បើមិនចង់ឃ្លុំជិតហើយនៅតែខ្មៅ ត្រូវតែដឹងពីចំណុចទាំង៣នេះពេលទិញអាវក្រៅ

2017-04-20 07:10:42
ចំនួនមតិ 0 | ចំនួនចែករំលែក 0

ស្រីៗគ្នាយើងមានដឹងទេថាហេតុអីនៅពេលចេញក្រៅ ខ្លួនបានបិទបាំងជិតអស់ហើយ តែស្បែករបស់អ្នកនៅតែស្រគាំ មិនភ្លឺថ្លាដូចគេ?

ជាមួយសីតុណ្ហភាពក្ដៅ៣៥អង្សាដូចសព្វថ្ងៃ មនុស្សគ្រប់រូបជាពិសេសស្រីៗគ្នាយើងពិតជាមិនចង់ចេញទៅក្រៅនៅពេលថ្ងៃនោះទេ។ ក្នុងខែនេះដែរ អាវក្រៅការពារកម្ដៅថ្ងៃត្រូវបានលក់ចេញដាច់បំផុតដោយសារតែរាល់ពេលចេញទៅណាម្ដងៗ គេតែងតែពាក់វាដើម្បីកុំឲ្យក្ដៅក៏ដូចជាការពារស្បែកកុំឲ្យខ្មៅផងដែរ។

តែអ្នកមានដែរឆ្ងល់ទេថា ហេតុអីយើងពាក់អាវក្រៅដូចគេដែរតែស្បែកនៅតែស្រអាប់ មិនសដូចគេ។ បើមិនទាន់យល់ច្បាស់ទេ ចូរអានចំណុចទាំង៣ខាងក្រោមនេះ។

១. ចាប់អារម្មណ៍លើសាច់ក្រណាត់៖

ដើម្បីមានអាវការពារកម្ដៅថ្ងៃល្អមួយ រឿងមុនគេដែលអ្នកត្រូវដឹងគឺសាច់ក្រណាត់របស់អាវ។ នៅពេលទៅទិញអាវ សូមដាក់អាវឆ្លុះជាមួយពន្លឺថ្ងៃ បើសិនជាពន្លឺថ្ងៃមិនអាចចាំងធ្លុះអាវទេនោះ នោះជាអាវល្អព្រោះកាំរស្មី UV ក៏មិនប៉ះដល់ស្បែករបស់អ្នកដែរ។

២. ត្រូវមានអាវការពារកម្ដៅថ្ងៃ២៖

បងប្អូនស្ត្រីគ្រប់រូបត្រូវមានអាវការពារកម្ដៅថ្ងៃយ៉ាងតិច២សម្រាប់ខ្លួនឯង។ រដូវក្ដៅ ខ្លួនរបស់យើងបែកញើសច្រើន ដូចនេះហើយអាវឆាប់ផ្អួរជាងរដូវណាៗទាំងអស់។ បើសិនជាពាក់អាវក្រៅ១ពេញ១សប្ដាហ៍តែម្ដង វាអាចនឹងបង្កមុនលើខ្នង និងដងខ្លួនបាន។ នៅពេលនោះ ប្រសិទ្ធភាពរបស់អាវនឹងធ្លាក់ចុះ។

៣. រើសពណ៌ឲ្យបានត្រឹមត្រូវ៖

អាវពណ៌ភ្លឺ ឬស្រាលស្រូបយកកម្ដៅតិចជាងពណ៌ដិត ប៉ុន្តែវាក៏ទប់ស្កាត់កាំរស្មី UV តិចជាងដែរ។ ដូចនេះ បើសិនជាអ្នកចង់បានអាវណាដែលការពារកម្ដៅថ្ងៃបានល្អ គួរជ្រើសយកពណ៌ក្រមៅ។

ប្រភព៖ Eva

ប្រែសម្រួល៖ Caramel