បើ​បី​ជា​ខ្លួន​ជា​អ្នក​តំណាង​របស់​ម៉ាក​សំលៀកបំពាក់​ល្បី​ឈ្មោះ​ពិភពលោក​ក៏​ដោយ តែ​ដោយ​សារ​តែ​រាង​ស្គម​ពេក នាង​ត្រូវ​គេ​ថា​ដូច​ស្លៀក​រ៉ូប​តម្លៃ​ថោក។

កាល​ពី​ថ្ងៃ​ទី​ ១៥​ ខែ​វិច្ឆិកា​មុន​នេះ តារា​សម្ដែង និង​ចម្រៀង​ជួរ​មុខ​កូរ៉េ Suzy ទទួល​បាន​ការ​ចាប់​អារម្មណ៍​ជា​ច្រើន​ពី​សំណាក់​អ្នក​កាសែត​នៅ​ពេល​បង្ហាញ​វត្តមាន​នៅ​លើ​កម្រាល​ព្រំ​ក្រហម​របស់​កម្មវិធី Asian Artist Awards។

តែ​អ្វី​ដែល​ធ្វើ​ឲ្យ​គេ​កាន់​តែ​ចាប់​អារម្មណ៍​នោះ​គឺ​រ៉ូប​របស់​តួ​រឿង "While You Were Sleeping” ស្លៀក​ទៅ​វិញ​នោះ​ទេ។ តាម​នោះ​ដែរ រ៉ូប​មក​ពី​ម៉ាក Dior ដែល​ស្រី​ស្អាត​វ័យ​២៣​ឆ្នាំ​យក​មក​ស្លៀក​នោះ មុន​នោះ​ត្រូវ​បាន​តារា​សម្ដែង​ចិន Zhao Ly Ying ស្លៀក​រួច​ហើយ។ មិន​តែ​ប៉ុណ្ណោះ​តួ​រឿង "យុទ្ធសិល្ប​ដាវ​ទេវ" ថែម​ទាំង​ជា​អ្នក​តំណាង​របស់​ម៉ាក​ខោអាវ​នេះ​ទៀត​ផង។

ដោយ​សារ​តែ​មាន​រាង​ស្គម​ពេក តារា​ស្រី​ត្រកូល Zhao ត្រូវ​គេ​និយាយ​ថា​ដូច​យក​រ៉ូប​ជជុះ​មក​ស្លៀក ឯ​អតីត​មិត្ត​ស្រី Lee Min Ho ដោយ​សារ​តែ​មាន​សាច់​ជាង​ទើប​ពេល​ស្លៀក​ទៅ​មើល​ទៅ​សម​ជាង​ឆ្ងាយ។