Zhao Lusi ចាញ់ប្រៀបពេលទុកមុខធម្មជាតិឈរក្បែរ Baby និង Bai Lu
- 2022-08-04 02:40:00
- ចំនួនមតិ 0 | ចំនួនចែករំលែក 0
Zhao Lusi ចាញ់ប្រៀបពេលទុកមុខធម្មជាតិឈរក្បែរ Baby និង Bai Lu
ទោះបីជាមិនផាត់មុខទាំងអស់គ្នាមែន តែតារាសម្ដែងស្រីកំពុងឡើងកូដចិន Zhao Lusi ត្រូវបានវាយតម្លៃថា មានសម្រស់ចាញ់រៀមច្បង។
កាលពីថ្ងៃទី ១ ខែសីហាមុននេះ បណ្ដាញព័ត៌មាន Sohu បានរាយការណ៍ថា ភាគថ្មីបំផុតរបស់កម្មវិធី Keep Running ទទួលបានការចាប់អារម្មណ៍ខ្លាំង ព្រោះមានការចូលរួមរបស់តារាសម្ដែងស្រីជួរមុខទាំងបីរួមមាន Angelababy, Bai Lu និង Zhao Lusi។
អ្វីដែលគួរឲ្យកាន់តែចាប់អារម្មណ៍នោះគឺ នៅពេលព្រឹក ស្រីស្អាតទាំងបីក្រោយពេលងើបពីគេងគឺមិនមានផាត់មុខទាល់តែសោះ។ ខណៈតារារៀមច្បងដូចជា Angelababy និង Bai Lu ត្រូវបានទស្សនិកជនសរសើរថា ហាក់គ្មានអ្វីខុសប្លែកច្រើន និងនៅតែមើលឃើញស្អាតនោះ Zhao Lusi ត្រូវបានគេវាយតម្លៃថា រៀងបាក់សម្រស់បន្តិច ពេលគ្មានក្រែមម្សៅ។
ជាក់ស្ដែង មុខរបស់តួរឿង Who Rules the World ស្លេកស្លាំង ហាក់ដូចបាក់កម្លាំង មិនស្រស់បស់ដូចស្រីស្អាតពីររូបទៀត។ ទស្សនិកជនបានវាយតម្លៃថា នៅពេលមិនមានការផាត់មុខ សម្រស់របស់ស្រីស្អាតអាយុ ២៣ឆ្នាំ ធ្លាក់ចុះមួយកម្រិត៕