មាននរណាកំពុងលួចមានកូនចិត្តលើអ្នក ឬអត់អំឡុងពេលនេះ? សាករើសរូបមួយ
- 2020-10-28 04:45:00
- ចំនួនមតិ 0 | ចំនួនចែករំលែក 0
មាននរណាកំពុងលួចមានកូនចិត្តលើអ្នក ឬអត់អំឡុងពេលនេះ? សាករើសរូបមួយ
តើអ្នកចង់ដឹងអត់ថា ថ្មីៗនេះ មានមនុស្សណាម្នាក់កំពុងលួចមានកូនចិត្តលើអ្នកឬអត់ ? តោះ ! សាកល្បងរើសរូបមួយ រួចទាយចម្លើយទាំងអស់គ្នា។
១. រូប A
រូបនេះគឺតំណាង "ការលួចមើលដោយសម្ងាត់" ដែលមានន័យថា អ្នកនិងមិត្តភក្កិចាស់របស់អ្នក ធ្លាប់ស្គាល់គ្នាពីមុន តែខកខានទំនាក់ទំនងគ្នា ឬមិនបានចាប់អារម្មណ៍ពីគ្នាអស់រយៈពេលដ៏យូរ។ និយាយឲ្យចំទៅ អ្នកនិងគេឧស្សាហ៍ព្រងើយកន្តើយដាក់គ្នាជារឿយៗ។យ៉ាងណាក៏ដោយ អ្នកទាំងពីរនៅតែមិនទាន់ឆ្លងផុតខ្សែបន្ទាត់ ដែលហៅថា មិត្តភក្កិ នៅឡើយទេ។
ថ្វីបើកន្លងមក គាត់ធ្លាប់នៅឆ្ងាយពីអ្នក និងបាត់អស់ភាពជិតស្និទ្ធចំពោះអ្នកក៏មែនពិត តែនៅក្នុងជម្រៅបេះដូងរបស់គាត់ នៅតែមានស្រមោលអ្នកជានិច្ច។
២. រូប B
អំឡុងពេលនេះ អ្នកកំពុងទទួលបានការចាប់អារម្មណ៍ពិសេស ពីសំណាក់មនុស្សភេទផ្ទុយ ហើយកាន់តែពិសេសទៀតនោះ គឺមនុស្សដែលមានវ័យក្មេងជាងអ្នក។ អាចនិយាយបានថា រូបទី២ដែលអ្នករើសនេះ គឺតំណាងឲ្យ "ភាពអាថ៍កំបាំងរបស់អ្នកបើកយន្តហោះ ដែលស្រលាញ់ការហោះហើរ (ប្រសិនបើអ្នកជាមនុស្សស្រី) ឬជាក្តីប្រាថ្នាដ៏សែនរ៉ូមែនទិកមួយអំឡុងពេលភ្លៀងធ្លាក់ (ប្រសិនបើអ្នកជាបុរស)។
ដោយសារតែការបង្ហាញពីចាស់ទុំរបស់អ្នក បានធ្វើឲ្យរូបគេកោតសរសើរអ្នកបំផុតរ។
៣. រូប C
អ្នកគឺជាមនុស្សដែលមានទំនាក់ទំនងខ្លាំងជាមួយសង្គមដ៏ទូលាយនេះ ហើយជានិច្ចកាល អ្នកតែងត្រូវបានអ្នកផងស្រលាញ់ចូលចិត្ត។ ដូច្នេះ មិនថាឥលូវ ឬពីមុន អ្នកក៏មាន Crush ច្រើនផងដែរ ហើយភាគច្រើន ពួកគេគឺជាមិត្តភក្កិដែលមានអាយុស្របាលគ្នា ឬ មិត្តរួមថ្នាក់ ឬមិត្តរួមការងារជាដើម។ អំឡុងពេលធ្វើការ ឬសិក្សា អ្នកបានផ្សារភ្ជាប់ទំនាក់ទំនងជាមួយគ្នាទៅវិញទៅមក ដែលជាហេតុធ្វើឲ្យគេលង់លើអ្នកដោយមិនដឹងខ្លួន។
តែដោយសារខ្លាចបាត់បង់មិត្តភាព ឬ Teamwork ដូច្នេះហើយ ទើបពួកគេមិនហ៊ានរំលងខ្សែបន្ទាត់មិត្តភាពមួយនេះ។
៤. រូប D
ថ្មីៗនេះ អ្នកហាក់ដូចជាបានពង្រីកបណ្តាញទំនាក់ទំនងសង្គម ព្រមទាំងបង្កើតមិត្តភក្កិថ្មីៗច្រើនផងដែរ។ ចំពោះរូបដែលអ្នកបានរើសនេះ តំណាងឲ្យ "ការយកចិត្តទុកដាក់ដោយស្ងៀមស្ងាត់ ពីមនុស្សភេទផ្ទុយដែលអ្នកទើបស្គាល់ "។
នេះមានន័យថា អ្នកទាំងពីរស្គាល់គ្នាតាមរយៈបណ្តាញសង្គមអនឡាញ ហើយជាញឹកញាប់ អ្នកនិងគេតែងផ្លាស់ប្តូរមតិយោបល់ ឬព័តមានអំពីគ្នាទៅវិញទៅមក ដោយឆាតជាមួយគ្នាយ៉ាងរីករាយ៕