ម្រាមដៃវែង ឬខ្លីបើតាមក្បួនចិនគេទាយថាម៉េចខ្លះ?
- 2016-12-20 07:08:36
- ចំនួនមតិ 0 | ចំនួនចែករំលែក 0
ម្រាមដៃវែង ឬខ្លីបើតាមក្បួនចិនគេទាយថាម៉េចខ្លះ?
តើអ្នកមានម្រាមវែងឬខ្លី ហើយបើតាមក្បួនចិនគេទាយថាម៉េច? តោះ! សាកមកមើលចំណុចខាងក្រោយសាកមើល៖
១. មេដៃ៖ តំណាងការចំណាយលុយ, សំណាង ឬការងារ។
មេដៃក្រាស់ហើយធំ៖ អ្នកតែងទទួលទំនុកបម្រុងពីឪពុកម្ដាយច្រើន ហើយមានតម្រូវការងាយៗសម្រាប់ការរស់នៅ។
មេដៃស្ដើងហើយរាប៖ មានលក្ខណៈផ្ទុយពីអ្នកខាងលើ។ ចូលចិត្តជីវិតងាយស្រួល និងចូលចិត្តសប្បាយ។
មេដៃវែង៖ មានសំណាងល្អ, មានការរីកចម្រើនលឿន, មានទំនុកចិត្តលើការងារ និងទទួលបានការទំនុកបម្រុងពីចាស់ទុំ។
មេដៃខ្លី៖ ត្រូវពឹងពាក់លើខ្លួនឯងច្រើនពេលនៅក្មេង ហើយច្រើនចាប់ផ្ដើមធ្វើអ្វីពីបាតដៃទទេ។
២. ម្រាមដៃចង្អុល៖ បង្ហាញពីមហិច្ឆតា, បំណង, អំណាច និងអាពាហ៍ពិពាហ៍។
ម្រាមវែងស្មើម្រាមដៃកណ្តាល៖ រឹងរូស, កាច និងមានមហិច្ឆតា។ វាបង្ហាញពីភាពខ្នះខ្នែង និងអំនួត។ ចាយវាយច្រើន មិនសូវចេះសន្សំ។
ម្រាមវែង៖ មានគោលដៅខ្ពស់, មានទំនាក់ទំនងល្អ, ពូកែគ្រប់គ្រង។
ម្រាមខ្លី៖ ច្រណែន និងចង់ឈ្នះ។ ពេលខ្លះអាចមានការលំបាកក្នុងការងារ តែពូកែរឿងស្នេហា។
៣. ម្រាមកណ្ដាល៖ សំដៅលើនិស្ស័យ។ បើអ្នកមានម្រាមវែងមូលគឺកាន់តែល្អ។
ម្រាមខ្លីផ្អៀងទៅខាងដៃចង្អុល៖ ជាមនុស្សតស៊ូក្នុងការងារ។
ម្រាមខ្លីផ្អៀងទៅខាងដៃនាង៖ តែងខ្វល់ខ្វាយរឿងគ្រួសារ។
ម្រាមដៃក្រាស់តែមិនស្មើ៖ មិនអំណត់ ចង់អ្វីមួយឆាវៗ។ ចាំបាច់ត្រូវរៀនគ្រប់គ្រងខ្លួនឯងកុំឲ្យមានវិប្បដិសារីថ្ងៃក្រោយ។
ម្រាមប្រវែងប្រហែលម្រាមដទៃ៖ មិនអំណត់ក្នុងការងារ ហើយតែងផ្លាស់ប្ដូរ តែជាមនុស្សយកចិត្តទុកដាក់រឿងស្នេហា។
៤. ម្រាមដៃនាង៖ តំណាងដៃគូស្នេហា និងចំណងគ្រួសារ។
បើម្រាមនេះផ្អៀងទៅដៃកណ្ដាល៖ បញ្ជាក់ពីទំនួលខុសត្រូវ និងការចំណាយច្រើនរឿងគ្រួសារ។
បើវាផ្អៀងទៅខាងដៃកូន៖ ចំណាយច្រើនលើកូនចៅ។
វែងស្មើម្រាមកណ្ដាល៖ យកស្នេហាជាល្បែង។ចូលចិត្តការឈ្នះចាញ់ហើយក៏ចូលចិត្តចូលភ្នាល់ដែរ។
ម្រាមវែង៖ ឯករាជ្យលើការងារ ហើយចូលចិត្តធ្វើជាជំហានៗ។ មានភាពរ៉ូមែនទិកក្នុងរឿងស្នេហាផងដែរ។
ម្រាមខ្លី៖ ចូលចិត្តធ្វើអ្វីដែលគិតថាខ្លួនអាចធ្វើបាន តែពេលខ្លះក៏ប្រថុយដែរ។ ក្នុងរឿងស្នេហា គឺមានភាពស្ថិតស្ថេរ។
៥. ដៃកូន៖ តំណាងកូនចៅ, ក្មេងៗជំនាន់ក្រោយ ព្រមទាំងសំដៅលើសំណាងដូចមេដៃដែរ។
បើម្រាមខ្លី និង ង៖ តែងព្រួយបារម្ភពីកូនចៅ។
ម្រាមវែង ត្រង់ និងមូល៖ ពូកែក្នុងការងារ និងទំនាក់ទំនង។
បើម្រាមវែង៖ ពូកែសង្កេត, ពូកែវោហារ, សំណាង និងមានសុខភាពល្អពេលចាស់ទៅ។
ម្រាមខ្លី៖ ចូលចិត្តនិយាយត្រង់ៗ, មិនចូលចិត្តបោកគេ និងមិនសូវពូកែប្រើវោហាររឿងស្នេហាទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
