កាត់ចិត្តឲ្យលឿនជាទីបំផុត ! ៥សញ្ញាបង្ហាញថាគេមិនបាន Crush លើអ្នកវិញទេ
- 2022-08-03 04:00:00
- ចំនួនមតិ 0 | ចំនួនចែករំលែក 0
កាត់ចិត្តឲ្យលឿនជាទីបំផុត ! ៥សញ្ញាបង្ហាញថាគេមិនបាន Crush លើអ្នកវិញទេ
បើអ្នកកំពុងស្រពិចស្រពិលថា តើ Crush លួចមានចិត្តលើអ្នកដែរអត់ សាកផ្ទៀងនូវចំណុចខាងក្រោមនេះ។
១. អ្នកតែងទាក់ទងរកគេមុនជានិច្ច
មិនថាតេទូរសព្ទ ឬឆាត គឺអ្នកតែងទាក់ទងទៅរកគេមុនជានិច្ច ។ មនុស្សប្រុសនៅពេលចាប់អារម្មណ៍លើនារីណាម្នាក់ ទម្លាប់របស់គេតែងតែចង់ជជែកលេងជាមួយខ្លាំងបំផុត ហើយបើគ្មានរឿងអ្វីត្រូវជជែកក៏គេព្យាយាមស្វែងរកប្រធានបទដើម្បីបាននិយាយជាមួយដែរ។ លើសពីនេះ បើអ្នកសង្កេតឃើញថា រាល់ដងដែលអ្នកឆាតទៅ គេតែងឆ្លើយតបយឺតរាប់ម៉ោង ឬរហូតដល់ស្អែក ក៏ជាសញ្ញាបង្ហាញច្បាស់ៗថា គាត់គ្មានអារម្មណ៍ពិសេសអ្វីមកលើអ្នកដែរ។
២. មិនចេញមុខការពារ ឬបង្ហាញការខ្វល់ខ្វាយជាពិសេស
ចរិតមនុស្សប្រុសពេលលង់លើនារីណាហើយ គេតែងបង្ហាញភាពជាអ្នកក្លាហានដើម្បីការពារមនុស្សស្រីដែលគេស្រលាញ់។ ផ្ទុយទៅវិញ បើគេមិនដែលសួរនាំខណៈដែលអ្នកកំពុងជួបស្ថានភាពលំបាក ឬមិនបង្ហាញខ្លួនដើម្បីផ្តល់ភាពកក់ក្តៅដល់អ្នកទេ មានន័យថា គេចាត់ទុកអ្នកត្រឹមជាមិត្ត ឬអ្នកស្គាល់គ្នាប៉ុណ្ណោះ។
៣. បដិសេធពេលអ្នកបបួលចេញក្រៅ
គេតែងនិយាយថា អត់ទេ នៅពេលអ្នកបបួលគេចេញក្រៅទៅញ៉ាំអី ឬមើលកុនជាដើម។ នេះដោយសារតែបេះដូងរបស់គេ គ្មានរូបអ្នក ដែលជាហេតុធ្វើឲ្យគេមិនចង់បង្កើតអនុស្សាវរីយ៍អ្វីច្រើនជាមួយនឹងអ្នកឡើយ។
៤. គេមិនសូវចាប់អារម្មណ៍លើរឿងដែលអ្នកប្រាប់
ពេលដែលអ្នកមានរឿងអ្វីមួយនិយាយប្រាប់គេ ទឹកមុខរបស់គេធម្មតាហាក់មិនសូវចង់ដឹងខ្លាំងប៉ុន្មានទេ ដែលនេះក៏ជាសញ្ញាបង្ហាញថា បេះដូងគេគ្មានរូបអ្នកសូម្បីមួយចំណែក។ គេស្ទើរតែមិនដឹងរឿងអ្វីសោះអំពីអ្នក ព្រោះបើមនុស្សស្រលាញ់មែន គេច្បាស់ជាចង់ដឹងព័ត៍មានគ្រប់យ៉ាងអំពីអ្នក ចង់ដឹងថាអ្នកចូលចិត្តអ្វី ស្អប់អ្វី ចំណង់ចំណូលចិត្តបែបណា អ្នកជាមនុស្សឆាប់ខឹងឬអត់ ជាមិនខាន។
៥. គេមិនដែលបង្ហាញកាយវិការប្រច័ណ្ឌមកលើអ្នក
តើអ្នកធ្លាប់សង្កេតនៅពេលអ្នកជិតស្និទ្ធនឹងបុរសផ្សេង ឬមានបុរសណាចូលមកក្បែរអ្នកៗ តើ Crush មានអាកប្បកិរិយាបែបណា? តើគាត់មានបង្ហាញកាយវិការប្រច័ណ្ឌ ឬមិនសប្បាយចិត្តដែរឬទេ? ឬគាត់មានអាកប្បកិរិយាស្ងៀមស្ងាត់ មិនខូចចិត្តតែបែរជាជម្រុញឲ្យអ្នកនិងបុរសនោះឆាប់ស្រលាញ់គ្នា? ប្រសិនបើបែបនេះ ជាសញ្ញាច្បាស់ថាគាត់គ្មានអារម្មណ៍អ្វីពិសេសមកលើអ្នកឡើយ៕