ប្រសិនបើអ្នកធ្លាប់ឆ្លងកាត់ការបែកបាក់ស្នេហា អ្នកនឹងដឹងច្បាស់ពីការឈឺឆាប់របស់វា ហើយវាពិបាកក្នុងការកាត់ចិត្តដើម្បីត្រៀមខ្លួនទទួលយកអ្នកថ្មីណាស់។ បើទោះបីជាអ្នកបានទុកពេលជាច្រើនក្នុងការជាសះស្បើយ ឬទទួលបានដំបូន្មានល្អៗពីអ្នកជំនាញខាងស្នេហាក៏ដោយ សម្រាប់អ្នកខ្លះវិញគឺនៅតែមិនអាចឈានដើរទៅមុខបាន។

អ្នកប្រហែលជាមានការភ័យខ្លាច ពេលគេធ្វើបាប ខ្លាចមានការឈឺឆាប់ដដែលៗម្តងទៀត ឬមកពីអ្នកមិនទាន់ដាក់ចិត្តបាននឹងចង់នៅតែម្នាក់ឯងឲ្យបានយូរសិន។ ហេតុដូចនេះហើយបានជាពេលខ្លះ ទោះបីជាមានអ្នកណាម្នាក់មកស្រឡាញ់មែន ក៏អ្នកនៅតែមិនអាចទទួលយកបាន។

ហើយទាំងនេះជារឿងដែលអ្នកត្រូវធ្វើបើសិនជាមាននរណាម្នាក់សុំស្រឡាញ់ ប៉ុន្តែអ្នកចង់ប្រកែកដោយមិនឲ្យគេនោះឈឺចាប់៖

• ព្យាយាមនិយាយបញ្ជាក់ឲ្យបានជាក់លាក់ថាអ្នកអាចបានត្រឹមក្លាយជាមិត្តប៉ុណ្ណោះ
• កុំផ្តល់ក្តីសង្ឃឹមឲ្យគេ ពីព្រោះវាធ្វើឲ្យគេស្រឡាញ់អ្នកកាន់តែច្រើន ហើយអ្នកពិបាកដកខ្លួនចេញវិញណាស់
• កុំធ្វើដោយសារតែអ្នកចង់បានផលប្រយោជន៍ឲ្យសោះ វាជាទង្វើឃោរឃៅ និងអត្មានិយមដែលអាចធ្វើឲ្យអ្នកនោះឈឺចាប់បាន
• ប្រសិនបើគេសារភាព ចៀសវាការឆ្លើយតបដែលធ្វើឲ្យមានការឈឺចាប់ (អ្នកអាចនិយាយបានថា អរគុណដែលបានប្រាប់ពីអារម្មណ៍ពិត ប៉ុន្តែខ្ញុំមិនបានគិតដល់រឿងនេះទេ ខ្ញុំគិតថាវាល្អជាងបើយើងនៅត្រឹមតែជាមិត្តសម្លាញ់ ឬក៏ខ្ញុំមិនទាន់ចង់បានសង្សារនៅឡើយ) ជាដើម!

កុំមានអារម្មណ៍ថាពេលគេបដិសេធគឺត្រូវតែឈប់ទាក់ទង ឬមានការបែកបាក់គ្នាឲ្យសោះ។ អ្នកអាចនឹងមានការអៀនខ្មាសក្នុងគ្រាដំបូង ហើយមិនហ៊ានជួបមុខឬនិយាយជាមួយគ្នាទៀត តែបើអ្នកអាចរក្សាចំណងមិត្តភាពបានល្អ ប្រហែលជាថ្ងៃណាមួយគេអាចនឹងប្តូរចិត្តលង់ស្រឡាញ់អ្នកវិញបាន៕

ចុចអានបន្ត៖ ៦ ចំណុចដែលអាចបញ្ជាក់បានយ៉ាងច្បាស់ថាជីវិតស្នេហារបស់អ្នកនឹងមិននៅគង់វង្សឡើយ