បុរសៗតែងតែមានទំនោរក្នុងការគិតថា «មានបេះដូងល្អស្មោះស្ម័គ្រ» គឺជាអ្វីមួយដែលអាចជួយឲ្យពួកគេយកឈ្នះចំពោះភាគីស្នេហាខាងស្ត្រីបាន។ ប៉ុន្តែការមានទឹកចិត្តធំទូលាយឬនិយាយបានថាការមានទឹកចិត្តល្អស្មោះត្រង់ ទើបអាចបញ្ជាក់បានថាអ្នកគឺជាមនុស្សពិសេសបំផុត ពីព្រោះអ្នកមានទឹកចិត្តល្អចំពោះមនុស្សដែលរស់នៅជុំវិញខ្លួន ជាពិសេសនោះគឺក្រុមគ្រួសារ និងមិត្តភក្តិរបស់អ្នក។

បុរសៗដែលមានបេះដូងល្អស្មោះស្ម័គ្រ ឬមានទឹកចិត្តល្អស្មោះត្រង់តែងតែធ្វើការគិតតែទៅលើភាពវិជ្ជមាន និងការរស់នៅប្រកបដោយភាពសប្បាយរីករាយយ៉ាងពេញលេញ។ ទោះជាយ៉ាងណាក៏ដោយមានមនុស្សមួយចំនួនដែលអាចទាញយកផលប្រយោជន៍ពីវា ហើយប្រើវាសម្រាប់ការលុបលាងកំហុសរបស់ពួកគេ។

សញ្ញាសំខាន់ៗទាំងប្រាំមួយខាងក្រោមនេះអាចបញ្ជាក់បានថាបុរសរបស់អ្នកមានបេះដូងស្មោះស្ម័គ្រខ្លាំងណាស់៖

• គាត់មានភាពអត់ធ្មត់ខ្លាំងបំផុតចំពោះគ្រប់រឿងរ៉ាវដែលកើតមានឡើងនៅក្នុងទំនាក់ទំនងស្នេហាឬជីវិត
• គាត់មិនខ្លាចក្នុងការបង្ហាញពីអារម្មណ៍ពិតរបស់គាត់ឡើយ (មិនដែលលាក់​លៀបចំពោះដៃគូ)
• គាត់មានទឹកចិត្តល្អចំពោះមនុស្សជុំវិញខ្លួនមិនថាអ្នកណាក៏ដោយ
• គាត់មានវត្តមានគ្រប់ពេលវេលា គ្រប់កាលៈទេសៈដែលអ្នកត្រូវការគាត់
• គាត់មានគោលបំណងពិតប្រាកដនឹងច្បាស់លាស់ចំពោះអ្នក និងក្នុងជីវិតរស់នៅរបស់គាត់
• គាត់ធ្លាក់ក្នុងអន្លង់ស្នេហ៍ដោយផ្អែកទៅលើចរិតរបស់អ្នក តែមិនមែនដោយសារតែរូបសម្រស់នោះទេ

ប្រសិនបើអ្នកជាមនុស្សដែលមានទឹកចិត្តល្អបេះដូងស្មោះស្ម័គ្រ អ្នកតែងតែព្យាយាមជួយអ្នកដទៃ និងធ្វើការចែករំលែកភាពវិជ្ជមានទៅកាន់មនុស្សជុំវិញខ្លួន។ អ្នកតែងតែព្យាយាមធ្វើរឿងគ្រប់យ៉ាងសម្រាប់អ្នកដទៃ ដើម្បីបង្ហាញថាពួកគេបានរកឃើញស្នេហ៍ពិត ឬមានមិត្តភក្តិល្អពិត។ ប៉ុន្តែមនុស្សបែបនេះជាទូទៅនឹងឆ្លងកាត់ការលំបាក ការឈឺចិត្ត ដោយសារតែអ្នកដទៃតែងតែទាញយកផលប្រយោជន៍ពីអ្នកដែលមានទឹកចិត្តល្អបេះដូងស្មោះស្ម័គ្រទាំងនោះ៕

ចុចអានបន្ត៖ អត្ថប្រយោជន៍សំខាន់ៗ ៤ យ៉ាងាពីការមានមានមិត្តភាពល្អ និងភាពស្មោះត្រង់ជាមួយមិត្តភក្តិ