Yang Mi៖ ខ្ញុំនឹងសប្បាយចិត្តប្រសិនបើមនុស្សប្រុសស្រលាញ់ខ្ញុំ ព្រោះខ្ញុំមានលុយ
- 2022-05-13 02:10:00
- ចំនួនមតិ 0 | ចំនួនចែករំលែក 0
Yang Mi៖ ខ្ញុំនឹងសប្បាយចិត្តប្រសិនបើមនុស្សប្រុសស្រលាញ់ខ្ញុំ ព្រោះខ្ញុំមានលុយ
កំពូលតារាសម្ដែងស្រីចិន Yang Mi ចែករំលែកថា ការកាន់កាប់ក្នុងដៃនូវទ្រព្យសម្បត្តិច្រើន ធ្វើឲ្យនាងមានអារម្មណ៍ថាសុវត្ថិភាពក្នុងរឿងស្នេហា។
កាលពីថ្ងៃទី ១១ ខែឧសភាមុននេះ បណ្ដាញព័ត៌មាន Sina បានរាយការណ៍ថា តារាសម្ដែងស្រីលំដាប់ A ចិន Yang Mi បានចូលរួមក្នុងកម្មវិធី ដែលនៅទីនេះ នាងបានចែករំលែកពីរឿងស្នេហារបស់ខ្លួន។ នៅក្នុងកម្មវិធីនេះដែរ ស្រីស្អាតអាយុ ៣៥ឆ្នាំ បានឲ្យដឹងថា បើចង់មានអារម្មណ៍ថាសុវត្ថិភាពពេលមានស្នេហា គឺត្រូវចាប់ផ្ដើមចេញពីខ្លួនឯង។
នៅពេលត្រូវពិធីករសួរថា នឹងមានអារម្មណ៍បែបណាបើមនុស្សប្រុសស្រលាញ់នាងព្រោះលុយនោះ។ តួរឿង និស្ស័យស្នេហ៍ទេវតាបីជាតិ បាននិយាយថា៖ ប្រសិនជាគេធ្វើល្អដាក់ខ្ញុំ ដោយសារតែលុយនោះ ខ្ញុំមិនអស់សង្ឃឹមឡើយ មានតែសប្បាយចិត្តថែម ព្រោះនេះបង្ហាញថា ខ្ញុំជាមនុស្សមានលុយ។
ប្រភពដដែលបានឲ្យដឹងថា នេះមិនមែនជាលើកទី១ឡើយដែលអ្នកម្ដាយកូន១ បង្ហាញថាខ្លួនជាមនុស្សស្រីឯករាជ្យតាមរយៈការរកបានលុយដោយខ្លួនឯង មិនពឹងផ្អែកលើមនុស្សប្រុស។ ចាប់តាំងពីលែងគ្នាជាមួយប្ដីកាលពីឆ្នាំ ២០១៨ ស្រីស្អាតកើតឆ្នាំ ១៩៨៦ ធ្វើការគ្មានថ្ងៃសម្រាក និងវិនិយោគលើគម្រោងជាច្រើនដែលជឿជាក់ថា ទ្រព្យសរុបរបស់ Yang Mi មានមិនក្រោម១ពាន់លានដុល្លារឡើយ៕