ចៀវៃធ្លាយរូបបាក់សម្រស់ខ្លាំង រវាងរូប មុននិងក្រោយពេលកែក្នុងកម្មវិធីធំ

2021-10-11 02:46:00
ចំនួនមតិ 0 | ចំនួនចែករំលែក 0

មានវត្តមាននៅក្នុងកម្មវិធីដ៏ធំប្រចាំឆ្នាំ កំពូលតារាសម្ដែងស្រីតៃវ៉ាន់ Ruby Lin ទទួលការចាប់អារម្មណ៍ជាខ្លាំងជាមួយរ៉ូបដ៏ស្រស់ស្អាត តែសម្រស់របស់នាងត្រូវគេវាយតម្លៃថាធ្លាក់ចុះ។

កាលពីថ្ងៃទី ១០ ខែតុលាកន្លងទៅនេះ តារាសម្ដែងស្រីលំដាប់ A តៃវ៉ាន់ Ruby Lin បានមានវត្តមាននៅក្នុងកម្មវិធីមហោស្រពភាពយន្តប៉េកាំង ដែលជាកម្មវិធីភាពយន្តដ៏ធំប្រចាំឆ្នាំនៃកោះតៃវ៉ាន់។ ទោះបីជាមានវត្តមានសិល្បករ សិល្បការិនីជាង១០០ដួងបានចូលរួមក្នុងពេលតែមួយក្ដី តែវត្តមានរបស់តួរឿងព្រះនាងយេយេ ទទួលបានការចាប់អារម្មណ៍យ៉ាងពិសេស។

មានមុខនៅទីនេះ ស្រីស្អាតអាយុ ៤៥ឆ្នាំ ប្ដូរសម្លៀកបំពាក់ដល់ទៅ២ឈុត ដោយរួមមានរ៉ូបវែងអូសដីមួយ និងខោអាវមួយឈុតទៀត។ មុនពេលកម្មវិធីចាប់ផ្ដើម អ្នកម្ដាយកូន១ត្រូវបានផលិតកម្មរបស់ខ្លួនបញ្ចេញរូបយ៉ាងស្រស់ស្អាត យ៉ាងណាក្ដី នៅពេលកម្មវិធីចាប់ផ្ដើមផ្ទាល់ មនុស្សជាច្រើនសង្កេតឃើញថា ភរិយារបស់ Wallace Huo បាក់សម្រស់ជាងមុន ដោយស្នាមជ្រួញក៏ច្បាស់ជាងមុន មានន័យថា រូបដែលត្រូវបានបញ្ចេញមុននោះ ឆ្លងកាត់ការកែជាច្រើន។

ទន្ទឹមនឹងនេះ អ្នកគាំទ្ររបស់ Ruby Lin ក៏លាន់មាត់ដែរថា នាងមានអាយុ ៤៥ឆ្នាំហើយ មិនអាចនៅក្មេងរហូតដូចកាលអាយុម្ភៃឆ្នាំបានឡើយ សូមកុំយករឿងចាស់មកប្រៀបធៀបទៀតអី៕