៣ សញ្ញាបង្ហាញថាអ្នកកំពុងសន្សំលុយលើសកម្រិត ធ្វើឲ្យប៉ះពាល់ដល់ជីវិតជាខ្លាំង

2022-03-01 04:00:00
ចំនួនមតិ 0 | ចំនួនចែករំលែក 0

ទោះបីជាដឹងថា ការសន្សំសំចៃគឺជាអត្តចរិតដ៏ល្អ ជាពិសេសគឺស្ថិតក្នុងកាលៈទេសៈសេដ្ឋកិច្ចមិនអំណោយផលដូចបច្ចុប្បន្ន តែបើអ្នកកំពុងប្រទះរឿងទាំងនេះ មានន័យថាអ្នកសន្សំលុយលើសហើយ។

១. គណនីសន្សំសម្រាប់ករណីបន្ទាន់កំពុងហូរហៀរ

គណនីសន្សំសម្រាប់ករណីបន្ទាន់គឺជាទឹកប្រាក់ដែលទុកបម្រុងនៅពេលរឿងដែលយើងមើលមិនឃើញកើតឡើយ ដោយជាធម្មតា គណនីនេះនឹងមានទឹកប្រាក់ចន្លោះពីប្រាក់ខែ ៣ទៅ ៦ខែ។ នៅពេលដែលអ្នកសន្សំគ្រប់ចំនួននេះហើយ គ្រាន់តែដក១០%នៃប្រាក់ខែដើម្បីបញ្ចូលជារៀងរាល់ខែទៀតគឺគ្រប់គ្រាន់ហើយ។ តែបើទឹកប្រាក់ក្នុងគណនីនេះ កើនដល់៩ខែ ទៅ១២ខែមានន័យថាអ្នកកំពុងត្បៀតលើសកម្រិតហើយ។

២. លុយក្នុងគណនីច្រើន តែគុណភាពជីវិតធ្លាក់ចុះ

មនុស្សជាច្រើនដោយសារតែខំប្រឹងសន្សំខ្លាំងពេក រហូតដល់ថ្នាក់ភ្លេចខ្លួនឯងក៏មាន។ ពួកគេសុខចិត្តញ៉ាំអាហារមានតម្លៃថោក និងគ្មានជីវជាតិ ដែលធ្វើឲ្យប៉ះពាល់ដល់រាងកាយ និងសុខភាពជាទម្ងន់។ របស់ប្រើប្រាស់ក៏មិនអាចជួយទ្រទ្រង់ជីវភាពឲ្យប្រសើរជាងមុន រីឯដំណើរកម្សាន្តគឺគ្មានតែម្ដង។ ឈឺល្មមៗគឺមិនទៅពេទ្យឡើយ ថ្នាំក៏មិនលេប ទុកឲ្យជាដោយខ្លួនឯង។ សួរថាក្រែងរកលុយមកដើម្បីទ្រទ្រង់ជីវិតនេះមែនទេ តែបើអ្នកសន្សំដល់ថ្នាក់នេះ គឺអ្នកសន្សំខុសហើយ។

៣. មានតែសន្សំ តែគ្មានវិនិយោគ

មនុស្សមិនតិចឡើយដែលមានគណនីសន្សំដល់ទៅ ២-៣ តែសួរថាក្រៅពីលុយនៅក្នុងគណនីពួកគេមិនបានយកលុយនេះទៅវិនិយោគឲ្យលុយកើនជាងមុនឡើយ នេះគឺជាការសន្សំខុសមួយ។ នៅពេលដែលអ្នកមានលុយសន្សំលុយគ្រប់គ្រាន់ហើយ អ្នកគួរយកលុយនេះទៅបង្វិលដើម្បីរកចំណូលបន្ថែម។ ព្រោះការសន្សំលុយ នៅទីបំផុតក៏យកវាទៅធ្វើអ្វីផ្សេងដើម្បីឲ្យកកើតកាន់តែច្រើន ត្បិតការប្រាក់ធនាគារគណនីសន្សំនេះ គឺទាបជាងការវិនិយោគច្រើន៕

ប្រភព៖ Kenh14 ប្រែសម្រួល៖ Caramel