មនុស្សយើងម្នាក់ៗតែងមានរូបរាងដូចៗគ្នា តែបើនិយាយពីចំណុចមួយចំនួននៃរាងកាយវិញ មិនដូចគ្នានោះទេ។ ព្រោះមនុស្ស១០ចិត្ត១០ ដូចនេះប្រសិនបើយើងគិតថា យើងនៅមានចំណុចណាដែលខ្វះខាត ចូរយើងបំពេញវាឲ្យបានល្អសម្រាប់ខ្លួនឯង និងអ្នកដ៏ទៃ។ ខាងក្រោមនេះ គឺជាហុងស៊ុយដ៏អស្ចារ្យរបស់មនុស្ស ៖

១ ហុងស៊ុយដំបូងរបស់មនុស្សគឺចិត្ត

មនុស្សយើងម្នាក់ៗតែងមានចិត្ត មានបេះដូង ដូចនេះការមានចិត្តល្អសម្រាប់ខ្លួនឯងឬទៅកាន់អ្នកដ៏ទៃ គឺជាហុងស៊ុយដ៏ល្អបំផុតសម្រាប់ខ្លួនឯង។ មនុស្សដែលមានចិត្តល្អ តែងទទួលបានអំពើល្អពីអ្នកដ៏ទៃ ហើយមនុស្សតែងចូលចិត្តរាប់អាន និងឲ្យតំលៃ។

២ ហុងស៊ុយទីពីររបស់មនុស្សគឺមាត់

មាត់របស់មនុស្សបើបាននិយាយទៅកាន់នរណាម្នាក់ដោយវាចាសុភាពទន់ភ្លន់ ដឹងខុសដឹងត្រូវ និយាយពិរោះមានសុជីវធម៌ល្អ ធ្វើឲ្យគេគោរពស្រលាញ់គ្រប់ៗគ្នា នោះហើយគឺជាហុងស៊ុយ។

៣ ហុងស៊ុយទីបីរបស់មនុស្សគឺឥរិយាបថ

ឥរិយាបថមនុស្សម្នាក់ៗដែលពោរពេញដោយថាមពលវិជ្ជមាននឹងទាក់ទាញមនុស្សល្អ និងវត្ថុផ្សេងៗ នេះក៏ជាអ្វីដែលមនុស្សហៅថាច្បាប់នៃការទាក់ទាញផងដែរ។ មនុស្សដែលចូលចិត្តធ្វើអំពើល្អ មិនខ្មាសអៀននឹងសតិសម្បជញ្ញៈរបស់ខ្លួន ពួកគេតែងតែ បរិភោគបាន ដេកលក់ស្រួល ហើយត្រូវបានអ្នកដទៃគោរពថែមទៀត។

ដូចនេះឥរិយាបថទាំង៣នេះសំខាន់ខ្លាំងណាស់របស់មនុស្ស ក្នុងការរស់នៅរាល់ថ្ងៃ។ តែប្រសិនបើយើងខ្វះចំណុចណាមួយហើយ ហុងស៊ុយក៏ទៅតាមហ្នឹងដែរ។

ប្រភព៖ phunutoday