ថ្វីដ្បិតឈឺចាប់ តែជាការពិត! ៤ហេតុផល អ្នកគួរឈប់ចូលមើល Ex’s FB ទៀត

2021-02-23 07:49:00
ចំនួនមតិ 0 | ចំនួនចែករំលែក 0

ពេលខ្លះ អ្នកដឹងថាវាជារឿងខ្ជះខ្ជាយ ជារឿងមិនបានការ តែអ្នកនៅតែបន្តចូលមើល FB គេ ទាំងហាមចិត្តមិនបាន។ យ៉ាងណាក៏ដោយ សូមឈប់ទៅ ទោះមិនអាចធ្វើបានភ្លាមៗ តែគួរកាត់បន្ថយឲ្យបានតិចបំផុត ។

១. មិនមែនជារឿងដែលអ្នកត្រូវខ្វល់ពីគេទៀតទេ

អ្នកចូលមើល FB គេ ព្រោះចង់ដឹងពីសកម្មភាពរបស់គេ រឹតតែចង់ឃើញមុខសង្សារថ្មីរបស់គេ ចង់ដឹងថាគេយ៉ាងម៉េចហើយ។ តែសូមបញ្ឈប់ទៅ ព្រោះមានតែធ្វើឲ្យខ្លួនឯងខ្ជះខ្ជាយពេលវេលាអត់ប្រយោជន៍តែប៉ុណ្ណោះ។ ទោះជាគេមានបញ្ហាអ្វីក៏ដោយ គេធ្វើអ្វីថ្មីក៏ដោយ ក៏អ្នកនូវតែគ្មានសិទ្ធទៅខ្វល់ពីគេ ទៅអរជំនួសគេទៀតដែរ។ ត្រូវចាំថា មនុស្សប្រុសម្នាក់នោះលែងចង់ដឹង លែងចង់ឲ្យអ្នកមករវីរវល់ពីរឿងគេទៀតហើយ។

២. កាន់តែធ្វើឲ្យអ្នកពិបាកបំភ្លេចគេ

អ្នកតែងប្រាប់ខ្លួនឯង ប្រាប់មិត្តភក្កិថា អ្នកចង់បំភ្លេចគេចេញពីបេះដូង តែជាក់ស្តែងអ្នកបែរជានូវតែមិនអាចបញ្ឈប់នឹកគេបាន។ អ្នកកាន់តែគិត កាន់តែសម្លឹង នោះកាន់តែឈឺចាប់។

៣. កាន់តែធ្វើឲ្យអ្នកមើលទៅជាមនុស្សអាក្រក់

ក្រោយបែកគ្នា គេមានសិទ្ធទៅពាក់ព័ន្ធជាមួយនរណាក៏បាន ព្រោះទំនាក់ទំនងរបស់អ្នកទាំងពីរបានចប់ហើយ។ ដូច្នេះ អ្នកមិនគួរចូលទៅឆែក FB គេ ចូលទៅរញ៉េរញ៉ៃក្នុងជីវិតគេទៀតទេ ព្រោះបើធ្វើបែបនេះដូចចូលទៅបំផ្លាញសេចក្តីសុខរបស់គេអ៊ីចឹង។ ត្រូវចាំថា គេមិនត្រលប់មកវិញទេ ហើយអ្នកគួរតែចាកចេញពីគេដោយអារម្មណ៍ល្អទៅ កុំឲ្យគេគិតថាអ្នកជាមនុស្សគួរឲ្យធុញទ្រាន់។

៤. កាន់តែធ្វើឲ្យអ្នកពិបាករកអ្នកថ្មី

ដោយសារតែអ្នកមិនព្រមចាកចេញពីអតីតកាល ធ្វើឲ្យអ្នកពិបាកបើកបេះដូងទទួលយកអ្នកថ្មីណាស់។ កុំខ្ជះខ្ជាយពេលវេលាច្រើនពេកលើរឿងអតីតកាល ជីវិតនេះគឺខ្លីណាស់ សូមប្រើពេលវេលាឲ្យសប្បាយចិត្តជាងនេះ ទើបល្អ។ លើលោកនេះ មិនមែនមានតែបុរសនេះម្នាក់ទេ ថ្ងៃណាមួយ អ្នកនឹងជួបមនុស្សថ្មីដែលជារបស់អ្នក៕

ប្រភព៖ gangbeauty ប្រែសម្រួល៖ លឹម សុនា