង់សារធាតុចិញ្ចឹមបាក់តេរីដែលមានប្រយោជន៍។ យ៉ាអួរគួរទុកក្នុងទូទឹកកក និងមានរយៈពេល ២ សប្ដាហ៍បន្ទាប់ពីទិញហើយប៉ុណ្ណោះ៕

ចុចអាន៖សញ្ញាគ្រោះថ្នាក់ទាំង ១៣ ដែលបញ្ជាក់ថារាងកាយរបស់អ្នកមានជាតិស្ករខ្ពស់!

ប្រភព៖ netlife ប្រែសម្រួល៖ ទ្រី រ៉ាវី