ខានដើរកម្រាលព្រំក្រហមយូរ Fan Bingbing ឈ្នះអស់មារសត្រូវទាំងរ៉ូបមើលទៅរលុងៗក៏ដោយ
- 2021-06-08 07:35:00
- ចំនួនមតិ 0 | ចំនួនចែករំលែក 0
ខានដើរកម្រាលព្រំក្រហមយូរ Fan Bingbing ឈ្នះអស់មារសត្រូវទាំងរ៉ូបមើលទៅរលុងៗក៏ដោយ
ក្រោយពេលខានឈានជើងលើកម្រាលព្រំក្រហមយូរ កំពូលតារាសម្ដែងស្រីចិន Fan Bingbing ទទួលបានការសរសើរជាច្រើន ក្រោយពេលចូលកម្មវិធីធំឡើងវិញ។
កាលពីថ្ងៃយប់ថ្ងៃទី ៧ ខែមិថុនាកន្លងទៅនេះ តារាសម្ដែងស្រីជួរមុខចិន Fan Bingbing បានធ្វើឲ្យអ្នកគាំទ្រភ្ញាក់ផ្អើលជាខ្លាំង នៅពេលស្រីស្អាតរូបនេះ បានចូលរួមក្នុងកម្មវិធី Wonderland Night ដែលត្រូវបានប្រព្រឹត្តឡើងនៅទីក្រុងសៀងហៃ ប្រទេសចិន។ នៅក្នុងកម្មវិធី ក៏មានតារាជួរមុខជាច្រើនទៀត ដោយក្នុងនោះក៏មាន តារាសម្ដែងប្រុសលំដាប់ A Huang Xiao Ming ផងដែរ។
នេះគឺជាពេលដ៏កម្រ ដែលគេប្រទះឃើញ ស្រីស្អាតវ័យ ៣៩ឆ្នាំ ដើរលើកម្រាលព្រំក្រហមធំឡើងវិញ ត្បិតក្រោយរឿងអាស្រូវគេចពន្ធ នាងពុំមានកម្មវិធីច្រើនឡើយ។ ក្រោយពេលរូបភាពរបស់តួរឿង ព្រះនាងយេយេត្រូវបានបញ្ចេញភ្លាម ឈ្មោះនាងត្រូវបានគេស្វែងរកច្រើនជាងគេលើបណ្ដាញសង្គម Weibo ភ្លែតតែម្ដង។
ក្រៅពីសម្រស់ដ៏ស្រស់ស្អាតទោះអាយុជិត ៤០ឆ្នាំហើយនោះ អ្នកគាំទ្រអត់នឹងមិនសរសើរតារារូបនេះមិនបាន ព្រោះសម្រស់របស់នាងនៅតែលេចធ្លោទោះបីរ៉ូបរបស់នាង ត្រូវគេប្រដូចទៅនឹងឈុតគេឡកម៉ុងសាយ ឬមានរាងដូចទីងមោងក៏ដោយ ព្រោះវាមើលទៅរលុងៗ។
មនុស្សជាច្រើនបានឲ្យដឹងថា ប្រសិនបើក្រៅពី Fan Bingbing ប្រហែលជាគ្មានអ្នកណាអាចស្លៀករ៉ូបនេះបានឡើយ៕