រាល់ទំនាក់ទំនងស្នេហាទាំងអស់គឺមានសេចក្ដីសុខភាពសប្បាយរីករាយ និងជម្លោះដែលតែងតែកើតមានឡើយ។ នៅពេលដែលនរណាម្នាក់ធ្វើឲ្យអ្នកខូចចិត្តវាមិនមានភាពងាយស្រួលទេក្នុងការទទួលយកអំពីបទពិសោធន៍មិនល្អទាំងនោះ។ ជាអកុសលរាល់ដៃគូដែលអ្នកមានទំនាក់ទំនងស្នេហាហើយទទួលការបរាជ័យនោះ វានឹងជះឥទ្ធិពលមិនល្អជាច្រើនសម្រាប់អ្នកទៅថ្ងៃមុខ។

មិនថាអ្នកធ្លាប់បានឆ្លងកាត់បទពិសោធអាក្រក់ៗជាច្រើនដែលបណ្តាលឲ្យអ្នកមានស្នាមរបួស ឬបាននៅជាមួយអ្នកដែលធ្វើបាបឲ្យអ្នកខូចចិត្តកន្លងមកយ៉ាងណាក៏ដោយ ត្រូវចាំថាវាត្រូវការពេលវេលា និងការអត់ធ្មត់ខ្លាំងដើម្បីព្យាបាល។ ការព្យាបាលទៅលើការខូចចិត្តគឺមិនមែនជារឿងងាយស្រួលនោះទេ ហើយអ្នកខ្លះអាចចំណាយពេលរាប់ឆ្នាំទម្រាំតែបានជាសះស្បើយពីការបែកបាក់ទំនាក់ទំនងស្នេហានោះ។

ទាំងនេះគឺជាបទពិសោធអាក្រក់ៗមួយចំនួនដែលមនុស្សតែងតែជួបប្រទះពេលកំពុងមានទំនាក់ទំនងស្នេហាថ្មីម្ដងទៀត៖

• ការធ្លាប់ទទួលរងការរំលោភបំពានផ្នែករាងកាយពីដៃគូ
• អ្នកមានការលំបាកផ្នែកហិរញ្ញវត្ថុដែលគ្មានលទ្ធភាពក្នុងការមានដៃគូសង្សារ
• ត្រូវបានអតីតនិយាយកុហកដែលបង្កើតជាការបោក និងភាពមិនស្មោះត្រង់ដែលឈានទៅរកការផិតក្បត់រហូតដល់បែកបំបាក់ទំនាក់ទំនងស្នេហា
• អ្នកជួបមនុស្សពិសពុលដែលមិនស្រឡាញ់អ្នកពិតឡើយ ផ្ទុយទៅវិញគេគ្រាន់តែប្រើអ្នកដើម្បីអត្ថប្រយោជន៍គេតែប៉ុណ្ណោះ
• អ្នកធ្លាប់នៅជាមួយមនុស្សដែលប្រចណ្ឌច្រណែនខ្លាំងដែលវាគឺជាបញ្ហាសំខាន់មួយក្នុងការបំផ្លាញទំនាក់ទំនងស្នេហារបស់អ្នក
• ការទទួលរងការេំលោភបំពានពាក្យសម្ដីដែលមិនសមរម្យ នៅពេលមនុស្សដែលអ្នកស្រលាញ់ហៅអ្នកថាជាមនុស្សឆោតល្ងង់ ឬភ្លើវានឹងធ្វើឲ្យការស្រឡាញ់ខ្លួនឯងធ្លាក់ចុះ

មនុស្សភាគច្រើនមានគំនិតឆ្មើងឆ្មៃបន្តិចនៅពេលពួកគេចាប់ផ្តើមមានទំនាក់ទំនងស្នេហាជាមួយអ្នកថ្មី តែរឿងមួយដែលអ្នកត្រូវចាំនោះគឺការមានគំនិតទុទិដ្ឋិនិយម ពីព្រោះមនុស្សដែលអ្នកកំពុងឃើញនេះមិនមែនជាអតីតដែលធ្លាប់បានធ្វើបាបអ្នកឡើយ លើសពីនេះទៅទៀតអ្នកក៏មិនអាចយកកំហុសរបស់នរណាម្នាក់មកដាក់លើពួកគេបានដែរ។ អ្នកគួរតែចាប់ផ្តើមដោយការទទួលយកនឹងបំភ្លេចអំពីអតីតកាលរបស់អ្នកទាំងពីរ រៀនស្គាល់អំពីគ្នាទៅវិញទៅមកប្រសិនបើអ្នកមានបំណងចង់មានអនាគតជាមួយគ្នានោះ៕

ប្រភពរូបភាព៖ Pinterest

ចុចអានបន្ត៖

• ជំនាញកសាងទំនាក់ទំនង ៦ យ៉ាងដែលជួយធ្វើឲ្យកុមាររស់នៅដោយមានសុភមង្គល
• គោលការណ៍សំខាន់ៗទាំង ៥ យ៉ាងរបស់ឪពុកម្តាយក្នុងការចិញ្ចឹមកូនឲ្យមានភាពឆ្លាតវៃ