មនុស្សស្រីឆាប់ចាស់ ឆាប់ធាត់ ហើយឆាប់ខឹង មកពីទម្លាប់ញ៉ាំនិងផឹកបែបនេះ
- 2022-01-21 08:30:00
- ចំនួនមតិ 0 | ចំនួនចែករំលែក 0
មនុស្សស្រីឆាប់ចាស់ ឆាប់ធាត់ ហើយឆាប់ខឹង មកពីទម្លាប់ញ៉ាំនិងផឹកបែបនេះ
ទម្លាប់ទាំងបីយ៉ាងនេះ ជាមូលហេតុនាំឲ្យអ្នកឆាប់ចាស់ ធាត់លឿន ហើយងាយឆេវឆាវ។
១. ហូបអាហារផ្អែមពេក
វាងាយនឹងធ្វើឲ្យកើតជំងឺធាត់ ស្បែកចាស់មុនអាយុ បង្កើនហានិភ័យនៃជំងឺសសៃឈាមបេះដូង និងជំងឺទឹកនោមផ្អែម។ នៅពេលសារធាតុស្ករចូលទៅក្នុងរាងកាយ វាងាយបំផ្លាញខូឡាជែន ធ្វើឲ្យស្បែកប្រែជាស្រអាប់ លេចស្នាមជ្រួញទាំងនៅវ័យក្មេង។ លើសពីនេះ ជាតិផ្អែមបង្កើនដំណើរការរលាក បណ្តាលឲ្យក្រពេញ sebaceous សកម្មដែលធ្វើឲ្យស្ទះរន្ធញើស ឡើងមុន ត្របកភ្នែកហើម រង្វង់ភ្នែកខ្មៅ និងអាចក្តៅក្រហាយក្នុងមាត់។ បើនៅបន្ត សម្រស់របស់អ្កនឹងធ្លាក់ចុះ ហើយគ្មានគ្រឿងសម្អាងថ្លៃៗណា អាចជួយបានទេ។
២. តមអាហារធ្ងន់ធ្ងរពេក
ការសម្រកគីឡូលឿនហួសហេតុពេក នឹងធ្វើឲ្យងាយឈឺបំផុត ដែលទម្លាប់នេះងាយនឹងបាត់បង់ជីវជាតិ រាងកាយគ្មានវីតាមីនគ្រប់គ្រាន់ទៅចិញ្ចឹមស្បែក ដែលងាយនឹងធ្វើឲ្យឆាប់ជ្រួញនិងយារធ្លាក់ផងដែរ។
៣. ខ្ជិលផឹកទឹក ឬផឹកទឹកតិច
រដូវក្តៅ គឺជាខែដែលបាត់បង់ជាតិទឹកច្រើនជាងគេ ដោយសារតែបែកញើសច្រើន ហើយបើអ្នកខ្ជិលនឹងផឹកទឹកទៀត ងាយនឹងប៉ះពាល់ស្បែកជាទីបំផុត។ ការផឹកទឹកមិនបានគ្រប់គ្រាន់ មិនអាចឲ្យរាងកាយបញ្ចញជាតិពុលពីខាងក្នុងបាន ឆាប់ឡើងមុន ឡើងអាចម៍រុយឆាប់រហ័ស ហើយបើបណ្តោយនឹងឡើងជ្រួញលឿនផងដែរ។