មនុស្សស្រីចង់ស្អាត និងជោគជ័យយ៉ាងណា តែបើមានចរិតបែបនេះ មនុស្សប្រុសមិនហ៊ានយកឡើយ

2021-06-07 12:00:00
ចំនួនមតិ 0 | ចំនួនចែករំលែក 0

អ្នកត្រូវដឹងថាលុយ និងសីលធម៌ត្រូវតែដើរទន្ទឹមគ្នា បើអ្នកមានទ្រព្យហើយ តែនៅតែរក្សាចរិយាមិនថ្លៃថ្នូរ ទោះអ្នកមានលុយច្រើនយ៉ាងណាក៏អ្នករកអ្នកស្មោះនឹងអ្នកមិនបានដែរ។

១. បែកគ្នានៅតោងទាម

អ្នកណាក៏គួររក្សាតម្លៃឲ្យខ្លួនឯង បែកគ្នាហើយតែនៅតែដើរតួកម្សត់ទៀតនោះ គេមិនបានស្រលាញ់អាណិតអីទេ មានតែស្អប់ខ្ពើម។ នៅពេលដែលគេដាច់ចិត្តនិយាយថាបែកហើយ មានន័យថា គេលែងមានអ្វីចង់ទាក់ទងនឹងអ្នកហើយ បើអ្នកតែតោងទាម មានតែធ្វើឲ្យគេស្អប់ថែមប៉ុណ្ណោះ ឈប់បន្ទាបតម្លៃខ្លួនឯងទៅ។

២. និយាយដើមអ្នកចាស់

អ្នកគួរចាំថា ទោះបីជាអ្នកចាស់នោះ ល្អជាយ៉ាងណាក៏ដោយ ក៏គេធ្លាប់ជាសង្សាររបស់អ្នក ដូចនេះហើយ ការដែលអ្នកនិយាយដើមអ្នកចាស់ មានខុសអីពីការសារភាពថា អ្នកធ្លាប់ស្រលាញ់មនុស្សអាក្រក់ មនុស្សអន់នោះ? នៅពេលអ្នកកំពុងនិយាយអាក្រក់ពីគេ គឺកំពុងទាញខ្លួនឯងចុះភក់ជ្រាំហើយ។

ចុចមើលវីដេអូ៖

៣. មាត់ឥតគម្រប

ទទួលស្គាល់ថា ចង់ចូលសង្គមចុះ ចង់រកស៊ីឲ្យទាន់គេ ថ្វីមាត់គឺសំខាន់បំផុត។ ការចេះរៀបចំទុកដាក់ និយាយស្ដីឲ្យត្រូវតាមកាលៈទេសៈ មិនទាន់ចេញច្បាំងផង ឈ្នះគេពាក់កណ្ដាលទៅហើយ។ តែកុំយកលេសនេះហើយ និយាយស្ដីមិនចេះគិត បើកមាត់ចេញមក អ្វីក៏និយាយបានទាំងអស់ ព្រោះការដែលពូកែនិយាយ និងនិយាយច្រើនឥតប្រយោជន៍គឺបែបផែន២ផ្សេងគ្នាដាច់ស្រឡះ។

៤. យកលុយមកមើលងាយគេ

គ្មានមនុស្សប្រុសណាចង់បានលុយប្រពន្ធ ឬមិត្តស្រីរបស់ខ្លួនយកមកចិញ្ចឹមខ្លួនឡើយ ដូចនេះហើយ ប្រសិនបើអ្នកអាងថាដោយសារខ្លួនមានទ្រព្យ ហើយមានសិទ្ធិមើលងាយបុគ្គលណាមួយនោះ អ្នកកំពុងគិតខុសហើយ។ ទង្វើដែលអ្នកធ្វើនេះ នឹងធ្វើឲ្យអ្នកដទៃចេញឆ្ងាយពីអ្នក ព្រោះគេខ្លាចថ្ងៃណាមួយ គេអាចក្លាយទៅជាជនរងគ្រោះរបស់អ្នក៕